თბილისის საკრებულოს შენობის წინ "ბავშვთა სამყაროში" გაჩენილი ხანძრის შედეგად დაზარალებული მოვაჭრეები არიან შეკრებილი. აქციის მონაწილეთა განცხადებით, თბილისის საკრებულოს პასუხი მათ მოთხოვნებთან დაკავშირებით ხვალ უნდა ყოფილიყო ცნობილი, თუმცა რამდენიმე წუთის წინ შეიტყვეს, რომ საკრებულოს პასუხი მათ მოთხოვნებთან დაკავშირებით დღეს გახდება ცნობილი.
საკრებულოში დაზარალებული მოვაჭრეების ნაწილია შესული და ისინი ოფიციალურ პასუხს ელოდებიან, დააკმაყოფილებს თუ არა თბილისის საკრებულო მათ მოთხოვნებს. გარეთ მყოფი აქციის მონაწილეები კი აცხადებენ, რომ იმ შემთხვევაში, თუკი მათი მოთხოვნები არ დაკმაყოფილდება, სხვადასხვა რადიკალურ ზომებს მიმართავენ.
მიმდებარე ტერიტორიაზე მობილიზებული არიან სამართალდამცველები, რომლებიც ადგილზე უსაფრთხოებას აკონტროლებენ. აქციის მონაწილეები თბილისის საკრებულოსგან მოითხოვენ ალტერნატიული ფართის გამოყოფასა და ზარალის ანაზღაურებას. მათი განცხადებით, თბილისის მერიის სარეზერვო ფონდს ამის შესაძლებლობა გააჩნია. თუმცა, საკრებულოსგან თანხმობაა საჭირო.