კვირის ყველაზე კითხვადი სტატიები
თვის ყველაზე კითხვადი სტატიები
09:22 / 08-06-2017
რატომ გახშირდა მიწისძვრები საქართველოში და რომელი რეგიონია სეისმურად ყველაზე აქტიური
გუშინ საქართველოში ძლიერი მიწისძვრა მოხდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი ქალაქ სიღნაღიდან სამხრეთ-დასავლეთით 22კმ-ში მდებარე სოფელ ქვემო ბოდბედან 15 კილომეტრში დაფიქსირდა. ბიძგების სიმძლავრემ 5,1 მაგნიტუდა შეადგინა. ეს ბოლო 5 თვის მანძილზე დაფქსირებული ყველაზე მაღალი მაგნიტუდაა.

ბოლო 5 თვეში საქართველოში ეს უკვე მეექვსე მიწისძვრაა. ეპიცენტრები ძირითადად სამხრეთ და აღმოსავლეთ საქართველოში დაფიქსირდა. წინა შემთხვევებში, მიწისძვრების სიმძლავრე შე
დარებით დაბალი, 3,1 და 3.8 მაგნიტუდა იყო.

საბედნიეროდ, არც ერთ ამ შემთხვევაში მიწისძვრას მსხვერპლი და სერიოზული ნგრევა არ მოჰყოლია, თუმცა მოსახლეობის ნაწილი გვარიანად დააფრთხო.

არის თუ არა საშიში გახშირებული მიწისძვრები, სეისმურად რამდენად აქტიურ ზონაშია საქართველო - ამის შესახებ AMBEBI.GE-ს სეისმური მონიტორინგის ეროვნული ცენტრის წარმომადგენელი, ზურა ჯავახიშვილი ესაუბრება.

- საერთო სტატისტიკა რომ ნახოთ, მიწისძვრები გახშირებული არ არის, ასე ხდება ხოლმე და არც საფრთხის შემცველია. ბოლოს მომხდარი მიწისძვრებიდან არცერთი არ ყოფილა ძლიერი. ბიძგები მუდმივად ფიქსირდება, საბედნიეროდ, სუსტი მიწისძვრა უფრო ხშირად ხდება, ძლიერი კი იშვიათად.

- საქართველო სეისმურად როგორ ზონაშია?
- ჩვენი ზონა ითვლება საშუალო სეისმურობის ზონად, ანუ ისეთი ძლიერი და დიდი მიწისძვრები, როგორიც იაპონიაში ან ინდონეზიაში ხდება, ჩვენთან მოსალოდნელი არ არის, მაგრამ საკმაოდ ძლიერი მიწისძვრები ხდება, თუმცა ეს მოსახლეობას საფრთხეს არ უქმნის. მიწისძვრა ამინდზე და სეზონზე დამოკიდებული არ არის. ზოგადად მიწისძვრები, ვულკანები დაკავშირებულია დედამიწის წიაღში არსებულ სითბოსთან, მოძრაობასთან, რაც შეეხება ამინდსა და კლიმატს, ეს მზის ენერგიით განისაზღვრება, ატმოსფეროში და ჰიდროსფეროში მზის ენერგიის გამო ხდება ამინდის ცვლილება, ხოლო ესენი ერთმანეთთან დაკავშირებული მოვლენები არ არის.

- ძირითადად, რა მიზეზით ხდება საქართველოში მიწისძვრა?
- ეს დაკავშირებულია ლითოსფერული ფილების მოძრაობასთან. კონკრეტულად კი იმასთან, რომ არაბეთის ფილა არაბეთის ნახევარკუნძულის ჩრდილოეთით მოძრაობს და ეჯახება ევრაზიის ფილას, ჩვენ კი ზუსტად ამ შეჯახების ზოლში ვიმყოფებით. თანამედროვე ტექნოლოგია დედამიწის ქერქის მოძრაობაზე დაკვირვების საშუალებას იძლევა და სწორედ ამ მოძრაობის გამო ხდება დედამიწის ქერქის დეფორმაცია. მარტივად რომ წარმოიდგინოთ, ხის ტოტი რომ მოხაროთ, ბოლო-ბოლო გადატყდება, დედამიწის ქერქიც ასეა, დეფორმაციას განიცდის, გარკვეულ დონემდე უძლებს, შემდეგ გატყდება და ეს არის მიწისძვრა.

- საქართველოში კონკრეტულად რომელი მხარეა სეისმურად აქტიური?
- სეისმურად აქტიურია ჯავახეთის ზეგანი, ხშირად ხდება მანდ მიწისძვრები და კიდევ უფრო აქტიურია, კავკასიონის ცენტრალური ნაწილი, განსაკუთრებით რაჭა-იმერეთის საზღვარი. 1991 წელს მანდ ძალიან ძლიერი მიწისძვრა მოხდა და იმის მერე ეს უბანი აქტიურია.

- რატომ მაინცდამაინც ეს ადგილები?
- ბუნებრივია ამ ყველაფერს მიზეზი აქვს, მიწისძვრები შემთხვევით არ ხდება და დამოკიდებულია იმ გეოლოგიურ პროცესებზე, რომლებიც მიმდინარეობს კავკასიაში. საერთოდ საქართველოში, რომელიმე კონკრეტული სეისმური რეგიონი არ არის, ყველგან შეიძლება მოხდეს მიწისძვრა, მაგრამ უფრო მეტად აქტიურია კავკასიონის ცენტრალური ნაწილი და ჯავახეთის ზეგანი.

თეა ბეჟიტაშვილი
AMBEBI.GE
17:22 / 08-06-2017
ალექს
0
მიწა სირცხვილით იწვის ნაცქოცმოქკავშირს რომ ატარებს სატელიტებიანად და შფოთავს !<br />
ღმერთმა არ ქნას (თუ ქნას ?!) ამირანმააც აიშვას ,ან იმან უჟმურად გაიღვიძოს,ტბაში რომ სძინავს და თან წამოასხან ალგეთის ლეკვები ,ვნახავ მაგათ ბუმბულს გაშლილს გაფანტულს ველადა !
გამოეხმაურე / 0 /
16:29 / 08-06-2017
samwuxarod
15
ღვთისმშობელს საქართველოზე უარი უთქვია.
გამოეხმაურე / 0 /
მსგავსი სიახლეები
საბჭოთა მონაცემებზე დაყრდნობით, მყინვარწვერის ბოლო ამოფრქვევა 2400 წლის წინ მოხდა
ეპიცენტრი თბილისიდან – 56კმ-ში, დმანისთან ახლოს მდებარეობდა
ეპიცენტრი ქალაქებში: ბარდასა და გეიჩაიში იყო
+VIDEO 7,2 მაგნიტუდის სიმძლავრის მიწისძვრა ირანი-ერაყის საზღვარზე მოხდა
მიწისძვრა დაახლოებით, 14:24 საათზე მოხდა
+VIDEO|სხვა შენობებთან ერთად დაინგრა სკოლა და დაიღუპა 20 ბავშვი და მასწავლებლები
მიწისძვრა ადგილობრივი დროით 21:19 საათზე მოხდა
ამ კატეგორიის სხვა სიახლეები
18:12 / 17-01-2018  Image რატომ შევიდა ბაგა-ბაღებში რძის პროდუქტი ღვინის ეტიკეტიანი შეფუთვით? - "მილკოფუდის" განმარტება
"არასწორად ეტიკეტირებული რძის პროდუქტი აბსოლუტურად უსაფრთხოა"
11:23 / 17-01-2018  Image "ზვიად მესხი თუ ოდესმე თაზოს გაიცნობს, დარწმუნებული ვარ, შეუყვარდება..." - "ბასიანთან" დაჭრაში ბრალდებულის მამიდა
"ჩვენ პრივილეგირებული ოჯახი არ ვართ... სიკეთის მეტი არ გვიკეთებია...."
15:08 / 17-01-2018  Image დეპუტატი: "გლეხს სწავლა რომ უყვარდეს, გლეხი არ იქნებოდა, სხვა ადგილს მიაგნებდა ცხოვრებაში"
"ის მოსაზრება რომ მოსახლეობა მივატოვოთ და მხოლოდ ვასწავლოთ - არ გამოდგება"
17:29 / 17-01-2018  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ
14:37 / 17-01-2018  Image ქეთა თოფურიას "ცხელი" ფოტოები ტაილანდიდან
ქეთა თოფურია მეგობრებთან ერთად ტაილანდში ისვენებს

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49