საპატრიარქოში აღდგომის ბრწყინვალე დღესასწაულისადმი მიძღვნილი საზეიმო ტრაპეზი გაიმართა. პატრიარქს აღდგომის დღესასწაულის მისალოცად საქართველოს პრეზიდენტი გიორგი მარგველაშვილი და პირველი ლედი მაკა ჩიჩუა, ასევე პრემიერ-მინისტრი გიორგი კვირიკაშვილი და მინისტრები ეწვივნენ.
სადღესასწაულო ტრაპეზზე პარლამენტის თავმჯდომარე, დეპუტატები და დედაქალაქის მერიც იმყოფებოდნენ. ფოტოებს საპატრიარქოდან პრეზიდენტის ადმინისტრაცია ავრცელებს.