ინტერნეტკონფერენცია
ვერ მოიძებნა
კვირის ყველაზე კითხვადი სტატიები
თვის ყველაზე კითხვადი სტატიები
16:28 / 10-05-2017
"გვეუბნებიან, რომ მხოლოდ სიცოცხლის გახანგრძლივება შეუძლიათ..." - 2 წლის საბა კილასონია ისრაელის კლინიკაში სიცოცხლისთვის იბრძვის
...ჯერ კიდევ ორი თვის წინ, თანატოლების მსგავსად თამაშობდა. თამაშობდა და ბავშვური სილაღით ოჯახში დიდი ბედნიერება შეჰქონდა. ვერავინ იფიქრებდა, რომ სიცოცხლით სავსე, ენერგიული პატარა საბას ღიმილის უკან, უმძიმესი დიაგნოზი იმალებოდა.

ერთ დღესაც სიარული გაუჭირდა, თითქოს კოჭლობდა... შეშფოთებულმა მშობლებმა სასწრაფოდ გამოკვლევაზე წაიყვანეს... კვლევა დიდხანს გაგრძელდა, კიდურებსა და ხერხემალზე არაფერი საგანგაშო არ იკვეთებოდა. ახლობლის რჩევით, 4 აპრილს, თავის ტვინის ტომოგრაფია გაუკეთეს, დასკვნა მოულოდნელი და თავზარდამცემი იყო: 2 წლის საბას თავის ტვინის სიმსივნე აღმოაჩნდა. სიარულის შეზღუდვა დიდი ზომის სიმსივნურმა წარმონაქმნმა გამოიწვია, რომელიც 7 სმ-ს აღწევდა. ბავშვი დაუყონებლივ სტაციონარში მოათავსეს. მისი ჯანმრთელობის მდგომარეობა უფრო და უფრო მძიმდებოდა. საჭირო იყო, დაუყონებლივი ოპერაციის გაკეთება საზღვარგარეთ. თუმცა, ოჯახს საკმარისი თანხა არ გააჩნდა. პატარა საბას გადარჩენა სასწორზე იყო... 15 აპრილის ღამეს, ბავშვს ინსულტი დაემართა. მდგომარეობა უკიდურესად დამძიმდა, საჭირო გახდა თავის ქალის ნაწილის ამოჭრა და ღიად დატოვება. პატარა ხელოვნურ კომაში გადაიყვანეს...

სასოწარკვეთილი ოჯახი სხვადასხვა გზებით ცდილობდა საჭირო თანხის მოძიებას. საბედნიეროდ, ერთმა ადამიანმა, რომელმაც ინკოგნიტოდ დარჩენა ისურვა, საბასა და მისი ოჯახის წევრების საზღვარგარეთ გამგზავრება და ბავშვის ოპერაცია დააფინანსა. 18 აპრილს, ისრაელის ერთ-ერთ საავადმყოფოში საბას სასწრაფო ოპერაცია გაუკეთდა.

ხატია კილასონია, საბას მამიდა: "18 აპრილს ჩამოვედით ისრაელში და სასწრაფოდ გაუკეთდა ოპერაცია, ამოაჭრეს სიმსივნე. ორი დღის შემდეგ კიდევ ჩაუდგეს შუნტი თავში, რადგან სითხის გაწოვა არ ხდებოდა. მერე მოხსნეს ხელოვნური სუნთქვის აპარატიდან და დაიწყო დამოუკიდებლად სუნთქვა, მაგრამ ჩვენდა საუბედუროდ, ამ ყველაფერს დაემატა მენინგიტი. ამიტომ კიდევ ერთი ოპერაცია გაუკეთეს.

ახლა თავისით სუნთქავს, მაგრამ არის კომაში და წევს რეანიმაციაში. რაც შეეხება თვითონ სიმსივნეს, ექიმების თქმით, არის ყველაზე რთული ფორმა. გვეუბნებიან, რომ მხოლოდ სიცოცხლის გახანგრძლივება შეუძლიათ. ბოლომდე განკურნების შანსი ძალიან დაბალია, საჭიროა მუდმივი კონტროლი და
მკურნალობა. ამ ეტაპზე, ზუსტად რა თანხა დაგვიჯდება საბას სიცოცხლისთვის ბრძოლა, ჯერ არ ვიცით. უკიდურესად გვიჭირს, როგორც მატერიალურად, ისე - მორალურად. აქ, ისრაელში, ამავე საავადმყოფოში, სადაც საბა წევს, მსგავსი დიაგნოზით და ოპერაციებით სხვა ბავშვის მშობლებს 300 000 აშშ დოლარი დაუჯდათ მკურნალობა. ჩვენ ჯერ ზუსტად არ ვიცით საჭირო თანხის ოდენობა. თუმცა, კოლოსალური თანხა რომაა საჭირო, ამას ნამდვილად ვხვდებით. დიდი მადლობა ყველას, ვინც ერთი ლარი მაინც გაიღო საბას დასახმარებლად, ჩვენთვის თითოეულ თეთრს ახლა გადამწყვეტი მნიშვნელობა აქვს". 

5 მაისს, საბას დასახმარებლად სამების ტაძრის ახალგაზრდულ ცენტრში გაიმართა საქველმოქმედო საღამო, სადაც 300 ლარამდე თანხა შეგროვდა. ეს ის შემთხვევაა, როცა დრო შანსს არ იძლევა. ახლა, ამ სტატიის კითხვის დროს, საქართველოდან შორს, ისრაელის ერთ-ერთ კლინიკაში 2 წლის ბავშვი სიცოცხლისთვის იბრძვის. მისი მკურნალობის თანხა სასწრაფოდ შესაგროვებელია. ჩვენ კი, შეგვიძლია კიდევ ერთხელ, კიდევ ერთი სიცოცხლე გადავარჩინოთ. საზოგადოების ერთიანობითა და მხარდაჭერით არაერთი გადარჩენილა. ამის მაგალითი ძალიან ბევრია. ამიტომ, ახლა საჭიროა, პატარა საბას ირგვლივ ჩვენი ერთიანობა და ბრძოლა მისი გადარჩენისთვის...

მიმღები: ლაშა კილასონია
ანგ. ნომერი TBC ბანკი: GE04TB0563145063822339
საქართველოს ბანკი: GE85BG0000000315293900
პირადი ნომერი: 01030027119
ბილაინისა და მაგთის ყველა ოპერატორი: 0901701261


თორნიკე ყაჯრიშვილი
AMBEBI.GE
13:53 / 20-05-2017
ania
0
უფალმა დალოცოს მისი შტამომავალი ვინც ამხელა სიკეტე გაიღო სსაბასტვის და ყველატქვენ ვინც ეხმარებიტ
13:49 / 20-05-2017
თორნიკე ყაჯრიშვილ s
0
კარგი იქნება მტელმა მოსახლეობამ ასეტ შემტXევებში 1 ლარი გადრიცხოს არც ერტი ბავშვი აღარ დაიღუპება, არადა 1 ლარი არავის აკლდება

რარაც მსგავსი ფონი რომ შექმნას ამ სტატიის ავტორმა?? მაინ ყველა იცნობს მას უკვე
მსგავსი სიახლეები
გოგონას უფროსი და, 16 წლის მარიამ ქარუმიძე 27 აპრილს ზუსტად იგივე დიაგნოზით გარდაიცვალა
პატარა ანასტასიას დედას ჰოჯკინის ლიმფომა დაუდგინდა
ბავშვს თავში სიმსივნური წარმონაქმნი აქვს
საქართველოში კამპანია უკვე დაწყებულია
საბა კილასონიას ოჯახი საზოგადოებას მიმართავს და შესაძლებლობის ფარგლებში დახმარებას სთხოვს
თეას გადასარჩენად გერმანიაში სამკურნალოდ გამგზავრებაა საჭირო, რასაც 50 000 ევრო სჭირდება
"ასობით ადამიანს დავუბრუნეთ იმედი რომ სიკეთე მართლა არსებობს!"
დამნაშავე მძღოლს სვლა არც შეუნელებია, ადგილიდან მიიმალა და მომაკვდავი ახალგაზრდა მიატოვა...
ტრადიცია ქალაქ ნეაპოლიდან, ჯერ კიდევ მეორე მსოფლიო ომის პერიოდიდან იღებს სათავეს
ამ კატეგორიის სხვა სიახლეები
22:39 / 23-07-2017  Image "რკინიგზელთა სახლთან" მომხდარი ინციდენტის დროს "პალიტრანიუსის" რეპორტიორი მსუბუქად დაშავდა
აღმაშენებლის გამზირზე დღეს ერთდროულად ორი აქცია გაიმართა
20:01 / 22-07-2017  Image "უცნობთან" დუეტი შემდეგ, მამა სერაფიმემ საქართველო დატოვა - როგორ შეცვალა სიმღერის გამო ქილიკმა და დაცინვამ სასულიერო პირის ცხოვრება
+VIDEO| "უწმინდესისგან ავიღე ლოცვა-კურთხევა და მინდა ცოტა ხნით გავერიდო ამ ყველაფერს"
13:24 / 23-07-2017  Image ისლანდიაში ჩანჩქერთან გაუჩინარებული 22 წლის ნიკა ბეგაძის მამა და სიძე ისლანდიაში წასვლას ცდილობენ
ნიკა ბეგაძის მამა და სიძე უკვე მეოთხე დღეა საბუთების მოწესრიგებას ცდილობენ
15:49 / 23-07-2017  Image თეა წულუკიანი "სნოს" გახსნის ცერემონიას შვილთან ერთად დაესწრო
+PHOTO სნოში დღეს პილიგრიმებისთვის 34- ადგილიანი სასტუმრო გაიხსნა
10:49 / 23-07-2017  Image უახლოესი დღეების ამინდის პროგნოზი
საქართველოს ზოგიერთ რაიონში წვიმაა მოსალოდნელი
პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49