კვირის ყველაზე კითხვადი სტატიები
თვის ყველაზე კითხვადი სტატიები
14:29 / 13-05-2017
"მათი განწირული ყვირილის ხმა ესმოდა..." - რას იხსენებს ტყიბულში მომხდარი უბედური შემთხვევის ერთადერთი თვითმხილველი
9 მაისს ტყიბულში, მინდელის სახელობის შახტაში მომხდარი უბედური შემთხვევის შედეგად 4 მეშახტე გარდაიცვალა. ცხედრები მაშველებმა შახტიდან რამდენიმესაათიანი ძებნის შემდეგ ამოიყვანეს. დაღუპულებში ყველაზე ახალგაზრდა, 45 წლის ალექსანდრე ჭელიშვილი იყო, რომელსაც ცოლი და ერთი შვილი დარჩა. ცოლი და ორი შვილი დარჩა 55 წლის გიზო კუბლაშვილს. უბედური შემთხვევის შედეგად გარდაიცვალა ასევე 56 წლის გიზო გუბელიძე. მასაც მეუღლე და ორი შვილი დარჩა. 57 წლის ბიქტორ დაღუნდარიძეს ასევე მეუღლე და ორი შვილი ჰყავდა.

Ambebi.ge-ს ერთ-ერთი გარდაცვლილის ალეკო ჭელიშვილის ოჯახის მეგობარი ლელა ბოჭორიშვილი ესაუბრა, რომლის მეუღლეც ასევე შახტაშია დასაქმებული.

- ალეკო ჩემი
ქმრის მეგობარი იყო, მისი გარდაცვალება ჩვენთვის განსაკუთრებულად მტკივნეულია. ტყიბულში ტრაგედია ტრიალებს, ისედაც დაცარიელებულ ქალაქში, ერთმანეთზე საუკეთესო ადამიანები გარდაიცვალნენ, მთელი ქალაქი დადუმებულია. ვერ გადმოვცემ იმას, რაც ახლა აქ ხდება. გარდაცვლილებს შორის ყველაზე უფროსი ვიქტორ დაღუნდარიძე იყო, შვილიშვილებიც ჰყავდა და ასე თუ ისე, რაღაცას მაინც მოესწრო ცხოვრებაში. დანარჩენებს მცირეწლოვანი შვილები დარჩათ. ალეკოს 5 წლის ბიჭი ჰყავს, რომელიც მამის გარეშე არ იძინებდა. ამასწინათ პანაშვიდზე ვიყავით ალეკოსთან ერთად და ალეკომ თქვა, ამ ბოლო დროს ბავშვი მე თვითონ თუ არ დავაძინე, ისე აღარ იძინებსო. ანგელოზივით ბიჭი იყო, მის ოჯახს ლუკმა პური რომ არ მოჰკლებოდა, სულ მუშაობდა. ოთხივე გარდაცვლილი პროფესიონალი იყო, როგორც კატა დაცოცავს ხეზე, ისე დაცოცავდნენ შახტაში, მაგრამ უბედურებისგან დაზღვეული არავინ არ არის.

- ცნობილია, რომ ამ ამბავს ერთადერთი თვითმხილველი ჰყავს, რას იხსენებს ის?
- კი, ერთი თვითმხილველი ჰყავს ამ ტრაგედიას, ახალგაზრდა ბიჭია, მანუჩარი ჰქვია. ფსიქოლოგიურად ძალიან მძიმედ არის. თურმე ბაგირი რომ ჩაწყდა და მუშები ჩაცვივდნენ, რაღაც პერიოდის მანძილზე ესმოდა მათი განწირული ყვირილის ხმა... ამბობს, მათი ხმა არასოდეს დამავიწყდებაო. ცხედრები სულ დასახიჩრებულია, დაახლოებით 120 სართულიანი კორპუსის სიმაღლეზე ჩავარდნენ, შემდეგ 13 საათი გაცხელებულ ნახშირში იყვნენ... ალეკოს და ვიქტორის ცხედრები შედარებით ნაკლებად დაზიანებულია, ამით იმის თქმა მინდა, რომ ხელ-ფეხი თავის ადგილზე აქვთ.

- რა გახდა უბედური შემთხვევის მიზეზი?

- შახტაში ცოტა ხნის წინ, ახალი უფროსი მოიყვანეს და მდგომარეობა ძალიან გამოსწორდა. 20-30 ლარით გაზარდა ხელფასები, გამკაცრდა წესები, უფრო მეტად იყო დაცული უსაფრთხოების ნორმები, ნასვამ მუშას შახტაში არ უშვებდნენ, ამიტომ ვერ ვიტყვი, რა გახდა ტრაგედიის მიზეზი. იმასაც ამბობენ, თითქოს მათ თოკები არ ეკეთათ, როცა მუშაობდნენო. ახლა რა მნიშვნელობა აქვს, რა გახდა ტრაგედიის მიზეზი? ფაქტია, ოთხმა ოჯახმა დაკარგა მარჩენალი, 8 შვილი დარჩა მამის გარეშე. რა შეცვლის ამ ტკივილს? ამ ქალაქში შახტის გარდა, არანაირი შემოსავალი არ არსებობს, აქ ცხოვრება პატრიოტიზმია და თუ მოგვაქცევს სახელმწიფო ყურადღებას, კარგი იქნება. მართალია, ჩვენს ქმრებს და შვილებს ასეთ პირობებში უწევთ მუშაობა, მაგრამ მადლობას ვეუბნებით ბიზნესმენს, რომელიც შახტას ამუშავებს, ესეც რომ არ იყოს, მოკვდებოდა ტყიბული.

თამარ ბოჭორიშვილი
Ambebi.ge

წაიკითხეთ: "ოთხთაგან ერთი მეშახტის ცოლი გელაპარაკებით" - ტყიბულში მომხდარი ტრაგედიის შემდეგ გავრცელებული ჩანახატი, რომელიც უამრავმა ადამიანმა გააზიარა

ვიდეო| რა ვიცით ტყიბულში დაღუპული 4 მაღაროელის შესახებ

11:41 / 15-05-2017
maia
0
ძალიან სამწუხარო ამბავია, უსამძიმრებ ყველა გარდაცვლილის ოჯახს, ისე უფრო მეტი ყურადღება რომ უნდა მიაქციოს მთავრობამ ასეთ სარისკო პროფესიებს ხომ ფაქტია
22:04 / 14-05-2017
misha
0
ამ მთავრობის ... მეშახრეს რომ 300 ლარს მიცემენ და პარლამენტარს 3000 ლარს. მეშახტეს, ძალოვნებსა და მეხანძრეს უნდა ჰქონდეს ყველაზე მეტი ხელფასი და ასევე პენსიაც მიტომ რომ სარისკო სამსახურებია.სამხედროს რომ
250 დან 300 ლარამდე მიცემ მეშახტეს რომ 180 ლარს და პარლამენტარს კი 1500 ლარს კარგად აეწყობა საქმე.
მსგავსი სიახლეები
თვითმხილველის თქმით, მეზობლები, რომლებიც მომხდარ ფაქტს შეესწრნენ, პოლიციას სთხოვდნენ, რომ სასწრაფო გამოეძახათ
ძმუისის კანიონი, ასე ეძახიან ძმუისელები, ულამაზესია და ტურისტული თვალსაზრით დიდი პერსპეტივა აქვს
მას მრავლობითი დაზიანებები თავის არეში და ასევე მთელ სხეულზე აღენიშნება
მაშველებმა მდინარიდან ერთ-ერთი გარდაცვლილი გოგონას ცხედარი უკვე ამოიყვანეს
თვითმხილველების თქმით, ნგრევისა და ყვირილის ხმა გაიგეს
+VIDEO| სოხუმის ქუჩაზე შენობის დემონტაჟი ხორციელდებოდა, რა დროსაც ის ჩამოიგრა
+VIDEO| მამაკაცი სარემონტო სამუშაოებს ახორციელებდა, რა დროსაც მას დენმა დაარტყა და უბედური შემთხვევა მოხდა
LIVE: ამ დროისთვის ტბაში ბავშვის სამძებრო სამუშაოები მიმდინარეობს
ამ კატეგორიის სხვა სიახლეები
23:19 / 24-11-2017  Image რა მდომარეობაში არიან "მის საქართველოს" კონკურსანტები, რომლებიც ხაძრის დროს სასტუმროში იმყოფებოდნენ - უახლესი ცნობები ბათუმიდან
+VIDEO| "მის საქართველოს" ყველა კონკურსანტი, რომელიც ხანძრის დროს სასტუმრო "ლეო გრანდში" იმყოფებოდა
22:35 / 24-11-2017  Image არის თუ არა გაბრიელ სალოსის ქუჩაზე სპეცოპერაციის დროს დაკავებული პირი სუხო დუდაევი - ადვოკატის კომენტარი
ბერი გაბრიელ სალოსის ქუჩაზე სპეცოპერაციის დროს დაკავებული პირის ადვოკატი იმედა ქარქაშაძე
10:50 / 24-11-2017  Image „მონოლით ჯგუფის“ აქცია - ბინა თვეში 780 ლარიდან და საჩუქარი!
Monolith Residence Ortachala 9 სართულიანი პრემიუმ კლასის კომპლექსია
23:12 / 24-11-2017  Image სოფლები და თბილისის უბნები, სადაც ხვალ დენის მიწოდება შეიზღუდება
გეგმური სარეაბილიტაციო სამუშაოების გამო, "ენერგო-პრო ჯორჯიას" აბონენტების ნაწილს ხვალ ელექტროენერგიის მიწოდება
20:19 / 24-11-2017  Image დაშორდა თუ არა ნიკა ალასანიას ლიკა ევგენიძე და ვის ხვდება ამჟამად ტელეწამყვანი
რამდენიმე კვირის წინ, თბილისში ლიკას ახალ სიყვარულზე ალაპარაკდნენ
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49