სკანდალი სოჭში გამართული კონცერტის გამო - რას პასუხობენ ნინო ჩხეიძე და ვახო ბიჭიკაშვილი კრიტიკოსებს

სკანდალი სოჭში გამართული კონცერტის გამო - რას პასუხობენ ნინო ჩხეიძე და ვახო ბიჭიკაშვილი კრიტიკოსებს

ნინო ჩხეიძის, ვახო ბიჭიკაშვილისა და ნიკა არაბიძის მიერ სოჭში გამართული კონცერტის გარშემო საზოგადოებაში ვნებათაღელვა არ წყდება. მომღერალსა და იუმორისტებს ამ ნაბიჯის გამო სოციალურ ქსელში მკაცრად აკრიტიკებენ. კონცერტი სოჭში 14 მაისს გაიმართა და მასში ადგილობრივი ანსამბლი "ივერიაც" იღებდა მონაწილეობას. კონცერტი ზამთრის ბაღში ჩატარდა და ბილეთის ფასი 800 რუბლიდან იწყებოდა.

ნინო ჩხეიძე, ვახო ბიჭიკაშვილი და ნიკა არაბიძე კონცერტთან დაკავშირებით ამ დრომდე კომენტარს არ აკეთებდნენ, თუმცა საზოგადოების კრიტიკას მათ დღეს სოციალური ქსელის მეშვეობით უპასუხეს.

"ჩვენც ბევრი ვიფიქრეთ წავსულიყავით თუ არა სოჭში, სანამ არ დავაზუსტეთ რომ ეს იყო რიგითი ქართველი-ემიგრანტების ორგანიზებული კონცერტი და არა პუტინთან დაახლოებული და მსგავსი ბინძური საზოგადოების დაგეგმილი კონცერტი!

კონცერტს ესწრებოდა სრულად ქართველი ადამიანები და ერთი სიტყვაც კი არ თქმულა ჩვენი მხრიდან ოკუპანტის ენაზე! მსგავს კონცერტებს ვატარებთ საბერძნეთშიც, იტალიაშიც, საფრანგეთშიც და ყველგან, სადაც ჩვენი ქართველი-ემიგრანტები არიან! სადაც არ უნდა ვიყო, ყოველთვის ვიტყვი, რომ რუსეთი ოკუპანტია!"- დაწერა "ფეისბუქზე" ვახო ბიჭიკაშვილმა.

იხილეთ ვიდეო

ასევე სოციალურ ქსელში გამოეხმაურა კონცერტის გარშემო ატეხილ სკანდალს ნინო ჩხეიძეც:

"12 მაისს სოჩაში გაიმართა ჩემი სოლო კონცერტი, რომელმაც არაჩვეულებრივად ჩაიარა. კონცერტს ესწრებოდა 800 ადამიანი და მათგან 98% ქართველები იყვნენ. დიდი მადლობა მინდა გადავუხადო თითოეულ მათგანს ასეთი თბილი დახვედრისთვის და სიყვარულისთვის. თითქმის ყველა სიმღერა რაც შევასრულე, ზეპირად იცოდნენ და ჩემთან ერთად მღეროდნენ, კონცერტის მერე თითოეული მათგანი მოდიოდა ჩემთან და მეუბნებოდა თუ როგორი ბედნიერები არიან იმით, რომ იმყოფებოდნენ ქართულ საღამოზე. (კონცერტი ქართულ ენაზე 2 საათზე მეტი გრძელდებოდა, სადაც ჩემთან ერთად არაჩვეულებრივი ქორეოგრაფიული ანსამბლი ივერია და ჩემი მეგობრები გამოდიოდნენ ) ორგანიზატორები კი იყვნენ სომეხი ეროვნების ბიჭები, რომლებსაც არანაირი საერთო არ აქვთ პოლიტიკასათან, მათ მითხრეს, რომ გამოკითხვის შედეგად იქ მცხოვრებ ქართველებს ყველაზე მეტად აინტერესებდათ ჩემი კონცერტის ნახვა. რაც შეეხება ჩემს პოზიციას, მე ყველა ქართველი მიყვარს, სადაც არ უნდა იყვნენ მითუმეტეს, როცა ვხედავ რა ბედნიერები არიან როცა მხედავენ და როგორ უყვართ ჩემი სიმღერები. მნიშვნელობა არ აქვს, ეს ადამიანი სოჩაში ცხოვრობს, მოსკოვში, იტალიაში, ისრაელში, ამერიკაში, საბერძნეთში, გერმანიაში თუ ნებისმიერ სხვა ქვეყანაში. მე ყოველთვის სიამოვნებით ვიმღერებ მათვის, სადაც არ უნდა დამიძახონ. მე ვარ ჩემი ხალხის და ჩემი ქართველების მომღერალი. მათ ჩვენი ქვეყნის საზღვრებს გარეთ აქვთ ქართული ოჯახები, ისინი ზრდიან თავიანთ ბავშვებს ქართული ტრადიციებით და ბევრ მათგანს იმაზე მეტად უყვარს საქართველო, ვიდრე ფარისეველ, ფაცებოოკ ჩასაფრებულ რამდენიმე ადამიანს, რომლებიც ვერც ვერასოდეს მიხვდებიან, რას გრძნობენ ემიგრაციაში მყოფი ადამიანები, როდესაც უსმენენ ქართულ სიმღერას და უყურებენ ქართულ ცეკვას გულანთებულები თავისი ქვეყნის სიყვარულით. არ აქვს მნიშვნელობა, სად ცხოვრობს ჩემი ხალხი, ისინი ქართველები არიან და ჩვენ ერთნი ვართ. მე ვფიქრობ ამ ხალხს უფრო მეტი ყურადღება, მხარდაჭერა და სითბო ჭირდებათ ჩვენგან. ვიმეორებ, ჩემი კონცერტი არ ყოფილა პოლიტიკური, მე ვარ ჩემი ხალხის ჩემი ქართველების მომღერალი და ყველგან ვიმღერებ მათთვის. ასე რომ, მეტი პოზიტივი ხალხნო... ნუ იძაბებით და ნუ ქმნით უბედურებას", - წერს მომღერალი.

თამარ ბოჭორიშვილი

Ambebi.ge

“ეს იმდენად მტკივნეული თემა იყო, დედასაც არ ველაპარაკებოდი… დამეწყო პანიკა, რომ აღარ დავორსულდებოდი” - ნინო ჩხეიძე მისი ცხობრების ორ მძიმე ეპიზოდზე

პარლამენტთან "პრაიდის" მოწინააღმდეგეთა აქცია მიმდინარეობს - სასულიერო პირები ლოცვას აღავლენენ

ახალგაზრდა ფიზიკოსთა 34-ე საერთაშორისო ტურნირი  გაიხსნა