კვირის ყველაზე კითხვადი სტატიები
თვის ყველაზე კითხვადი სტატიები
13:08 / 16-05-2017
გაითიშება თუ არა ქართული არხები საკაბელოდან - ტელევიზიებისა და საკაბელო ოპერატორების დაპირისპირების დეტალები
"გვსურს, შეგატყობინოთ არასასიამოვნო სიახლე. "რუსთავი 2", "მაესტრო" და "იმედი" აბონენტებისთვის საზიანოდ შეთანხმდნენ, რომ ფასიანი გახადონ მათი არხების ჩვენება, რამაც შეიძლება გააძვიროს პაკეტის ღირებულება", - "სილქნეტის" მიერ აბონენტებისთვის გაგზავნილი ამ შეტყობინების შემდეგ ვითარება დაიძაბა ტელევიზიებსა და საკაბელო კომპანიებს შორის, რამაც შეიძლება საბოლოოდ მომხმარებელი დააზარალოს.

რა ხდება სინამდვილეში? საკითხში გარკვევა საკმაოდ რთული აღმოჩნდა, რადგან ორივე მხარეს თავისი პოზიცია და არგუმენტები აქვს.

ყველაფერი დაიწყო იმით, რომ რამდენიმე დღის წინ 50-მა საკაბელო ქსელმა და "სილქნეტმა"შპს GMR-ისაგან მიიღეს შეტყობინება, რომლის მიხედვითაც, აღნიშნული შპს ახლო მომავალში "რუსთავი 2"-სგან, "იმედისგან", GDS-სგან, "მაესტროსგან", "კომედი არხისა" და "მარაოსგან" დაირეგისტრირებს ექსკლუზიურ უფლებას, რომლითაც შეეძლება მოახდინოს მათ მიერ წარმოებული კონტენტის კომერციული დისტრიბუცია საკაბელო ქსელებსა და ინტერნეტში. GMR საკაბელოებსა და ასევე ინტერნეტ-რესურსებს, მათ შორის Myvideo.ge-სა და Imovies.ge-ს ატყობინებს, რომ თუ მათ სურთ, თავიანთ პროგრამაში "რუსთავი 2", "იმედი", GDS, "მაესტრო", "კომედი არხი" და "მარაო" იხილონ, კონტენტის დისტრიბუციის უფლების მოპოვებისათვის GMR-ს უნდა მიმართონ.

კომპანია GMR 2017 აპრილის ბოლოს დარეგისტრირდა. მისი დირექტორი ზურაბ ნაყეურია, რომელიც ამავდროულად ტელეკომპანია "მაესტროს" ხელმძღვანელია. ნაყეურის განმარტებით, კომპანიებმა საკითხის არასწორი ინტერპრეტაცია მოახდინეს და მათ შეტყობინებაში ფასიან სერვისზე საუბარი არ ყოფილა.

"მათ მიერ გაკეთებული განცხადება ჩემთვის ცოტა გაუგებარია. კონტაქტზე არ გამოსულან და არ გვისაუბრია. ჩვენ მათთან უამრავი საკითხის განხილვას ვაპირებდით. თანამშრომლობის მოდელი მოლაპარაკების შედეგად უნდა დაზუსტდეს. ეს ყველაფერი უნდა ყოფილიყო მოლაპარაკების საგანი და არა ასეთი აჟიოტაჟის ატეხვის მიზეზი. ჩვენ ვაპირებთ, რომ ინდივიდუალური ხელშეკრულებები გავაფორმოთ ყველა კომპანიასთან. გამოხმაურების შემდეგ ერთწლიან ხელშეკრულებებს გავუფორმებთ. ფინანსური საკითხი ერთ-ერთი იქნება, რასაც განვიხილავთ. თუ მათთვის 20 მაისამდე მიცემული ვადა მოკლე იყო, გამოგვხმაურებოდნენ და ეთქვათ ამის შესახებ. ჩვენ ღია ვართ ნებისმიერი დისკუსიითვის," - აღნიშნავს ზურაბ ნაყეური AMBEBI.GE-სთან საუბარში.

ნაყეურის განმარტებით, საკაბელო ტელევიზიების ნაწილმა მათ მიმართა და გარკვეული თანამშრომლობა დაწყებულია.

საკაბელო ტელევიზიების გაერთიანების აღმასრულებელი დირექტორის თეონა ბერუაშვილის თქმით, რამდენიმე კომპანია მართლა გამოეხმაურა GMR-ს და მათი მხრიდან თანხაზე იყო საუბარი.

"ვინც კონტაქტზე გავიდა, ყველასთან თანხაზე იყო საუბარი და არ ვიცი, ახლა რატომ აცხადებს ზურაბ ნაყეური, რომ ერთადერთი განსახილველი თემა ფინანსები არაა. შეიძლება ახლა შეიცვალეს პოზიცია. იმედი მაქვს, ქართული არხების რეტრანსლირებისთვის თანხას არ მოითხოვენ. არც ერთ ქვეყანაში საერთო მაუწყებლის ტრანსლირებაზე საკაბელო ტელევიზიები თანხას არ იხდიან. ეს გარკვეულწილად Must carry-ის პრინციპს ეწინააღმდეგება, ეს პრინციპი 2012 წლიდან მოქმედებს და ნაციონალური მაუწყებლების კონტენტის სავალდებულო ტრანსლირებას ითვალისწინებს საკაბელო ქსელებში", - განმარტავს თეონა ბერუაშვილი.

საკაბელო ტელევიზიების გაერთიანებამ უკვე შეიმუშავა განცხადება, რომელსაც დღეს კომპანია GMR-ს გაუგზავნიან.

განცხადებაში ნათქვამია:
"არ ვცნობთ და არ ვიღებთ შესასრულებლად მიღებულ შეტყობინებას. ამასთან ერთად, როგორც არ უნდა განვითარდეს სამართლებრივი ურთიერთობა თავად სამაუწყებლო კომპანიებსა და შპს GMR-ს შორის, ჩვენი კატეგორიული გადაწყვეტილებაა, რომ არ დავეთანხმებით შეტყობინებაში მითითებული ტელეკომპანიების სიგნალის ტრანზიტისთვის გადასახადის დაწესებას. იმ შემთხევაში, თუ თქვენი მხრიდან არ შეიცვლება პოზიცია, ჩვენ
You must have Flash Player installed in order to see this player.
მივიღებთ ერთობლივ გადაწყვეტილებას არხების სიგნალის გათიშვასთან დაკავშირებით".

ამავე განცხადებაში ვკითხულობთ: ""იმედი", "მაესტრო" და "რუსთავი 2" წარმოადგენთ საერთო მაუწყებელს, რომლებიც სარგებლობთ სავალდებულო ტრანზიტის მოთხოვნის უფლებით (ე.წ. Must Carry), რაც გულისხმობს იმას, რომ "საერთო მაუწყებლებს უფლება აქვთ მოსთხოვონ მაუწყებლობის ტრანზიტზე ავტორიზებულ პირებს, სატელევიზიო არხი განათავსონ მომხმარებლისთვის შეთავაზებულ ყველა პაკეტში". ამავე დროს, "მაუწყებლობის შესახებ" საქართველოს კანონის 401-ე მუხლის I ნაწილი გართმევთ უფლებას მაუწყებლობის ტრანზიტზე ავტორიზებული პირებისგან მოითხოვოთ ანაზღაურება სატელევიზიო სიგნალის ტრანზიტის სანაცვლოდ. კარგად მოგეხსენებათ, რომ ამ კანონის ამოქმედების შემდეგ, არაერთმა კერძო მაუწყებელმა მოახდინა ლიცენზიის მოდიფიცირება და გახდა საერთო მაუწყებელი, სწორედ იმისთვის, რომ კანონის ძალით მოეთხოვათ სატრანზიტო ოპერატორებისთვის, განეთავსებინათ ტელეარხები ყველა სამომხმარებლო პაკეტში. ოპერატორებისგან უარის შემთხვევაში, ისინი მიმართავენ საჩივრით საქართველოს კომუნიკაციების ეროვნულ კომისიას და ამ გზით აიძულებენ საკაბელო ტელევიზიებს გაავრცელონ მათი სატელევიზო პროგრამები".

ნაყეურის განმარტებით, თუკი საკაბელო ტელევიზიები უცხოურ არხებს უხდიან რეტრანსლირებისთვის საფასურს, მაშინ მისთვის გაუგებარია, რატომ არ უნდა გადაიხადოს ქართულმა არხებმა. მათთვის განსაკუთრებით წამგებიანი იმ კომპანიებთან თანამშრომლობა, რომლებსაც გადახვევის ფუნქცია აქვს.

დაპირისპირება გუშინ დაიწყო და უფრო და უფრო მწვავდება. ამ დრომდე განცხადებას არ აკეთებენ კომპანია "სილქნეტი" (რომელმაც პირველად გააჟღერა აღნიშნული ინფორმაცია) და საქართველოს კომუნიკაციების მარეგულირებელი კომისია.

პარალელურად, სოციალურ ქსელში უკვე გავრცელდა პეტიცია "არა ფასიან ქართულ არხებს", რომელსაც უამრავი ადამიანი აწერს ხელს.

ნანა მღებრიშვილი
AMBEBI.GE

13:38 / 25-05-2017
zura
0
ესეიგი ოღონდ ივანაშვილმა რუსთავი 2 გათიშოს რამე ნაირად და აღარ დაეძებს , რო მიაყოლოს სხვა დანარჩენი ქართული არხები, მერე რომ არ თქვან მარტო რუსთავი 2 გათიშაო!
22:32 / 21-05-2017
kora
1
ყოჩაღ! რუსთავი-2---ო, გახდი ბიძინა ივანიშვილის ოცნება??
მსგავსი სიახლეები
დამატებითი ხარჯები აუცილებლად გამოიწვევს ტარიფის ცვლილებას.
"თუკი კაფეში ან რესტორანში უფასო ინტერნეტი აქვთ, ხელშეკრულებით შეუძლიათ ჯარიმის დაკისრება"
შესაძლო შერწყმასთან დაკავშირებით საჯარო ადმინისტრაციული წარმოება აგვისტოში დაიწყო
ტელევიზიებს გადახვევა-დაპაუზების ტექნოლოგია "დაემუქრათ"
ამ კატეგორიის სხვა სიახლეები
11:59 / 27-05-2017  Image ქუთაისში ავტოავარიას ბავშვი იმ დროს ემსხვერპლა, როდესაც დედა მე-4 შვილზე მშობიარობდა
ბავშვი საკუთრ სახლის წინ გარდაიცვალა, ხოლო მეორე დაშავებულის მდგომარეობა მძიმეა
13:24 / 27-05-2017  Image რას ამბობს განათლების მინისტრი 11 000 სკოლის მოსწავლეზე, რომელმაც გამოცდები ვერ ჩააბარა
"როგორც კი ოჯახი შეეცდება, რომ შვილს აუცილებლად უმაღლესში უკრას თავი, რა თქმა უნდა, რეპეტიტორიც
11:47 / 27-05-2017  Image თაღლითობა საიდენტიფიკაციო კოდის გამოყენებით - დაკავებულია პირი, რომელმაც ავტოლომბარდიდან 25 000 ლარი უკანონოდ მიიღო
ავტოლომბარდიდან თაღლითობის გზით 25 ათასი ლარის სესხის მიღების ფაქტზე ერთი პირი დააკავეს
17:09 / 26-05-2017  Image რა ხდება ტვინში ღვინის დეგუსტაციის დროს - ნევროლოგების კვლევის შედეგები გაგაოცებთ
"დაწყებული ღვინის ბოთლის დანახვიდან, მის გასინჯვამდე და გადაყლაპვამდე, პროცესში მთელი
13:33 / 26-05-2017  Image "პირველი ჯენტლმენი" - ლუქსემბურგის გეი პრემიერის მეუღლე მსოფლიო ლიდერების ცოლებთან ერთად
ლუქსემბურგის პრემიერ-მინისტრი ქსავიე ბეტელი ერთსქესიან ქორწინებაში 2015 წლიდან იმყოფება
პოპულარული კომენტარები
ინდურ სერიალად ნუ გადააქცევთ . ესაა უდიდესი ტრაგედია რაც მოხდა. მარტო ის რომ ეს გოგონა პრიმა ბალერინა გახდა, თუ ფიქრობს ვინმე ეს როგორი შრომის ფასად მიაღწია.ბალერინობას რომ მიაღწიო, უნდა იყო სათნო კეთილი, ნიჭიერი შრომისმოყვარე.რატომ არავინ არ ამბობს რატომ დაიწყო სმა ? ლოთი იყო და ისე ცეკვავდა? როგორ , ლოთობით გახდა პრიმა ბალერინა? ცოტა დაუკვირდით რა, მარტო მის ლანძღვაზე რომ გადახვედით ეგრე სადაა. იცის ვინმემ ის დედა , თუ დედობილი, როგორ ეპყრობოდა? რას ეუბნებოდა ?სულაც იქნებ მან მიიყვანა იმ ზომამდე, რომ ეს საშინელება ჩაიდინა. ჩვენ არაფერი ვიცით.იქნებ ისეა გამწარებული ,რომ არც ნანობს ეს უბედური გოგო. გ ინდათ გამლანძღეთ მეცოდება ორივე
და რა გინდათ,რომ თქვენი აგრესიული და დამცინავი კომენტარებით თქვათ?გინდათ დაამტკიცოთ,რომ მაღალი ზნეობის და მორალის მატარებლები ხართ?!თუ იმას გვიჩვენებთ,რომ ეკლესიურები და რელიგიურები ხართ?! რომელიღაც თქვენთაგანი წერდა,რომ ამ ყველაფერს ბავშვები და ახალგაზრდები ხედავენ...არ გაგიგიათ,რომ ჰომოსექსუალიზმი გადამდები არ არის?! ადამიანი ასეთი იბადება! გაიგეთ ხალხნო!!!რა სიბნელეა ასეთი უსაშველო...გამოდით გამოქვაბულიდან! პრეტენზიები ხომ გაქვთ,რომ ხალხი მოძღვროთ?-დაჯექით და ცოტაოდენი განათლება მიიღეთ! დაიმახსოვრეთ,რომ ადამიანი სხვისი მაგალითით და წაქეზებით გეი ვერ გახდება! სხვისი მაგალითით ბავშვმა შეიძლება სწავლას მოუკლოს, მასწავლებელს ეუზრდელოს... მაგრამ ჰომოსექსუალად ვერ გადაიქცევა! საფრანგეთის პრეზიდენტს რაც შეეხება: საინტერესო ლოგიკა გაქვთ-კაცმა თუ შეიძლება თავისზე ბევრად უმცროსი გოგონა ცოლად შეირთოს(მარტო საქართველოში რამდენია ასეთი...), რატომ არ შეიძლება კაცს ჰყავდეს თავისზე უფროსი ცოლი?! ამერიკის პრეზიდენტს რამდენი წლით უმცროსი მეუღლე ჰყავს?მას რატომ არ აკრიტიკებთ? რატომ გაქვთ ყოველთვის შერჩევითი "სამართალი"?არ გეყოთ ამდენი ბოღმის გადმონთხევა?ამით ხომ მხოლოდ იმას ამტკიცებთ,რომ ლუზერები ხართ და დაკომპლექსებულები... თქვენი მაღალი ზნეობის და წრფელი რელიგიურობის კი სჯერა რომელიმე საღად მოაზროვნეს?!
ინტერნეტკონფერენცია
2017-05-24 06:59:12
სოციალურ ქსელში ლაშა თორდიას სავარაუდო...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49