პატრიარქის კურთხევით, შვიდ და მეტშვილიან ოჯახებს "მამულისთვის თავდადებულის" სიგელები გადაეცემათ

ყოვლადწმინდა სამების საკათედრო ტაძარში დღეს, პატრიარქის კურთხევით, შვიდი და მეტშვილიან 100 ოჯახს სპეციალური სიგელები გადაეცემათ.

როგორც AMBEBI.GE-ს პატრიარქის საყოველთაო ნათლობის საორგანიზაციო ჯგუფიდან აცნობეს, აღნიშნულ ოჯახებს სამების ტაძარში სრულიად საქართველოს კათოლიკოს-პატრიარქის ქორეპისკოპოსი, სენაკისა და ჩხოროწყუს მიტროპოლიტი შიო (მუჯირი) დალოცავს. სასულიერო პირები კი მათ "მამულისთვის თავდადებული მშობლების სიგელს" გადასცემენ.

დალოცვის ცერემონიაზე 7-დან 11 შვილიანი 100 ოჯახი შვილებთან ერთად იქნება წარმოდგენილი.