ინტერნეტკონფერენცია
ვერ მოიძებნა
კვირის ყველაზე კითხვადი სტატიები
თვის ყველაზე კითხვადი სტატიები
16:49 / 19-05-2017
ქართველების მიერ შექმნილი ციფრული საწარმოები
ციფრული მეწარმეობის განვითარების მიზნით პრეზიდენტის სარეზერვო ფონდის მხარდაჭერით, ბიზნესისა და ტექნოლოგიების უნივერსიტეტი ციფრული მეწარმეობის 3 თვიან პროექტს ახორციელებს. პროექტის ფარგლებში უფასოდ გადამზადდა 85 ბენეფიციარი მობილური აპლიკაციების, ვირტუალური რეალობის, კომპიუტერული გრაფიკისა და დიზაინის მოდულებში. მონაწილეებმა ჯგუფურად შექმნეს სხვადასხვა ციფრული საწარმოები და პროდუქტები, რომლებიც მცირე და საშუალო ბიზნესის ციფრული ტრანსფორმაციის შესაძლებლობას იძლევა.

პროექტი თვენახევარია მიმდინარეობს და ამ დროისთვის არსებული შედეგების პრეზენტაცია ბიზნესისა და ტექნოლოგიების უნივერსიტეტში გაიმართა. პრეზენტაციას საქართველოს პრეზიდენტის ადმინისტრაციის ხელმძღვანელი გიორგი აბაშიშვილი და პრეზიდენტის მრჩეველი ეკონომიკურ საკითხებში მაია მელიქიძე ესწრებოდნენ.

"საქართველოს პრეზიდენტის სარეზერვო ფონდიდან დაფინანსდა პროექტი ციფრული მეწარმოება, რომელიც მიზნად ისახავს ახალი ტექნოლოგიების, ინოვაციების გამოყენებას ეკონომიკაში. ბიზნესისა და ტექნოლოგიების უნივერსიტეტთან თანამშრომლობით განხორციელებული პროექტის ფარგლებში ნათლად გამოჩნდა, რომ ახალგაზრდები ქმნიან ციფრული მეწარმეობის კონცეფციას, ციფრულ საწარმოებს, ციფრულ აპლიკაციებს და ყიდიან მათ. აღნიშნულით ახალგაზრდების დასაქმებას შევუწყვეთ ხელი. ბიზნესის და ტექნოლოგიების თანხვედრა ძალიან მნიშვნელოვანია, რომ ეკონომიკამ მეტი შემოსავალი მიიღოს" - თქვა გიორგი აბაშიშვილმა.

"საქართველოს პრეზიდენტმა 2017 წელი საგანმანათლებლო წლად გამოაცხადა. აქედან გამომდინარე პრეზიდენტის სარეზერვო ფონდი ბევრ პროგრამას ახორციელებს, რომელიც განათლების დონის ამაღლებისკენაა მიმართული. კომერციული ბაზრიდან დიდი დაკვეთაა იმაზე, რომ ეკონომიკა და ციფრული ტექნოლოგიები ერთმანეთთან თანხვედრაში იყოს. ჩვენ დავინახეთ ეს ნიშა და ამიტომაც ბიზნესისა და ტექნოლოგიების უნივერსიტეტში მიმდინარეობს აქტიური პროგრამა, რომელიც მომავალ თაობას აძლევს გარანტიას, რომ ციფრული მეწარმეობა იყოს განვითარებული და მომგებიანი," - აღნიშნა მაია მელიქიძემ.

პრეზენტაციაზე ბენეფიციარებმა წარმოადგინეს ციფრული საწარმოები სხვადასხვა მიმართულებით, მათ შორის, ციფრული მედიისთვის განკუთვნილი 3D გრაფიკაში შექმნილი ვიდეოპროდუქტები, მცირე საწარმოების ციფრული ტრანსფორმაციისთვის საჭირო მობილური აპლიკაციები და მობილური თამაშები, რომლებიც ვირტუალურ რეალობას იყენებენ.

"ტექნოლოგიების ეპოქაში ქვეყნის ეკონომიკური განვითარების პროცესში მნიშვნელოვანი ადგილი უკავია ციფრულ მეწარმეობას. ამიტომაც საქართველოში ციფრული მეწარმეობის წახალისების მიზნით ბიზნესისა და ტექნოლოგიების უნივერსიტეტში პრეზიდენტის ადმინისტრაციის
ხელშეწყობით მიმდინარეობს კურსი ციფრულ მეწარმეობაში. მნიშვნელოვანია, რომ ახალგაზრდებს ვასწავლოთ, როგორ დააკავშირონ ბიზნესპროცესები ციფრულ ტექნოლოგიებთან, რადგან ეს ბიზნესის კეთების უახლესი ტრენდია მსოფლიოში," - აღნიშნა ბიზნესისა და ტექნოლოგიების უნივერსიტეტის რექტორმა მიხეილ ბატიაშვილმა.

პროექტში მონაწილეები კურსის დასრულების შემდეგ თავად განკარგავენ შექმნილ ციფრულ საწარმოებს. ერთ-ერთმა მონაწილემ ემზარ ადეიშვილმა შექმნა ავტოკომპანიის აპლიკაცია, რომელიც როგორც ანდროიდ, ისე iOS პლათფორმაზეა თავსებადი.

"აპლიკაციაში მოცემულია ინფორმაცია თავად კომპანიაზე, მისი ისტორია, საკონტაქტო ინფორმაცია, სერვისები, პროდუქცია და მისი ფასები, სიახლეები. შესაძლებელია ევაკუატორის გამოძახება და რაც ყველაზე მნიშვნელოვანია, გვაქვს SOS ღილაკი. ბაზარზე მისი ანალოგი არ არსებობს. ამ ღილაკის საშუალებით მანქანის გაფუჭებისას დამხმარე ჯგუფის გამოძახებაა შესაძლებელი. მომხმარებელს ონლაინ კონსულტაციის მიღებაც შეუძლია. პროგრამა ტექნიკურად გამართულია უკვე და მაქსიმუმ 1 თვეში გაეშვება,’’ - განმარტა ადეიშვილმა.

პროექტის მასშტაბები თბილისს გასცდა და რამდენიმე მონაწილე კასპის რაიონიდანაც იყო. კასპიდან წარმოდგენილ 5 ბენეფიციარს ლექციების ნაწილი თბილისში უტარდებოდათ, ნაწილი კი - კასპში. აღსანიშნავია, რომ მიღებული ცოდნის პრაქტიკაში გადატანა და კონკრეტული ციფრული პროდუქტების შექმნა უკვე ადგილობრივადაც მოხდა.

ნანა მღებრიშვილი
AMBEBI.GE
მკითხველის კომენტარები / 0 /
კომენტარი ჯერ არ გაკეთებულა.
მსგავსი სიახლეები
ეს არის "სილიკონ ველისა" და კომპანია softline-ის რეგიონში პირველი მაღალტექნოლოგიური ლაბორატორია
"რაც ყველაზე მეტად მეამაყება, ინოვაცია ქ ა რ თ ვ ე ლ მ ა IT სპეციალისტებმა შექმნეს!"
კვლევაში მონაწილეობა 500 რესპოდენტმა მიიღო და თბილისის მაშტაბით ჩატარდა
გიორგი აბაშიშვილი დღემდე პრეზიდენტის ადმინისტრაციის უფროსის მოადგილე იყო
+5 PHOTO: სურათები, სავარაუდოდ, იმ დროს არის გადაღებული, როდესაც ვანო მაჭავარიანი
ღირებულებები ეროვნული საზღვრების გარეშე
ამ კატეგორიის სხვა სიახლეები
22:55 / 20-07-2017  Image Linkin Park-ის სოლისტმა თავი მოიკლა
ჩესტერ ბენინგტონი საკუთარ სახლში ჩამომხრჩვალი იპოვეს
16:11 / 20-07-2017  Image ქართველმა "ფორტეპიანოს ბიონსემ" ორლანდო ბლუმი მოხიბლა - რას წერს რუსული პრესა ხატია ბუნიათიშვილზე
ამბობენ, რომ Coldplay-ის სოლისტმა, კრის მარტინმა გააცნო ბლუმს ბუნიათიშვილი
22:27 / 10-03-2017  Image თუ ყავას ყოველ დილით მიირთმევთ, ეს აუცილებლად დაგაინტერესებთ
ბევრისთვის დღის ყავით დაწყება ერთგვარი რიტუალია...
12:59 / 20-07-2017  Image თბილისში იაგუარ-ლენდ როვერის განახლებული ავტოსალონი გაიხსნა
თბილისში კომპანია „ჯითი მოტორსმა“ “იაგუარ-ლენდ როვერის” განახლებული ავტოსალონი ოფიციალურად გახსნა
13:28 / 20-07-2017  Image 19 წლის გოგონას მკვლელობაში ბრალდებულ რობერტ ახალაიას ფსიქიატრიული შემოწმება ჩაუტარდება
"მეგობრები და ლექტორები ამბობენ, რომ ძალიან წესიერი ბავშვი იყო"
პოპულარული კომენტარები
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49