კვირის ყველაზე კითხვადი სტატიები
თვის ყველაზე კითხვადი სტატიები
13:26 / 23-05-2017
ახალი ფაქტები შავი ზღვის შესახებ - მასშტაბური კვლევის შედეგები
შავ ზღვაში უნიკალური და იშვიათი თევზის სახეობები დააფიქსირეს - ამის შესახებ პროექტის "შავი ზღვის მონიტორინგის გაძლიერება" პრეზენტაციაზე გახდა ცნობილი.

როგორც პრეზენტაციაზე აღინიშნა, გარემოს ეროვნული სააგენტოსა და უცხოელი სპეციალისტების მიერ შავი ზღვის სანაპირო ზოლში განხორციელებული კვლევის შედეგად სულ აღმოჩენილია 12 ახალი ფაქტი.

კვლევის შედეგად შავი ზღვის შესახებ შემდეგი 12 ფაქტი გამოიკვეთა:
  • ჯანმრთელია თუ არა შავი ზღვა და როგორ დავსვათ დიაგნოზი?;
  • ჟანგბადის სფერო შავ ზღვაში შემცირდა;
  • შავი ზღვის უჟანგბადობა სიღრმისეულ ფენებში: 2 კმ სიღრმიდან მოპოვებულია მიკრობების ახალი და საინტერესო სახეობები;
  • პირველად მოხდა შავი ზღვისთვის სპეციფიკური დამაბინძურებელი ნივთიერებების დადგენა;
  • ადამიანის ყოფაცხოვრების კვალი ფიქსირდება შავი ზღვის ყველა მონაკვეთზე;
  • "დროის კაფსულა" მომავლის მეცნიერებისთვის: პირველად იქნა შეგროვებული ზღვის წყალში არსებული ყველა, დღემდე უცნობი ნივთიერების "ანაბეჭდები";
  • სად შეიძლება ბევრი დელფინის ნახვა? - შავ ზღვაში დელფინების სახეობების გავრცელების ახალი მონაცემები;
  • შავი ზღვის ცენტრალურ ნაწილში დაფიქსირებულ იქნა ზღვაში მცურავი მყარი ნარჩენების დიდი ოდენობა;
  • არის იმის ნიშნები, რომ ინვაზიური სახეობების ზეგავლენა შავი ზღვის "აბორიგენულ" სახეობებზე მცირდება;
  • "ზღვის ყვავილობა" მცირდება.
  • შავ ზღვაში დაფიქსირებული იქნა უნიკალური იშვიათი თევზის სახეობები;
  • შემდეგი ქმედებები: როგორ გამოვიყენოთ შეგროვებული ინფორმაცია ადამიანისა და ზღვის ბინადრების სასარგებლოდ", - აღნიშნულია ახალი ფაქტების შესახებ ინფორმაციაში.
პრეზენტაცია გარემოსა და ბუნებრივი რესურსების დაცვის მინისტრმა გიგლა აგულაშვილმა გახსნა. მინისტრის განცხადებით, ბოლო წლებში შავი ზღვის მონიტორინგის არეალი მნიშვნელოვნად გაიზარდა და ამ მხრივ, სხვადასხვა პროექტი ხორციელდება.

"კვლევის შედეგად ჩვენ დავინახეთ შავ ზღვაში არსებული რეალური ვითარება და მივიღეთ საბაზისო ინფორმაცია შემდგომი კვლევებისა და სამოქმედო გეგმის შესაქმნელად", - განაცხადა გიგლა აგულაშვილმა.

მონიტორინგის შედეგად, შავი ზღვის ძირითად პრობლემებად - ძუძუმწოვრების ჯოგების შემცირება და მყარი ნარჩენების კუნძულისებური გროვების აღმოჩენა დასახელდა.

"პრობლემური საკითხები, რაც ჩვენ დავინახეთ არის ძუძუმწოვრების - თეთრგვერდა დელფინის, აფალინის და ზღვის ღორების მდგომარეობა.
ისინი უკვე აღარ გვხვდება ისეთი მრავალრიცხოვანი ჯოგების სახით, როგორც ეს იყო მეოცე საუკუნის დასაწყისსა და თუნდაც მეორე ნახევარში. ისინი მცირერიცხოვანი ჯოგების სახით გვხვდება და მათი შემცირება წარმოადგენს პრობლემას. პრობლემა არის მცურავი მყარი ნარჩენები ზღვაში. შავი ზღვის ღია ნაწილში ვნახეთ კუნძულისებული გროვები მყარი ნარჩენების, რაც საგულისხმოა როგორც აღმოსავლეთ ასევე, დასავლეთ ნაწილში. როგორც ჩანს, დინებების მიერ იქ ხდება კონცენტრირება მთელი შავი ზღვის ნარჩენების. ცნობილია, რომ ნარჩენები ზღვის ძუძუმწოვრებსა და მტაცებელ თევზებზე დიდ ზეგავლენას ახდენს", - განაცხადა გარემოს ეროვნული სააგენტოს, მეთევზეობისა და შავი ზღვის მონიტორინგის დეპარტამენტის წარმომადგენელმა არჩილ გუჩმანიძემ.

შავი ზღვის ეკოლოგიური მონიტორინგის გაძლიერების ფარგლებში, უცხოელმა სპეციალისტებმა ქართველ სპეციალისტებთან ერთად, ბიოლოგიური ფიზიკურ-ქიმიური კვლევები განახორციელეს. მსგავსი მასშტაბის კვლევები თანამედროვე ტექნოლოგიებით შავ ზღვაზე დღემდე არ განხორციელებულა.
ტეგები:
03:00 / 24-05-2017
ლუკა
0
საერთოდ ცოცხალი არსება რომ დარჩა შავ ზღვაში ეს კიდევ გასაოცარია. იმ შავი ქვეყნებს შორის რომლებსაც ყველაზე დიდი დანაშაული მიუძღვით შავი ზღვის დაბინძურებაში საბედნიეროდ საქართველო ბოლო ადგილზეა. თუმცა ჩვენც ჩვენი არ დაგვიკლია და არ ვაკლებთ. ძირითადი დამბიძურებლები დუნაის აუზის ქვეყნები არიან. მათი ინდუსტრიულ ნარჩენებს დიდი რაოდენობით ჩაედინება ზღვაში. ჩვენ ჩვენი მდინარეები გადავაქციეთ კანალიზაციათ და ნაგავსაყრელად. ყოველი წვიმის შემდეგ მდინარეს მოაქვს საყოფაცხოვრებო ნარჩენები, განსაკუთრებით თვალს ხვდება მოტივტივე პლასტმასის ბოთლები. შავი ზღვის ფლორის და ფაუნის გადარჩენა საქართველოს შავიზღვისპირა მოსახლეობისთვის სასიცოცხლო არის. საქართველომ სხვა შავი ზღვის ქვეყნებთან ერთად უნდა შეაჩერონ ზღვის დაბინძურება.
20:44 / 23-05-2017
მათე
1
ხშირად სათევზაოდ დავდიოდი ჭოროხის შესართავთან ზღვაზე.ბევრჯერ მინახია გამორიყული პატარა დელფინები სანაპიროზე,ნეტა რატომ იღუპებიან?
მსგავსი სიახლეები
გარემოს ეროვნული სააგენტოს ინფორმაციით, მორბილვირუსულის ინფექციის გამო, რითაც
"პლაჟებზე ნარჩენების თვალსაზრისით, ნამდვილად მძიმე ვითარებაა"
საქართველოს ტერიტორიული წყლები დასახელდა დელფინების გავრცელების "ცხელ წერტილად"
შავ ზღვაში, 350-400 კმ. სიგრძის, წყლის ორი წრიული დინებაა და ამ წრებრუნვებს
17 დეკემბერს დასავლეთ საქართველოში ყველგან თოვაა ნავარაუდევი
"გავასუფთავებთ შავ ზღვას და მეორე მხრივ კი, მივიღებთ სასარგებლო ნივთიერებებს"
ამერიკის ეს ნაბიჯი თავდაცვის მდივნის, ეშტონ კარტერის განცხადებას მოჰყვა
უამინდობა შენარჩუნდება ხვალაც
ამ კატეგორიის სხვა სიახლეები
15:22 / 18-08-2017  Image Gem Fest-ზე გარდაცვლილი გოგონას დედა "ფეისბუქზე" ემოციურ პოსტს აქვეყნებს
"მენატრები დეე !!!!!! გვენატრები დედიკუნა...გვენატრები..."
21:27 / 18-08-2017  Image გიორგი სიგუას კომენტარი ფინანსთა სამინისტროს საგამოძიებო სამსახურიდან გამოსვლის შემდეგ - გამოკითხვის დეტალები
"გაირკვა, რომ არავინ არაფერში ბრალს არ გვდებს და არავინ გვიჩივის"
20:07 / 18-08-2017  Image "ბაჩო ახალაიამ უარი თქვა შემოთავაზებაზე, რომ ბადრაგის თანხლებით მიიყვანონ დედის გასვენებაში" - მიხეილ სააკაშვილი
"ბაჩო ახალაიამ უარი თქვა შემოთავაზებაზე, რომ ბადრაგის თანხლებით მიიყვანონ დედის გასვენებაში" - მიხეილ სააკაშვილი
19:08 / 18-08-2017  Image ჩეჩნეთში 25 წლის მომღერალი დაიკარგა, რომლის სიმღერებიც ჩეჩნური საზოგადოებისთვის მიუღებელი იყო
ჩეჩნეთში ადამიანების გაუჩინარების პროცესი გრძელდება
18:22 / 18-08-2017  Image მუხის კასრი თუ უჟანგავი ფოლადის საღვინე ჭურჭელი? - ორივეს უპირატესობები
ღვინო მუხის არომატებით უფრო მდიდრდება კასრში დავარგების დროს, ვიდრე იგივე კასრში ალკოჰოლური დუღილის ჩატარებისას
პოპულარული კომენტარები
დღის ვიდეო
PALITRATV.GE
You must have Flash Player installed in order to see this player.
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49