"...მთლიანობაში ეროვნების ბრალია" - ვისთან აქვს პრეტენზიები მერაბ ამზოევს "X ფაქტორის" დატოვების შემდეგ

"...მთლიანობაში ეროვნების ბრალია" - ვისთან აქვს პრეტენზიები მერაბ ამზოევს "X ფაქტორის" დატოვების შემდეგ

"რუსთავი 2"-ზე "X ფაქტორის" მეორე ლაივ-შოუ მოულოდნელი ფინალით დასრულდა. პროექტი მერაბ ამზოევმა დატოვა. Ambebi.ge დაინტერესდა, რას ფიქრობს ყოფილი კონკურსანტი პროექტის დატოვების შემდეგ და რა პრეტენზიები აქვს პროექტის მესვეურებთან.

- როგორ ფიქრობ, რატომ მოგიწია პროექტის დატოვება?

- არ მინდოდა პროექტის დატოვება, მაგრამ ისეთი სიმღერა მომცეს, რომ ჩემს სტილში საერთოდ არ ჯდებოდა. რაც მე შევთავაზე, ის არ უნდოდათ, რომ მემღერა. მაშინვე ვიფიქრე, რომ ცდილობდნენ ჩემი რეიტინგი დაცემულიყო... თუმცა მთლიანობაში მაინც ვფიქრობ, რომ ეროვნების ბრალია. ხმის მიცემის წესი საერთოდ მიუღებელია ჩემთვის, როცა შენ შეგიძლია ერთი ტელეფონიდან გააგზავნო 7000 ზარი, რა რეიტინგზეა საერთოდ საუბარი?! მიუხედავად ყველაფრისა, გაკვირვებული არ ვარ იმით, რაც მოხდა... სიმღერა არც ისე კარგად ვიმღერე, იმიტომ რომ არ იყო ეგ ჩემი სიმღერა და შეფასებაც ისეთი მივიღე, როგორიც უნდა ყოფილიყო. ეს კონკურსები რთულია იმ ადამიანისთვის, ვისაც აკონტროლებენ და ეუბნებიან, რა გააკეთოს. არ მიყვარს როცა მეუბნებიან - იქ წადი, აქ წადი, ის გააკეთე, ეს გააკეთე და ასე შემდეგ. ცხოვრების თავისუფალი სტილი მომწონს.

ნახეთ ვიდეო

- თქვენი მეუღლე როგორ შეხვდა ამ გადაწყვეტილებას?

- პროექტის დატოვების შემდეგ მეუღლე მამხნევებდა, შენ მაინც ყველაზე კარგი ხარ, ყველაფერი წინ გაქვს, უსამართლობაა, მაგრამ რა ვქნათო... 

- თქვენი აზრით, რა შანსები აქვს მაგდა ვასაძეს, რომელიც მენტორების ხმების გათვალისწინებით პროექტში დარჩა?

- მაგდა ვასაძე ძალიან კარგი ადამიანია, პატივს ვცემ. არ ვიცი, რა შანსები აქვს, იქიდან გამომდინარე, რომ მაყურებელი ცოტა აგრესიულად არის მის მიმართ განწყობილი. ვფიქრობ, რომ მაგდა ძალიან მაგარი გოგოა.

- რას ეტყვი შენს გულშემატკივარს?

- ძალიან მიყვარხართ და მიხარია, რომ ჩემს გვერდით ბოლომდე იყავით. თქვენი სიყვარული დამეხმარა, რომ პროექტის შემდეგ ძალიან არ მენერვიულა.

თიკო გურაშვილი

Ambebi.ge

ასევე წაიკითხეთ: "საქმროს ბეჭედი დავუბრუნე და ვუთხარი, რომ მერაბი მიყვარდა" - სოფიო ქავთარაძისა და მერაბ ამზოევის ექსტრემალური LOVE STORY