გლდანში, მეტრო ახმეტელის მიმდებარე ტერიტორიაზე, ხიზანიშვილის ქუჩაზე მომხდარი ავარიის გამო მოძრაობა შეფერხდა. ადგილზე მუშაობენ საპატრულო პოლიციის წარმომადგენლები.
როგორც "ინტერპრესნიუსს" თვითმხლველებმა განუცხადეს, ბეტონმზიდი დიდი სისწრაფით მოდიოდა, რომლის მძღოლმაც დამუხრუჭება ვერ მოასწრო და რამდენიმე მანქანას დაეჯახა. მათივე თქმით, ავარიის მიუხედავად ბეტონმზიდმა მოძრაობა კვლავ დიდი სიჩქარით გააგრძელა, რის გამოც ის კიდევ რამდენიმე მანქანას დაეჯახა.
არსებული ინფორმაციით, ბეტონმზიდის მძღოლმა მიმალვა შეძლო. შსს-ში აცხადებენ, რომ გამოძიება სისხლის სამართლის კოდექსის 276-ე მუხლით მიმდინარეობს. უწყების ინფორმაციითვე, ავარიის შედეგად დაზიანდა 5 ავტომობილი, თუმცა თვითმხილველები აცხადებენ, რომ 10-მდე მანქანაა დაზიანებული.