ქვევრის მთავარი უპირატესობა და უმნიშვნელოვანესი ფაქტორი, რომელიც მისი დამზადებისას უნდა გაითვალისწინოთ

მეთუნეობა, ანუ თიხის დამუშავების ტრადიცია საქართველოში ხუთ ძირითად მიმართულებად იყოფოდა: მექვევრეობა, მეკრამიტეობა, მეჭურჭლეობა, მეთონეობა (საიდანაც წარმოიშვა ამ დარგის სახელი "მეთუნეობა") და მეაგურეობა. საქართველოში ქვევრების წარმოება სათავეს მრავალი საუკუნის წინ იღებს. ქვევრი იმდენად დახვეწილი და უნიკალური ჭურჭელია, რომ მან დღემდე თითქმის უცვლელად მოაღწია. ნიშანდობლივია, რომ მექვევრეობას და ქვევრებში ღვინის დაყენება/შენახვას, საქართველოს გარდა, მსოფლიოში ვეღარსად შეხვდებით.

ქვევრი, ღვინის შესანახი სხვა ჭურჭლისაგან ბევრი დადებითი თვისებით გამოირჩევა. მისი მთავარი სიკეთე უცვლელი ტემპერატურაა, რაც ძალზედ მნიშვნელოვანია ღვინის შენახვის, განსაკუთრებით კი დუღილის პროცესში. ის არამარტო დასადუღებელი და დასავარგებელი, არამედ ღვინის დასაძველებელი ჭურჭელიც იყო. ზოგიერთ შემთხვევაში, მასში ღვინო 20-30 წლის განმავლობაშიც კი ჩერდებოდა.

განაგრძეთ კითხვა