რუსთაველის გამზირზე, მეცნიერებათა აკადემიის შენობის წინ საპატრულო პოლიციამ გზის სავალი ნაწილი გადაკეტა.
როგორც "ინტერპრესნიუსის" კორესპონდენტი ადგილიდან იტყობინება, გზის გადაკეტვა ერთ-ერთ სავაჭრო ობიექტზე მიმდინარე ღონისძიებას უკავშირდება.
აღნიშნულის გამო მოძრაობა შეფერხებულია და საცობია ვარაზისხევის აღმართზე, მელიქიშვილის ქუჩაზე, ბელინსკის ქუჩაზე, რუსთაველის გამზირზე და მიმდებარე ქუჩებზე.