კვირის ყველაზე კითხვადი სტატიები
თვის ყველაზე კითხვადი სტატიები
15:42 / 18-07-2017
"პროლოგი" - სტარტაპი, რომელიც მოსწავლეებს პროფესიის არჩევაში ეხმარება
ახალი შესაძლებლობების სივრცე, რომელიც ორიენტირებულია ადამიანური რესურსების მხარდაჭერასა და განვითარებაზე, ქმნის ტრენინგებისა და ვორქშოპების პროგრამებს პიროვნული თუ პროფესიული განვითარების მიზნით - ეს სტარტაპი "პროლოგია", რომლის პირველი პროფესიული ორიენტაციის პროგრამა "პრეუნი" სექტემბრიდან გაეშვება.

"სტარტაპის იდეა დიდი ხნის წინ გაგვიჩნდა ორ მეგობარს, სალომე ვაჩნაძეს და სოფო ვასაძეს. პროფესიით ფსიქოლოგები ვართ, ერთად ვსწავლობდით, მაგრამ შემდეგ სხვადასხვა მიმართულებით გავაგრძელეთ მუშაობა. ამ იდეამ კი ისევ გაგვაერთიანა. გვინდოდა, შეგვექმნა პროფესიული ორიენტაციის პროგრამა სკოლის
დამამთავრებელი კლასის მოსწავლეებისათვის. ცხოვრების ეს ეტაპი ჩვენც გავიარეთ და იდეაც მაშინ გაჩნდა, რომ ყოფილიყო ასეთი შესაძლებლობების სივრცე, რომელიც მოსწავლეებს მომავალი პროფესიის შერჩევაში დაეხმარებოდა," - ამბობს სოციოლოგიის მაგისტრი, სტარტაპერი სოფო ვასაძე.



სტარტაპ "პროლოგის" პირველი პროგრამის "პრეუნის" დახმარებით მოსწავლეები შეძლებენ აღმოაჩინონ საკუთარი ინტერესები და უნარები, გაანალიზონ თავიანთი სამომავლო საგანმანათლებლო თუ დასაქმების შესაძლებლობები. მთავარი მიზანი კი ისაა, რომ მათ შეძლონ გადაწყვეტილების დამოუკიდებლად მიღება და თავისუფალი პროფესიული არჩევანის გაკეთება.

როგორც სტარტაპერები ამბობენ, "პრეუნი"არ არის გარანტია, ისინი არ ასწავლიან პროგრამის მონაწილეებს თუ რომელი პროფესია უნდა აირჩიონ, აძლევენ მიმართულებას, თუ როგორ უნდა აირჩიონ პროფესია და ზოგადად, როგორ მიიღონ გადაწყვეტილება.

"გადაწყვეტილების მიღების უნარის განვითარებასთან ერთად ჩვენი პროგრამის ფარგლებში მონაწილეები განახორციელებენ სხვადასხვა დამოუკიდებელ სამუშაოებს - დაწერენ ბლოგებსა და მოამზადებენ/წარადგენენ პრეზენტაციებს. ეს სწორედ ის საკვანძო უნარებია, რომელიც მათ ცხოვრების ნებისმიერ ეტაპზე გამოადგებათ.

ჩვენთან ერთად მონაწილეები შეძლებენ "შესავლის" გაკეთებას, რაც გულისხმობს სხვადასხვა ახალ გარემოში ადაპტაციისას ადეკვატური მოლოდინების წარმოდგენას, დამოუკიდებელი გადაწყვეტილებების მიღებასა და თავისუფალ მოქმედებას.



ჩვენი პროგრამები განსაკუთრებელი იქნება იმით, რომ ვიყენებთ ტრენინგის არატრადიციულ ფორმას ე.წ. guided discovery-ს, სადაც ქოუჩები იქნებიან ერთგვარი გიდები და ცოდნაზე უფრო მეტად უნარებსა და დამოკიდებულებებზე მოახდენენ ფოკუსირებას. ისინი სხვადასხვა ინტერაქტიული და შემოქმედებითი მეთოდებით წინასწარ განსაზღვრავენ პროცესის მიმართულებას, თუმცა პროცესის მთავარი აქტორები, თავად მონაწილეები არიან. ამ მეთოდის მიზანიც სწორედ ის არის, რომ მონაწილეებმა თვითშეფასებისა და გარემოს გაანალიზებით მნიშვნელოვანი და საინტერესო აღმოჩენების გაკეთება შეძლონ," აღნიშნა შრომისა და ორგანიზაციის ფსიქოლოგიის მაგისტრმა, სტარტაპერმა სალომე ვაჩნაძემ.



პროგრამა "პრეუნი" ძირითადად მიმართულია მე-9, მე-10, მე-11 კლასის მოსწავლეებისათვის. თუმცა სტარტაპერები მხოლოდ ამ პროგრამით მუშაობას არ აპირებენ და სამომავლოდ განსხვავებული პროგრამების შექმნასაც გეგმავენ. მხოლოდ ინტელექტუალური კაპიტალითა და დიდი ენთუზიაზმით დაწყებული სტარტაპი "პროლოგი" ამჟამად "თიბისი ბანკის" პროგრამა "სტარტაპერის" მონაწილეა.

"ჩვენთვის, როგორც სტარტაპისთვის ძალიან მნიშვნელოვანია ისეთი წამყვანი ორგანიზაციის მხარდაჭერა, როგორიც "თიბისი ბანკია". ზოგადად დამწყები ბიზნესისთვის ასეთ ორგანიზაციასთან თანამშრომლობა განსაკუთრებით მამოტივირებელია. დღეს ჩვენი მთავარი ამოცანაა, საზოგადოებას ჩვენი იდეა გავაცნოთ, რაშიც სწორედ „სტარტაპერი" გვეხმარება," - თქვა სოფო ვასაძემ.



სტარტაპერებმა 2016 წლის ნოემბერში პირველი ვორქშოპი ჩაატარეს გივი ზალდასტანიშვილის სახელობის ამერიკულ აკადემიაში. 2017 წლის ივნისში ჩატარდა ერთდღიანი ვორკშოპი Impact Hub-ში. ამ ეტაპზე მუშაობენ საინფორმაციო ვიდეო რგოლზე, რომელიც სექტემბერში გამოჩნდება და „პრეუნის"დაანონსებს. სექტემბერშივე გამოცხადდება რეგისტრაცია პროგრამაზე.

#სტარტაპერი #გვეამაყები

ფოტოები: Advan/ედვენი

ნანა მღებრიშვილი
AMBEBI.GE
მკითხველის კომენტარები / 0 /
კომენტარი ჯერ არ გაკეთებულა.
მსგავსი სიახლეები
ხშირად ჩვენი მომხმარებელი ბავშვია, რომელსაც სურს თავად გაზარდოს და მოუაროს მცენარეს
სამკაულების ღირებულება მეტ-ნაკლებად ყველასთვის მისაღებია - მაგალითად, საყურის ფასი 40-50 ლარია
ჩვენ ვართ სტარტაპი, ახალი თაობის ადამიანების მიერ შექმნილი, ახალი ოცნებებითა და მიზნებით.
ახალგაზრდა წყვილმა უპედლო ველოსპედი პირველად ავსტრიაში მოგზაუროიბის დროს ნახა
"ჯერ შვილის, მერე რამდენიმე ახლობლის ბავშვის იუბილეც გავაფორმე და დამებადა კითხვა: რატომ არა სხვებისთვის?"
გამორჩეული დიზაინით შექმნილი მყუდრო და თანამედროვე აპარტამენტების ქსელი
აშშ-ში წელს თბილისობისთვის გავგზავნეთ 2 000-მდე ჩურჩხელა და სრულად გაიყიდა
Baby Sleep - ქართული სტარტაპი, რომელიც თქვენი შვილის მშვიდ ძილს უზრუნველყოფს
ეს გემო ჩემი ბავშვობის საუკეთესო წლებთან და ყველაზე გემრიელ მოგონებებთან ასოცირდება

ამჟამად სტარტაპი მომხარებელს ტანსაცმლისა და ჩანთების განსხვავებულ ასორტიმენტს სთავაზობს

ამ კატეგორიის სხვა სიახლეები
23:45 / 12-12-2017  Image ადვოკატთა ასოციაციის სასწავლო ცენტრის დირექტორი თინა ქარსელაძე გარდაცვლილი იპოვეს
თინა ქარსელაძე 35 წლის იყო
22:57 / 12-12-2017  Image გიორგი გაჩეჩილაძე - შეცდომა იყო, თავის დროზე რომ ვთქვი, გიორგი კვირიკაშვილი ჩემი მეგობარია-თქო
+VIDEO გაჩეჩილაძემ ისაუბრა საქართველოში ტენდერებში კომპანიების მონაწილეობასთან დაკავშირებულ ხარვეზებზე
10:13 / 12-12-2017  Image ყველაზე შთამბეჭდავი ელექტრომობილი - Tesla Model S
საკმარისია, ელექტრომობილი ახსენო, რომ დიდს თუ პატარას მაშინვე Tesla ახსენდება.
22:02 / 12-12-2017  Image დევნილებს საჩუქრად ბულგარული წიწაკა მიუტანეს - "დაცინვაა ჩვენი... სახლში რომ ვყოფილიყავი, არ ავიღებდი"
"შეღავათი ის არის, რომ ბულგარული წიწაკა მოგვიტანეს"
14:46 / 12-12-2017  Image "დაემუქრნენ: თუ თანხას არ გადაიხდით, თქვენვე დაზარალდებითო..." - რა მოხდა იაშვილის კლინიკაში?
როგორ დაუანგარიშა იაშვილის კლინიკამ 16 წლის მოზარდს 3-დღიან სამედიცინო მომსახურებაში 1785 ლარი

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49