მდინარე რიონში მოზარდის ცხედარი იპოვეს

მდინარე რიონში მაშველებმა არასრულწლოვნის ცხედარი იპოვეს. გარდაცვლილი, სავარაუდოდ, 13 წლის ბიჭია, რომელსაც მაშველები ერთი კვირა ეძებდნენ.

მოზარდის ცხედარი მდინარემ ქუთაისის ლიტოფონის ქარხნის ხიდთან გამორიყა. სამძებრო სამუშაოებში 50-მდე მაშველი ერთი კვირის განმავლობაში მონაწილეობდა.

შემთხვევა ქუთაისში მოხდა. 13 წლის ბიჭი 14 ივლისს გაუჩინარდა. გიორგი თორდინავა სახლიდან მეგობრებთან ერთად გავიდა და აღარ დაბრუნებულა.