"ქართული მარშის" ორგანიზატორები სნოში პატრიარქს შეხვდნენ

"ქართული მარშის" ორგანიზატორები გია კორკოტაშვილი, სანდრო ბრეგაძე, კონსტანტინე მორგოშია და ლადო სადღობელაშვილი სნოში სრულიად საქართველოს კათოლიკო-პატრიარქს შეხვდნენ. შეხვედრის ამსახველ ფოტოს სოციალურ ქსელში ლადო სადღობელაშვილი ავრცელებს.

შეგახსენებთ, რომ დღეს "ქართული მარშის" ორგანიზებით აღმაშენებლის გამზირზე კიდევ ერთი აქცია გაიმართება, რომელიც 19:00 საათზეა დაანონსებული. ასევე აღმაშენებლის გამზირზეა დაგეგმილი "ევროპული საქართველოს" აქცია-მსვლელობა "არა რუსულ ფაშიზმს".