"რკინიგზელთა სახლთან" მომხდარი ინციდენტის დროს ტელეკომპანია "პალიტრანიუსის" რეპორტიორი გიორგი ფარქოსაძე მსუბუქად დაშავდა.
როგორც ფარქოსაძემ "ინტერპრესნიუსს" განუცხადა, მას თავის არეში, სავარაუდოდ, მობილური ტელეფონი მოხვდა. ინციდენტის დროს მცირე დაზიანებები მიიღო კიდევ რამდენიმე მოქალაქემ.
აღმაშენებლის გამზირზე დღეს ერთდროულად ორი აქცია გაიმართა. "ქართველთა მარშის" წარმომადგენლები "ევროპული საქართველოს" მიერ დაანონსებული აქციის კონტრაქციას მართავდნენ. ადგილზე სიტუაცია რამდენჯერმე დაიძაბა. მას შემდეგ, რაც "ევროპული საქართველოს" აქციის მონაწილეები მსვლელობით დაიძრნენ აღმაშენებლის გამზირისკენ, "ქართული მარშის" მონაწილეებმა მათ კვერცხები, წყლის ბოთლები და ცოცხები ესროლეს.