გიორგი ლაფერაშვილი - არხი ჩვეულებრივად განაგრძობს მაუწყებლობას

არხი ჩვეულებრივად განაგრძობს მაუწყებლობას, - ამის შესახებ ჟურნალისტებს "რუსთავი2"-ის გადაცემების მთავარმა პროდიუსერმა გიორგი ლაფერაშვილმა განუცხადა.

მისი თქმით, ზარალის ოდენობა ჯერჯერობით უცნობია. "როგორც ვხვდები, დეკორაციების ნაწილია დამწვარი, მაგრამ მთავარი პოლიტიკური გადაცემების პავილიონები დაცული აღმოჩნდა. არხის მუწყებლობას ჯერჯერობით საფრთხე არ ემუქრება", - აღნიშნა ლაფერაშვილმა.

"რუსთავი2"-ის ეზოში ამ დრომდე მობილიზებულია 2 სახანძრო-სამაშველო ბრიგადა. მიუხედავად ხანძრის ლიკვიდირებისა, შენობასა და მიმდებარე ტერიტორიაზე კვლავ დაკვამლიანებაა, რის გამოც თანამშრომლები შენობაში ვერ შედიან.