წაღვერის ტყეში გაჩენილი ხანძარი ლიკვიდირებულია, - ამის შესახებ "ინტერპრესნიუსს" ეროვნული სატყეო სააგენტოს უფროსმა, თორნიკე გვაზავამ განუცხადა.
მისივე ინფორმაციით, ადგილზე რჩებიან როგორც მეხანძრეები, ასევე ეროვნული სატყეო სააგენტოს თანამშრომლები.
ხანძარი წაღვერიდან ორ კილომეტრში, ტყეში გუშინ გაჩნდა. ხანძრის გავრცელების არეალი 6 000 კვადრატულ მეტრს მოიცავს.