პარიზში მიმდინარე მსოფლიოს ჩემპიონატზე ბერძნულ-რომაული სტილით ჭიდაობაში, საქართველოს ნაკრებმა ორი ბრინჯაოს მედალი მოიპოვა.
ბრინჯაოს პრიზიორები რობერტ კობლიაშვილი (85) და რევაზ ნადარეიშვილი (98) გახდნენ. კობლიაშვილს გადამწყვეტ შეხვედრაში რუსთა ქართველი ოლიმპიური ჩემპიონი დავით ჩაკვეტაძე არ გამოუცხადდა, ნადარეიშვილმა კი უზბეკ რუსტამ ასაკალოვს სძლია - 3-1.
საფრანგეთის დედაქალაქში დღეს მედლები ოთხ წონით კატეგორიაში: 71, 75, 85 და 96 კგ-ებში გათამაშდა. საქართველოს ნაკრებიდან უმედლოდ დაასრულეს გამოსვლა შმაგი ბოლქვაძემ (71) და მინდია წულუკიძემ (75).