ეროვნული სატყეო სააგენტოს ხელმძღვანელის, თორნიკე გვაზავას ინფორმაციით, ხანძრის მოსახლეობაზე გავრცელების შესაძლებლობა არ არსებობს. როგორც ”ინტერპრესნიუსს” გვაზავამ განუცხადა, ადგილზე პრევენციისთვის მობილიზებულია ცოცხალი ძალა, რათა ცეცხლის მოსახლეობაზე და ტყეზე გავრცელება არ მოხდეს.
”ხანძრის მოსახლეობაზე გავრცელების არანაირი შესაძლებლობა არ არსებობს. ადგილზე პრევენციისთვის მობილიზებულია ცოცხალი ძალა. შექმნილია შტაბი, რომელიც საგანგებო რეჟიმში მუშაობს. ფართობმა რა თქმა უნდა გარკვეულწილად მოიმატა. დილით 06:00 საათიდან დავიწყებთ საავიაციო და მძიმე ტექნიკით ჩაქრობას”, - განაცხადა გვაზავა.
ეროვნული სატყეო სააგენტოს ხელმძღვანელს არ დაუკონკრეტებია რა მოცულობის ფართობზეა ცეცხლი გავრცელებული.