პრემიერ-მინისტრ გიორგი კვირიკაშვილის განცხადებით, ბორჯომ-ხარაგაულის ტყე პარკში გაჩენილი ხანძრის ჩასაქრობად მოხალისეების მობილიზების საჭიროება არ არის. ამის შესახებ პრემიერმა წაღვერში, საგანგებო შტაბის სხდომის მიმდინარეობისას ჟურნალისტებს განუცხადა.
"არანაირი საჭიროება მოხალისეების არ არსებობს. მოვიდა ინფორმაცია, რომ მოხალისეები აპირებენ ჩამოსვლას", - აღნიშნა პრემიერმა.
მოქალაქეების ერთი ჯგუფი ხანძრის ჩაქრობით სამუშაოებში მონაწილეობისთვის დღეს დილით ბორჯომში აპირებს წასვლას. მოხალისეები ორგანიზებას სოციალური ქსელის მეშვეობით ახდენენ.