კვირის ყველაზე კითხვადი სტატიები
თვის ყველაზე კითხვადი სტატიები
18:11 / 22-08-2017
"მარსი ლომშია და ხანძრების ბუმია, ეს მოსალოდნელი იყო..." - ასტროლოგი ცხელი აგვისტოს და სექტემბრის ასტროლოგიურ პროცესებზე
"მარსი ლომშია და ხანძრების ბუმია, ეს მოსალოდნელი იყო... 6 სექტემბრიდან ქალწულში რომ გადავა, იმედი მაქვს, თან რამე ეპიდემიას არ მოიყოლებს, სექტემბერი შედარებით მშვიდი იქნება," - ამბობს AMBEBI.GE-სთან საუბარში ასტროლოგი სოფია ბზეკალავა, რომელიც აგვისტოს დადგომისთანავე აანონსებდა რთული პერიოდის დასაწყისს.

- აგვისტო, ყველა ასპექტით, ცხელი აღმოჩნდა... ყველაფერთან ერთად, ხანძრები გააქტიურდა. აგვისტოს ბოლომდე ასეთი დაძაბულობაა მოსალოდნელი?
- მთავარია, მიმდინარე რთულმა კვირამ მშვიდად ჩაიაროს. ამ თვეში ორი დაბნელება (მთვარის და მზის) მოხდა. 21 აგვისტოს მზის დაბნელება საკმაოდ რთული იყო, რადგანაც მზე სრულად დაბნელდა. ამიტომაც, ჯერ კიდევ თვის დასაწყისში ვამბობდი, რომ ხანძრები და აფეთქებები მოსალოდნელი იყო.

მარსი ლომში, ცეცხლის ნიშანში რომ გადადის, ხანძრები მოსალოდნელია ხოლმე. თან, მზე ლომშია. მარსი პლუს მზე შეერთებული ლომში, - ეს ასტროლოგიური ფორმულა ხანძრის ან მასშტაბური აფეთქების მომასწავებელია.

- სექტემბრიდან მარსი ქალწულში გადავა. რის საფუძველზე ამბობთ იმას, რომ შეიძლება, რაიმე ეპიდემიამ იფეთქოს?
- მარსის ქალწულში გადასვლა ჯანმრთელობის მდგომარეობაზე მოქმედებს... მარსი კირჩხიბში რომ გადავიდა, ჩემი პროგნოზით, წყალდიდობები ვივარაუდე ასეც მოხდა, რადგანაც კირჩხიბი წყლის ნიშანია. როცა ტყუპში იყო მარსი, მაშინ ვამბობდი, ძლიერი ქარი და შესაძლოა გრიგალიც იყოს-მეთქი. ესეც ახდა. ეს მოვლენები პლანეტების მოძრაობას უკავშირდება. მარსი დაახლობით, ერთ თვეში ან ცოტა მეტ ვადაში იცვლის ხოლმე ზოდიაქოს ნიშანს და შესაბამისი ბუნებრივი მოვლენები მოაქვს.

- ადამიანებში უკვე ისეთი შიში გაჩნდა, რომ ჩვენში ხანძარი თითქოს არასდროს დასრულდება...
- აუცილებლად დასრულდება, რადგანაც სექტემბრიდან მარსი პოზიციას იცვლის, თუმცა, როგორც უკვე გითხარით, ეპიდემიის რისკი არსებობს, მარსი ქალწულის ნიშანში გადადის, ეს კი, როგორც ვთქვი, ჯანმრთელობის მდგომარეობას ართულებს.

- აგვისტოში თვეში ორი მასშტაბური დაბნელება (მზის და მთვარის) დაემთხვა... როგორც ჩანს, ამან პრობლემები შექმნა...
- დაბნელებები დიდი ენერგეტიკის ამოფრქვევის ეტაპია. როგორც წესი, მოაქვს მოვლენები, რომლებსაც შემდეგი უახლოესი 18 წლის მანძილზე, რეზონანსული გამოვლინება ექნება. რაკი დაბნელებამ ამჟამად ლომის ნიშანში მოუწია და მზე შეერთებული იყო მარსთან, მოსალოდნელი გახლდათ სტიქიური უბედურებები, უმეტესად, ხანძრები ან აფეთქბები/ტერაქტები. ეს მოვლენები სამომავლოდ შესაძლოა გარკვეული პოლიტიკური მოვლენების კატალიზატორიც გახდეს.

- რას გულისხმობთ?
- კონკრეტულად ვერ გეტყვით, შეიძლება, სხვადასხვა მოვლენა იყოს - დაწყებული ხელისუფლების ცვლით, დამთავრებული - პოლიტიკური დაპირისპირებებით.

- რა უნდა გავაკეთოთ იმისთვის, რომ ზოგადად, მიმდინარე ასტროლოგიური პროცესები უპრობლემოდ გადავიტანოთ?
- დაბნელების პერიოდში ადამიანებს მოეთხოვებათ სიმშვიდე - ეს უდიდესი ენერგეტიკა, რომელიც კოსმოსიდან მოდის, უპირველესად ადამიანის ფსიქიკას აწვება, იმ დროს ბევრი ვერ იმორჩილებს ნერვებს და აგრესიას ავლენს... ამიტომ, საჭიროა, ემოციების კონტროლი და მაქსიმალურად სიმშვიდის შენარჩუნება. ისე, ზოგადად დაბნელების გავლენა ყველა ადამიანზე ინდივიდუალურია. ვიღაცის ცხოვრებაში შესაძლოა, ცხოვრების რადიკალური ცვლილება მოჰყვეს. მოკლედ, ყველაფერი უკვე პირად ჰოროსკოპზეა დამოკიდებული. საერთოდ, კი დაბნელებებზე, როგორც ვთქვით, რადიკალური ცვლილებები ხდება, ზოგთან ქვეცნობიერის დონეზე ცხოვრების გადაფასება, ზოგთან მოვლენების დონეზე...

- ისიც გასათვალისწინებელია, რომ წელს ცეცხლოვანი მამლის წელიწადია?..
- ამ წელიწადში რომ აგვისტო ყველაზე რთული
იქნებოდა, ეს თავიდანვე ვიცოდით. მაგრამ არც უიმედობა ვარგა და აგვისტო ნაყოფიერი და მნიშვნელოვანი მოვლენებითაც არის სავსე მათთვის, ვინც წინდახედულია, ემოციებს აკონტროლებს და მზადაა, საკუთარ შეცდომებზე ისწავლოს.

გავიმეორებ, რომ ამ თვეში ყველაზე რთული დღეები იყო 7 და 21 აგვისტო (დაბნელებების კორიდორი), რამაც სირთულეები შექმნა... ამას დაემატა 13 აგვისტოდან პლანეტა მერკურის რეტროგრადულობა, რაც იმას ნიშნავს, რომ სექტემბრის დასაწყისამდე არ უნდა დაიწყოთ ახალი საქმეები, არ უნდა მოვაწეროთ ხელი მნიშვნელოვან დოკუმენტაციებს და შეთანხმებას. აჯობებს უკვე არსებული და რაღაც მიზეზით წარსულში დაკონსერვებულ-შეჩერებული პროექტები გააცოცხლოთ. ბევრი ადამიანის ცხოვრებაში ძველი ურთიერთობების აღდგენა-განახლების შანსი გაჩნდება. მაგრამ არ არის გამორიცხული არსებულ კონტაქტებში გაჭირდეს ურთიერთგაგება და კომუნიკაცია. ამიტომ, კარგად უნდა მოვუსმინოთ თანამოსაუბრეს, შესაძლოა, ერთმანეთს "ჩინურად" ელაპარაკებოდეთ და მარტივ საკითხებზეც ვერ შეთანხმდეთ.

ლალი ფაცია
AMBEBI.GE
10:30 / 13-09-2017
ვახო
0
ტუტუცი ქალი. ესეგი მარტო ქართველების მიერ კონტროლირებად ტერიტორიაზე გადაიბუგა ყველაფერი, სახვაგან არ ეკიდებოდა ცეცხლი. რაებს ბოდიალობთ , ცაოტა გამოფხიზლდეს ამ ქვეყნის შესაბამისი ორგანოები, მთავრობის ჩათვლით და საქმე აკეთეთ ქვეყნის საკეთილდღეოდ.
15:28 / 12-09-2017
pipinia
0
უკაცრავად მაგრამ მარსი ლომსი მარტო საქართველოსტვისაა? რუსეთის მარსი თხაშია? რატომ იქ არაა ხანძრები? თუ იმათი ლომი მოთვინიერებულია. რა გეშველება ამხელა ქალს:)))
მსგავსი სიახლეები
"10 სექტემბრამდე მაინც გაუძელით, რომ მთვარე უფრო მეტად პრაქტიკულ კუროში გადავიდეს"
ასტროლოგი ხათუნა ნოელი სოციალურ ქსელში მომავალი ერთი თვის მოკლე
"შესაძლოა სწორედ ნემეზიდიდან ჩამოვიდნენ სტუმრად პირველი ასტრონავტები"
ხატია ბრაჭულის რისკი, წინათგრძნობა და პერიოდი, როცა ვარსკვლავები სწყალობენ
"მოსალოდნელია, რომ ურთიერთობები, რომლებიც სიყალბესა და უსამართლობაზეა დაფუძნებული, დასრულდეს"
სასარგებლო შედეგებით სარგებლობის საშუალება ექნებათ - თევზებს, მორიელებს, კუროებსა და ქალწულებს
"თუ ამ დროს სავსე მთვარეს თქვენს გახსნილ საფულეს და შიგ ჩალაგებულ კუპიურებს დაანახვებთ, უახლოეს მომდევნო პერიოდში ისიც ისევე აივსება, როგორც ეს მთვარე"
"ეს არის სრული დეზინფორმაცია - გაუგებრობა თანავარსკვლავედებისა და ზოდიაქოს სისტემის გაიგივებამ გამოიწვია"
ამ კატეგორიის სხვა სიახლეები
15:53 / 24-09-2017  Image "დროა, დასრულდეს საუბარი თემაზე "დამზადებულია ჩინეთში"
ადამიანები მზად უნდა იყვნენ სამუშაო ბაზარზე მნიშვნელოვანი გარღვევებისთვის
12:05 / 23-09-2017  Image 10 ყველაზე მისტიკური ადგილი დედამიწაზე - ამ ფოტოების თვალიერებისას იფიქრებთ, რომ სხვა პლანეტაზე აღმოჩნდით
ერთი შეხედვით, შეიძლება გვეგონოს, რომ შენს თვალწინ მიწის მონაკვეთია, რომელიც ღრუბლებში დაცურავს
13:13 / 23-09-2017  Image "5 დღის გარდაცვლილები იყვნენ... მეორე ძმა კი ამ ხნის განმავლობაში ბინაში ცხოვრობდა" - რა გახდა გლდანში და-ძმის გარდაცვალების მიზეზი
საქმე თვითმკვლელობამდე მიყვანის, 115-ე მუხლით აღიძრა
11:10 / 23-09-2017  Image "შეერთებულ შტატებს "ომი" აქვს რუსეთთან..." - მორგან ფრიმანის ვიდეომიმართვამ რუსები განარისხა
"ემოციური გადატვირთვის მსხვერპლი" - მორგან ფრიმანი რუსული საზოგადოების კრიტიკის ქარცეცხლში
15:44 / 23-09-2017  Image საოცარი სახლი, სადაც ტიციან ტაბიძის და ნინო მაყაშვილის სიყვარული ცხოვრობდა...
მისაღებში ახლაც დგას ის ძველი მრგვალი მაგიდა, რომელზეც ზამთარ-ზაფხულ წითელმიხაკებიანი ლარნაკი იდგა...
პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49