ჩხოროწყუში გიგანტური ზომის ელარჯი მომზადდა

ჩხოროწყუს გამგეობის ორგანიზებით, საქართველოში ყველაზე დიდი ელარჯი მომზადდა, რომლის სიგრძე 14.8 მეტრია, სიგანე 35 სანტიმეტრი, ხოლო საერთო ფართი 5.18 კვ/მ.

რეკორდი საქართველოს რეკორდების ფედერაციამ დააფიქსირა, რომელმაც გამგეობას შესაბამისი სერთიფიკატი გადასცა.

ღონისძიება ყველის ფესტივალის ფარგლებში, სოფელ ახუთში გაიმართა, სადაც მოწვეულმა სტუმრებმა გიგანტურ ელარჯთან ერთად ყველისგან დამზადებული სხვადასხვა პროდუქტი დააგემოვნეს.