უახლოეს დღეებში საქართველოს სამხრეთ და ჩრდილო რაიონებში, შესაძლოა, აღინიშნოს ხანმოკლე წვიმა ელჭექით - აღნიშნული ინფორმაცია Allnews-ს გარემოს ეროვნული სააგენტოს მორიგე სინოპტიკოსმა მაია ქააცაძემ მიაწოდა.
პროგნოზის მიხედვით, პერიოდულად იქროლებს ცვალებადი მიმართულების ზომიერი ქარი, ჰაერის მაქსიმალური ტემპერატურა დასავლეთ საქართველოს დაბლობსა და აღმოსავლეთ საქართველოს ბარში 30-35 გრადუსის ფარგლებშია ნავარაუდები
სინოპტიკოსის თქმით, 29 აგვისტოს შავი ზღვის ჩრდილო-დასავლეთიდან დასავლეთ საქართველოში გავრცელდება შედარებით გრილი და ნოტიო ჰაერის მასები, რაც გამოიწვევს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში ხანმოკლე წვიმას. ჰაერის ტემპერატურა დაიკლებს დასავლეთ საქართველოში და არამდგრადი ამინდი 30 აგვისტოსაც შენარჩუნდება.
დღეს დასავლეთ საქართველოში ჰაერის მაქსიმალური ტემპერატურა 25-30 გრადუსის ფარგლებშია ნავარაუდები. ხვალ და ზეგ დასავლეთ საქართველოში ტემპერატურა მოიმატებს. 29 აგვისტოს ჰაერის ტემპერატურა 34 გრადუსის ფარგლებში იქნება, 29 აგვისტოდან კი ისევ დაიკლებს და მხოლოდ 24-29 გრადუსამდე გათბება ჰაერი.