კვირის ყველაზე კითხვადი სტატიები
თვის ყველაზე კითხვადი სტატიები
14:22 / 07-09-2017
რა გაკეთდა პეკინის ქუჩაზე - ნახეთ, როგორია 3-თვიანი რეაბილიტაციის შედეგები
რამდენიმე დღეში პეკინის ქუჩის რეაბილიტაცია სრულდება. პროცესი, რომელსაც თბილისის მერმა "ძალიან მნიშვნელოვანი და ისტორიული პროექტი" უწოდა, სამ თვეს გაგრძელდა და ამ ხნის მანძილზე თქვენ თავადვე იყავით მომსწრე როგორ მიმდინარეობდა სამუშაოები. ბევრ მოქალაქეს, განსაკუთრებით მძღოლებს დისკომფორტიც შეუქმნა ქალაქის ერთ-ერთ მთავარი ქუჩაზე თვეების მანძილზე მოძრაობის პარალიზებამ.

რა გაკეთდა სამ თვეში პეკინის ქუჩაზე, როგორი იქნება რეაბილიტირებული ქუჩა და დარჩება თუ არა ცალმხრივი - "პალიტრანიუსის" გადაცემაში "დღის თემა" ამის შესახებ თბილისის მერიის კეთილმოწყობის საქალაქო სამსახურის უფროსმა გივი კუბლაშვილმა ისაუბრა.

იხილეთ გადაცემის ვიდეოვერსია სრულად

- თბილისის მერმა რამდენიმე დღის წინ აღნიშნა, რომ სამუშაოები გეგმის მიხედვით მიმდინარეობს და 10 სექტემბრისთვის დასრულდება. როდის გაიხსნება სრულად გზა?
- გზის სავალი ნაწილი თითქმის დასრულებულია, 100-მეტრიანი მონაკვეთი დარჩა და  დილისთვის დასრულდება ეს სამუშაოები, სრულად ვართ გადართული ტროტუარების კეთებაზე. მარცხენა მხარეს დღეს ეს სამუშაოებიც დასრულდება და უკვე შშმ პირების გადასასვლელის სამუშაოებს დავიწყებთ, რისთვისაც სამი-ოთხი დღე დაგვჭირდება. პარალელურად გაგრძელდება მარჯვენა მხარეს ტროტუარების მოწყობა, თავდაპირველად მოეწყობა ავტობუსის გაჩერებები, დასრულდება ტროტუარის მშენებლობა და შემდეგ დაიგება წითელი ასფალტი, რომელიც იქნება განკუთვნილი ველოსიპედით გადაადგილებისთვის. მოეწყობა ორმხრივი ველობილიკი, ასევე მოეწყობა "ბას ლეინები" (ავტობუსის ხაზები), რომელსაც დაახლოებით ათი დღის ვადაში დახაზავს ტრანსპორტის საქალაქო სამსახური. ამის შემდეგ სრულად იქნება საშუალება, აღდგეს მოძრაობა.



- პროექტის მიხედვით, პეკინის ქუჩის არა მხოლოდ მიწისქვეშა ნაწილი, ტროტუარებიც სრულიად სახეცვლილი იქნება. კონკრეტულად რა სამუშაოები ჩატარდა და როგორი იქნება ქუჩის საბოლოო სახე?

- ამ გზის რეაბილიტაცია ბოლოს 1953-1955 წლებში მოხდა, დიდი სამუშაოები გასწია "ჯვპ"-მ. მთლიანად შეიცვალა 400-იანი და 160-იანი წყლის მილები და სანაცია მოხდა 1000-იან მილზე. დაახლოებით 400-მეტრიანი კანალიზაციის გვირაბის რეაბილიტაცია მოხდა, ძირითადი სირთულის სწორედ ეს სამუშაოები იყო.

ამასთან, ჩვენ მოვაწყობთ თანამედროვე ტიპის, შშმ პირებისთვის გადასასვლელებს, ასევე ავტობუსის გაჩერებებზეც იქნება იგივე
მოწყობილი, გაკეთდება ახალი გაჩერებები, ხეების ირგვლივ მოეწყო ახალი ცხაურები და წყლის დამცლელები დამონტაჟდა. გამწვანების სამსახური გააგრძელებს მუშაობას, დაიდგმება ყვავილების ქოთნები და სკამები. შეიძლება ითქვას, მოქალაქეები სრულიად ახალ პეკინის ქუჩას მიიღებენ.



- მთავარი შეკითხვა, რაც ახლა მოქალაქეებს აწუხებთ, არის ის, დარჩება თუ არა პეკინის ქუჩა ცალმხრივი. რას იტყვით ამის შესახებ?

- ჩვენ პროექტის დაწყებამდე დავთვალეთ მოძრაობა თუ რამდენი მანქანა მოძრაობს პეკინის ქუჩაზე, როდესაც შევხედეთ, რომ ახლა არსებულმა მოძრაობის ნაკადებმა კარგად იმუშავა, გადავწყვიტეთ ჩაგვეტარებინა გამოკითხვა და მოსახლეობის უმეტესმა ნაწილმა თანხმობა განაცხადა, რომ პეკინზე იყოს ცალმხრივი მოძრაობა. თანდათან უკვე შეივსო ქალაქი და მოძრაობა ჯერჯერობით არ შეფერხებულა, თუ ასე გაგრძელდა, დაახლოებით 6 დღეში მივიღებთ ამ გადაწყვეტილებას და დავტოვებთ პეკინის ქუჩას ცალმხრივს.
11:41 / 03-10-2017
პეკინზე მცხოვრები
0
პეკინზე კია თავისუფალი, მაგრამ პატარა ქუჩებზე ნახეთ რა ხდება, პეკინამდე ხომ უნდა მიხვიდე? სახლამდე ვერ მივსულვარ.
09:27 / 16-09-2017
niko
2
ძალიან კარგად გაკეთდა და მივესალმებით ცალმხრივს,საცობები აღარ არის დიდი მადლობა
მსგავსი სიახლეები
PHOTO+VIDEO ერთ-ერთი მთავარი პრობლემა, რაც ქუჩაზე წვიმის შემდეგ იჩენდა თავს, წყლის გუბეები იყო
მისი თქმით, ეს ცალკე პროექტია და არ აქვს კავშირი პეკინის რეაბილიტაციის პროექტთან
+VIDEO: კვირის ბოლოს პეკინის ქუჩის მარჯვენა მხარეს, სარეაბილიტაციო სამუშაოები დასრულდება
PHOTO+VIDEO დაგეგმილია წყლის გადაკეტვა, რათა სანიაღვრე სისტემები გაიწმინდოს
+VIDEO| საკრებულოს მივმართავთ ინიციატივით, რომ პეკინის ქუჩის დასახელება ქართული სახელწოდებით
+PHOTO კადრებში კარგად ნაცნობი პეკინის ქუჩის ცნობა, შესაძლოა გაგიჭირდეთ კიდეც
სატრანსპორტო კომპანია ბოდიშს იხდის შექმნილი დისკომფორტისთვის
ცალმხრივი მოძრაობა დაწესდება შემდეგ საგზაო მონაკვეთებზე
"წყნეთი-ბეთანიის გზაზე 2015 წელს დაძრული მასის დაახლოებით 30% ისევ ფერდზე იყო დარჩენილი"
ამ კატეგორიის სხვა სიახლეები
11:40 / 23-10-2017  Image ავარია ხაშურთან: საჩხერის "ჩიხურას" ავტობუსი ამობრუნდა, დაშავებულია გუნდის კაპიტანი
ფეხბურთელები ბათუმის "დინამოსთან" მატჩის შემდეგ დედაქალაქში მოემგზავრებოდნენ
13:09 / 23-10-2017  Image ვინ იქნება და რა ქონებას ფლობს დედაქალაქის საკრებულოს მომავალი თავმჯდომარე?
თბილისის საკრებულოს ახალი თავმჯდომარე გიორგი ტყემალაძე იქნება
10:45 / 23-10-2017  Image Monolith City - მონოლით ჯგუფის პასუხი მომავლის გამოწვევებს
Monolith City შენდება ძველ თბილისში, ორთაჭალაში, გორგასლის მოედნიდან 400 მეტრის მოშორებით
12:15 / 23-10-2017  Image 5 პარტია, რომელმაც არჩევნებზე ყველაზე ნაკლები ხმა მიიღო - ერთ-ერთს მხოლოდ 75-მა ადამიანმა მისცა ხმა
საბოლოო შედეგებს ცენტრალური საარჩევნო კომისია რამდენიმე დღეში გამოაქვეყნებს
09:00 / 23-10-2017  Image ზეციური იერარქია - ყველაფერი, რაც ანგელოზთა დასების შესახებ უნდა იცოდეთ
"ანგელოზებად" იწოდებიან მხოლოდ ზეციურ ძალთა ყველაზე ქვედა საფეხურზე მყოფი არსნი
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49