შავნაბადას მამათა მონასტრის ტერიტორიაზე კელია იწვის. როგორც შინაგან საქმეთა სამინისტროს საგანგებო სიტუაციების მართვის სამსახურში აცხადებენ, ცეცხლი ორსართულიან შენობას მოედო, სადაც მონასტრის ბერების კელიებია განთავსებული.
მათივე ინფორმაციით, ადგილზე 5 სახანძრო-სამაშველო ბრიგადა და 25 მაშველი მუშაობს. ამ დროისთვის ხანძარი ლოკალიზებულია და მისი სალიკვიდაციო სამუშაოები მიმდინარეობს. ხანძრის გამომწვევი მიზეზები ჯერჯერობით უცნობია.
სასულიერო პირები მომხდარზე ჟურნალისტებთან არ საუბრობენ, თუმცა არსებული ინფორმაციით, ხანძრის გამომწვევი მიზეზი ანთებული სანთელი გახდა.