კვირის ყველაზე კითხვადი სტატიები
თვის ყველაზე კითხვადი სტატიები
11:11 / 25-09-2017
გასაყიდი ბინა ბევრია, რეალური კლიენტი ცოტა - რა მდგომარეობაა უძრავი ქონების ბაზარზე
1 ივლისიდან საქართველოს ტერიტორიაზე ყველა მეწარმე ფიზიკურ და იურიდიულ პირს ფასის ლარში მითითების ვალდებულება დაეკისრა. რამდენად იქონია გავლენა ამან უძრავი ქონების ბაზარზე და როგორია ბოლოდროინდელი ტენდენციები - AMBEBI.GE უძრავი ქონების სააგენტოებს გაესაუბრა.

სპეციალისტების შეფასებით, ბაზარზე უძრავი ქონების ფასის მკვეთრი ცვლილება არ ფიქსირდება, თუმცა ფასი მაინც დოლარის კურსის ცვლილებაზეა დამოკიდებული.

"მოგეხსენებათ პირველი ივლისიდან ფასის ლარში მითითება სავალდებულო გახდა, თუმცა დოლარი ლარებში გადაყავთ და ჩვეულებრივად საბაზრო კურსს უკავშირებენ და არა ოფიციალურს. პრაქტიკულად ფასი მაინც დოლარზეა მიბმული. რეალურ შემთხვევაში კი როცა უკვე კლიენტი გამოჩნდება, შესაძლოა სულ სხვა ფასით გაიყიდოს, ამიტომაც რთული სათქმელია ფასმა აიწია თუ არა. ჩვენ ყველა განცხადება ლარში გვაქვს გაშვებული, თუმცა ბინის პატრონი იმ თანხას ითხოვს რამდენიცაა კურსიც", - აცხადებს უძრავი ქონების სააგენტოს kibe.ge-ს დამფუძნებელი ნელი გოგუაძე.

მისი თქმით, გასაყიდი ბინა ძალიან ბევრია რეალური კლიენტი ცოტა, ეს განსაკუთრებით ძველ ბინებს ეხება. "ახალი მშენებლობები ძალიან კარგად მიმდინარეობს, ამიტომაც მყიდველების უმრავლესობა სამშენებლო კომპანიებს მიმართავს, ძველ ბინებზე კი მოთხოვნა ძალიან შემცირდა. როგორც ე.წ "ხრუშოვკას იშვიათად ყიდულობენ, თუ ყიდულობენ ძალიან დაბალ ფასად, ასევეა ძველ ბინებზეც. ახალი აშენებული ბინა ძალიან ბევრია, თან არც ისეთი ცუდი პირობებით იყიდება",  - აცხადებს გოგუაძე.

უძრავი ქონების განცხადებების საიტის saqme.ge-ს დირექტორის ნიკა ჯაფარიძის განცხადებით, უძრავ ქონებაზე ფასის ლარში მითითების ვალდებულებამ გაურკვევლობა გამოიწვია. "ბევრი განცხადებას აქვეყნებს და არ ითვალისწინებს, რომ ლარში მითითება აუცილებელია. ფიქრობენ, რომ დოლარში მითითებული ფასი ლარშია. ამას ისიც დაემატა, რომ ლართან მიმართებაში ვალდებულება მხოლოდ იურიდიულ პირებს აქვთ ანუ სამშენებლო კომპანიებს და ა.შ. როგორც გაირკვა ფიზიკურ პირს შეუძლია განცხადება კვლავ დოლარის სახით გამოაქვეყნოს. ვიღაც ლარში უთითებს ვიღაც დოლარში, ამან სიტუაცია არია", - ამბობს saqme.ge-ს დირექტორი.

ჯაფარიძის შეფასებით, უმჯობესია
ლარიზაცია ყველას შეხებოდა და არა მხოლოდ გარკვეულ სეგმენტს.

"ერთხელ და სამუდამოდ ყველა ფიზიკურიც და იურიდიულიც ლარზე უნდა გადავიდეს. რაც შეეხება ფასებს, რეალურად ფასები იგივე დარჩა. როცა დოლარი ძალიან ავარდა ზემოთ, მაგალითად, როცა 1.75 იყო და 2.30-2.40 გახდა, რა თქმა უნდა, ფასებსაც შეეხო. როცა ადამიანს ლარში აქვს ხელფასი, რა თქმა უნდა, 50 ათასი დოლარის გადახდა უფრო გაუჭირდება, ვიდრე ადრე. ლარის გაუფასურებამ ცვლილებები გამოიწვია, მაგრამ ისეთი პროპორციით არა როგორც კურსი შეიცვალა", - განაცხადა ჯაფარიძემ. მისი თქმით, გაყიდვების კუთხით სექტემბერი აქტიური თვეა.

"15 სექტემბრრიდან მყიდველების გააქტიურება ხდება ხოლმე. ასევე, ზაფხულის დასაწყისია საკმაოდ აქტიური პერიოდი. აგვისტოს შუა რიცხვებიდან სექტემბრის 15-მდე ჩავარდნილი პერიოდია. ახლა გაქირავების სეზონიც იწყება აქტიურად", - აღნიშნა ჯაფარიძემ.

უძრავი ქონების სააგენტოს myclient.ge-ს საზოგადოებასთან ურთიერთობის მენეჯერის გვანცა გუჯელაშვილის განცხადებით, ბინების ლარში მითითების შემდეგ ფასზე რადიკალური ცვლილება არ მომხდარა.

"ბინის ღირებულება არც ავარდნილა და არც ჩამოვადნილა. არც ახალ აშენებულზე და არც ძველ ბინაზე ფასის მკვეთრი ცვლილება არ ფიქსირდება. ბოლო პერიოდში დოლარის ფასის გაზრდის შემდეგ, მომხმარებელს ბევრად მეტი თანხის გადახდა უწევთ, ვიდრე თუნდაც ორი კვირის წინ მოუწევდათ. გარკველი ზეგავლენა კურსს ფასზე, რა თქმა უნდა აქვს, თუმცა მკვეთრი ცვლილება არ ფიქსირდება", - განაცხადა გუჯელაშვილმა.

ლიკა ამირაშვილი
AMBEBI.GE
10:13 / 26-09-2017
werld
0
სამარცხვინოა ამ მთავრობების მიერ გაცემული ნებართვები,ყველა მერი უნდა დაისაჯოს!!!
08:02 / 26-09-2017
შაკიკი
0
რა იდიოტიზმია ეს ლარიზაცია. რა მნიშვნელობა აქვს. აიწევს დოლარის კურსი, აიწევს ფასი ლარში.
მსგავსი სიახლეები
"ამ გადაწყვეტილებით დაზარალდება სახელმწიფოც, თვითმართველობაც, ბანკებიც და კერძო მესაკუთრეებიც"
მშენებლობის დაწყებას ძალიან ბევრი სირთულე და უამრავი ნიუანსი ახლავს, რომლის გათვალისწინებაც აუცილებელია.
+VIDEO| პარკის გაშენება დიღმის ჭალებში, სადაც დასასვენებლად მოსახლეობა ქალაქის სხვა უბნებიდანაც ივლის
როგორია საშუალო ფასები უბნების მიხედვით თბილისსა და სხვა ქალაქებში?
რა ღირს ბინები საქართველოს სამ დიდ ქალაქში: ბათუმის, ქუთაისისა და თელავის უძრავი ქონების ფასები
ოხუმში ვიზიტით ჩავიდა რუსეთის პრეზიდენტის თანაშემწე ვლადისლავ სურკოვი
"მეორად ბინებზე მოთხოვნის შემცირებამ ფასები გაიაფა"
ქონების ღირებულების ლარში მითითების ვალდებულება ბინებს დაახლოებით 5-10%-ის ფარგლებში გააძვირებს
განკარგულებათა უმეტესობა მიწის ნაკვეთების გადაცემას ეხება
2016 წელს ბინები ყველაზე ძვირი მთაწმინდაზე ღირდა
ამ კატეგორიის სხვა სიახლეები
11:40 / 23-10-2017  Image ავარია ხაშურთან: საჩხერის "ჩიხურას" ავტობუსი ამობრუნდა, დაშავებულია გუნდის კაპიტანი
ფეხბურთელები ბათუმის "დინამოსთან" მატჩის შემდეგ დედაქალაქში მოემგზავრებოდნენ
13:09 / 23-10-2017  Image ვინ იქნება და რა ქონებას ფლობს დედაქალაქის საკრებულოს მომავალი თავმჯდომარე?
თბილისის საკრებულოს ახალი თავმჯდომარე გიორგი ტყემალაძე იქნება
10:45 / 23-10-2017  Image Monolith City - მონოლით ჯგუფის პასუხი მომავლის გამოწვევებს
Monolith City შენდება ძველ თბილისში, ორთაჭალაში, გორგასლის მოედნიდან 400 მეტრის მოშორებით
12:15 / 23-10-2017  Image 5 პარტია, რომელმაც არჩევნებზე ყველაზე ნაკლები ხმა მიიღო - ერთ-ერთს მხოლოდ 75-მა ადამიანმა მისცა ხმა
საბოლოო შედეგებს ცენტრალური საარჩევნო კომისია რამდენიმე დღეში გამოაქვეყნებს
09:00 / 23-10-2017  Image ზეციური იერარქია - ყველაფერი, რაც ანგელოზთა დასების შესახებ უნდა იცოდეთ
"ანგელოზებად" იწოდებიან მხოლოდ ზეციურ ძალთა ყველაზე ქვედა საფეხურზე მყოფი არსნი
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49