კვირის ყველაზე კითხვადი სტატიები
თვის ყველაზე კითხვადი სტატიები
12:18 / 24-09-2017
ზუგდიდის ყველაზე ლამაზი ეზო, რომელსაც 46 წლის კაცი შვიდი წელია საკუთარი ხელით აშენებს - დაათვალიერეთ ფოტოები
ზუგდიდის მუნიციპალიტეტის სოფელ ახალაბასთუმანში მცხოვრებმა პაატა გოგელიამ სხვადასხვა დეკორატიული ელემენტებით საკუთარი ეზოს მოწყობა შვიდი წლის წინ დაიწყო. მის ეზოში 100-მდე სხავადასხვა ჯიშის მცენარე ხარობს, მათ შორის: ბზა (კოლხური, ჩვეულებრივი და მეჩხერი), ტიტას ხე, სექოია, ნეკერჩხალი, ბაძგი (მარადმწვანე ზოგჯერ ფოთოლმცვივანი ხეები და ბუჩქები) და ა.შ.

იხილეთ ფოტოგალერეა

46 წლის პაატა გოგელიას მცენარის ჯიშები თავად გამოყავს და მათ სხვადასხვა ფორმას აძლევს. სახლის მფლობელი ამბობს, რომ ეზოს ლადშაფტის მოწყობა ძალიან მნიშვნელოვანია და ამისთვის მცენარისადმი სიყვარული აუცილებელია.



"რამდენიმე წელია ამ საქმით ვარ დაკავებული, მიყვარს მცენარეები და შესაბამისად მათ მოვლას დიდ დროს ვანდომებ. სანამ მცენარეს ფორმას შევუცვლი, დიზაინს ვხატავ, შემდეგ კი ნახატის მიხედვით ვჭრი მათ. შეიძლება მცენარეები ისე იყოს დარგული, ერთმანეთს ხელს უშლიდნენ. თუმცა, სწორი ჭრისა და მათთვის ფორმის მიცემის შემთხვევაში გადარგვას თავიდან ავიცილებთ" - ამბობს ლანდშაფტის დიზაინერი.



ეზოების მოწყობა დეკორატორისთვის შემოსავლის წყაროა, თუმცა ის ამის მიუხედავად ყველას არ თანხმდება, რადგან თვლის, რომ მცენარის მოვლა ყველას არ შეუძლია.



"როდესაც ვხედავ ადამიანების ზერელე დამოკიდებულებას
მცენარეების მიმართ, რაც არ უნდა შემომთავაზონ არ ვთანხმდები. გარკვეულწილად ფსიქოლოგიც და ფილოსოფოსიც ვარ, ვცნობ ადამიანებს და ვხვდები მათ დამოკიდებულებას მცენარეების მიმართ. ადამიანს უნდა უყვარდეს თავისი ეზო და რაც მთავარია მცენარეები. მცენარეს რომ გაუგო ადამიანმა, მინიმალურად ფსიქოლოგიც უნდა იყო. ეს ყველას არ შეუძლია" - გვეუბნება გოგელია.



პაატა გოგელია 2011-2016 წლებში ზუგდიდის ბოტანიკურ ბაღს ხელმძღვანელობდა, თუმცა ამბობს, რომ მას მაშინ ბაღის საკუთარი შეხედულებებისამებრ მოწყობის საშუალება არ ჰქონდა. მიუხედავად ამისა, ბოტანიკური ბაღის მოწყობის გეგმა, რომელიც თავად შეიმუშავა, ახლაც აქვს.



გოგელიას ეზო საზოგადოებამ "მწვანეთა მოძრაობა/დედამიწის მეგობრები - საქართველოს" ფარგლებში მიმდინარე კონკურსის მეშვეობით გაიცნო. დეკორატორის ეზო, "ზუგდიდის ყველაზე სუფთა ეზოს" ნომინაციაში მონაწილეობს. კონკურსი ზუგდიდის გამგეობის ა(ა)იპ "ზუგდიდდასუფთავების ცენტრის" მხარდაჭერით იმართება.

თათია როგავა
AMBEBI.GE
11:16 / 13-10-2017
ავოიეეე
0
ხოო,არ ამუშაოთ ასეთ ხალხი,ამათ კარგის გაკეთება შეუძლიათ და თქვენც ხომ ეს არ გაწყობთ?
14:55 / 05-10-2017
გია
0
ადამიანი რომ ასეთ ეზოს გააკეთებს,ასეთი ადამიანი არ შეძლება რომ არ იყოს შინაგანად ძალიან კეთილშობილი და პასუხისგებით სავსე პიროვნება!

ყოჩაღ პაატა გოგელიას!ღმერთმა ხელი მოუმართოს მის საქმიანობაში და საერთოდ ცხოვრებაში!
მსგავსი სიახლეები
ფაქტზე სისხლის სამართლის საქმე 19-108-ე მუხლით (მკვლელობის მცდელობა) არის აღძრული
+VIDEO| 19 წლის შოთიკო ცირგაიას დედა შვილის სასაფლაოზე დაკრძალვაზე უარს აცხადებს
"დაუშვებელია სამსახურში მკვეთრი მაკიაჟითა და არასტანდარტული თმის ვარცხნილობით გამოცხადება"
საქმე თვითმკვლელობამდე მიყვანის მუხლით აღიძრა
ნაგებობა შესაძლოა არსებული ტაძრის სატრაპეზო ან ცალკე მდგომი სასახლე იყოს
ამ კატეგორიის სხვა სიახლეები
11:40 / 23-10-2017  Image ავარია ხაშურთან: საჩხერის "ჩიხურას" ავტობუსი ამობრუნდა, დაშავებულია გუნდის კაპიტანი
ფეხბურთელები ბათუმის "დინამოსთან" მატჩის შემდეგ დედაქალაქში მოემგზავრებოდნენ
13:09 / 23-10-2017  Image ვინ იქნება და რა ქონებას ფლობს დედაქალაქის საკრებულოს მომავალი თავმჯდომარე?
თბილისის საკრებულოს ახალი თავმჯდომარე გიორგი ტყემალაძე იქნება
10:45 / 23-10-2017  Image Monolith City - მონოლით ჯგუფის პასუხი მომავლის გამოწვევებს
Monolith City შენდება ძველ თბილისში, ორთაჭალაში, გორგასლის მოედნიდან 400 მეტრის მოშორებით
12:15 / 23-10-2017  Image 5 პარტია, რომელმაც არჩევნებზე ყველაზე ნაკლები ხმა მიიღო - ერთ-ერთს მხოლოდ 75-მა ადამიანმა მისცა ხმა
საბოლოო შედეგებს ცენტრალური საარჩევნო კომისია რამდენიმე დღეში გამოაქვეყნებს
09:00 / 23-10-2017  Image ზეციური იერარქია - ყველაფერი, რაც ანგელოზთა დასების შესახებ უნდა იცოდეთ
"ანგელოზებად" იწოდებიან მხოლოდ ზეციურ ძალთა ყველაზე ქვედა საფეხურზე მყოფი არსნი
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49