სიღნაღის მუნიციპალიტეტის ქალაქ წნორში, ბროწლიანის დასახლებაში ბუჩქნარსა და ბალახს ცეცხლი უკიდა. როგორც "ინტერპრესნიუსს" გამგებლის წარმომადგენელმა მიხეილ კულტიბაშვილმა განუცხადა, ცეცხლი დასახლებულ ტერიტორიასთან 60-70 მეტრში ფიქსირდება, თუმცა, ამ ეტაპზე ხანძრის ძირითადი კერები ლოკალიზებულია და ცეცხლის გავრცელების საშიშროება არ არსებობს. მისივე თქმით, მეხანძრეებთან ერთად ხანძარსაწინააღმდეგო სამუშაოებში მოსახლეობაც არის ჩართული.
ადგილზე მობილიზებული არიან სიღნაღის, დედოფლისწყაროსა და გურჯაანის სახანძრო- სამაშველო ჯგუფები.