მარნეულში ზეთით სავსე ავზები იწვის მარნეულის შესასვლელში მეორადი ზეთის გადამამუშავებელ ქარხანაში ხანძარია.
წინასწარი ინფორმაციით, ცეცხლი ზეთით სავსე ავზებს გაუჩნდა. ადგილზე მობილიზებულია ხანძარსაწინააღმდეგო სამსახური.
ცეცხლი ამ დროისთვის ლოკალიზებულია. ხანძრის ლიკვიდაციას მარნეულისა და კოდის ხანძარსაწინააღმდეგო ბრიგადები აწარმოებენ. წინასწარი ინფორმაციით, ხანძრის შედეგად არავინ დაშავებულა.
ხანძრის გამომწვევი მიზეზები ამ დროისთვის უცნობია.