კვირის ყველაზე კითხვადი სტატიები
თვის ყველაზე კითხვადი სტატიები
12:34 / 28-09-2017
როგორი ზამთარი იქნება წელს საქართველოში - რას პროგნოზირებენ მეტეოროლოგები
იმის გამო, რომ ჩვენს ქვეყანაში გასულ ზაფხულს გვალვა გახანგრძლივდა, ძალიან ცხელოდა, რამაც გარკვეული ზარალიც გამოიწვია, ჩნდება კითხვა, - როგორი იქნება ზამთარი? როგორც ამბობენ, უმკაცრესიო...

სწორედ ამის გასარკვევად გარემოს ეროვნული სააგენტოს ჰიდრომეტეოროლოგიური სამსახურის უფროსს, რამაზ ჭითანავას მივმართეთ.

"გვალვა გამორჩეული და იშვიათი მოვლენა ნამდვილად არ არის. ბოლო 50 წლის განმავლობაში ბვერად გახშირებულია, ვიდრე ადრეულ წლებში ყოფილა, რასაც მთელ მსოფლიოში და მათ შორის, საქართველოში, კლიმატის ცვლილებას უკავშირებენ. გვალვა, თუ გახსოვთ, 2000 წელსაც მასშტაბური იყო, რომელმაც სერიოზული ზარალი გამოიწვია, დაახლოებით, 300 მლნ ლარი. წლევანდელიც მნიშვნელოვანი იყო, ხანგრძლივი და ზარალიც დიდია, მაგრამ არ მგონია, მთლად იმ დონის იყოს, როგორც 2000 წელს", - გვეუბნება ბატონი რამაზი.

რაც შეეხება მომავალი ამინდის პროგნოზს საქართველოს მთელ ტერიტორიაზე, რესპონდენტის თქმით, შესაძლოა, ტემპერატურამ დაიკლოს (უკვე დაიკლო კიდეც), იყოს ნალექი, ზოგან ჭარბი და წყალმოვარდნაც. მაღალ მთაში წვიმა თოვლში გადაიზარდოს. ზოგადად კი შემოიჭრება ჩრდილოეთიდან ჰაერის ცივი და ნოტიო მასები.

- და ასე გაგრძელდება?

- ტემპერატურა თანდათან ისევ აიწევს. მთლიანობაში რომ ვთვქათ, ამინდის გრძელვადიანი პროგნოზი, რომელიც მთელ მსოფლიოში გარკვეული დაკვირვებით დგება, მოსალოდნელი ზამთარის შესახებ არ არის სწორი. შარშანაც ასე ამბობდნენ, მაგრამ არ გამართლდა.

- მოკლედ, მოარული ხმა, რომ მომავალი ზამთარი ანომალური იქნება, არ დასტურდება.

- რაც უფრო დიდია წინსწრება პროგნოზირებისა, მით უფრო ნაკლებია მათი გამართლებადობა. ჩვენ გვაქვს წვდომა მსოფლიო მოწინავე პროგნოზის ცენტრებთან, ვიცნობთ მათ მონაცემებს, და ამიტომ ვერც დავადასტურებთ, რომ განსაკუთრებით მკაცრი იქნება ეს ზამთარი. ჯერჯერობით არანაირი საფუძველი არ არის იმის, რომ განსაკუთრებით ანომალურად ცივ ზამთარს უნდა ველოდოთ.

რაც შეეხება მომავალ თვეს, ოქტომბერი გვაქვს ასეთი: ტემპერატურა 3-7 გრადუსით დაბალია, ვიდრე სექტემბრის და შეადგენს 11-დან 17 გრადუსამდე მთელი თვის საშუალო ტემპერატურას საქართველოს დაბლობსა და
ბარში. ამავე დროს კლიმატური დაკვირვების ანალიზი გვიჩვენებს, რომ ცალკეულ დღეებში ოქტომბერში ტემპერატურამ შესაძლოა, 35 გრადუსამდე აიწიოს და მინიმალური ტემპერატურა -3-იც დაფიქსირდეს. ეს ინფორმაცია კეთდება, ვიმეორებ იმ კლიმატური კვლევისა და დაკვირვების შედეგად, რაც ოდესმე ყოფილა აღრიცხული.

- ე.ი. ოქტომბერი თბილი იქნება?

- ოქტომბერი ცოტათი თბილი იქნება, თუ ვამბობთ, რომ საშუალოდ, 11-17 გრადუსია მოსალოდნელი, შეიძლება ერთი გრადუსით მაღალი იყოს, ვიდრე სხვა დროს ყოფილა. თუმცა ტემპერატურის მკვეთრი ვარდნაც არ გამოირიცხება. რაც შეეხება ნალექს, დასავლეთ საქართველოში უფრო მეტს ველოდებით, ვიდრე აღმოსავლეთში. ეს ისევ იმის მიხედვით, რაც წლების განმავლობაში არის აღრიცხული.

- ანომალიური გვალვა, ჭარბი ნალექი, წყალდიდობა და წყალმოვარდნები ძირითადად კლიმატის გლობალურ ცვლას უკავშირდება, ხომ?
- ეს ყველაფერი დაკავშირებულია გლობალურ პრობლემასთან, ზოგადად კლიმატის ცვლილებასთან. ამ პროცესმა გამოიწვია მთელი კლიმატური პროცესის აღრევა, მათ შორის, საქართველოში...

ლალი ფაცია
AMBEBI.GE
13:48 / 18-10-2017
მარინა
0
მე პირიქით მგონია.
ამ ბოლო დროს ჩვენი სინოპტიკოსები სწორ პროგნოზებს აკეთებენ. ზამთარი შორსაა და როგორი იქნება არავინ იცის
22:56 / 17-10-2017
დავითიი
0
ჩვენთან კი არა ამერიკაც ვეღარ აკეთებს ზუსტ პროგნოზებს. ნახეთ რამდენი ადამიანი დაეღუკათ

მიწისძვრის პროგნოზი რომ საერთოდ არ არის? გავაუქმოთ სეისმოლოგიური სამსახური?
მსგავსი სიახლეები
მოსალოდნელია წვიმა და ელჭექი, ზოგან ქარიც
კლიმატური ცვლილებები მსოფლიოს სხვა ქვეყნების მსგავსად, საქართველოზეც აისახება
ძლიერმა ქარმა თბილისსა და საქართველოს სხვადასხვა ქალაქში პრობლემები შექმნა
ამასთან, ზღვის სანაპირო რაიონებში შესაძლებელია 2-3 ბალიანი ღელვა
მომდევნო სამი დღის განმავლობაში მაღალი ტემპერატურა შენარჩუნდება
"ამერიკის შეერთებული შტატებიდან კიდევ ერთი ძვირადღირებული რადარი უნდა მივიღოთ"
მომავალი კვირის დასაწყისში სინოპტიკოსები საქართველოში ტემპერატურის მკვეთრ ზრდას არ პროგნოზირებენ
საქართველოს ზოგიერთ რაიონში წვიმაა მოსალოდნელი
ზემო იმერეთში ჰაერის მაქსიმალური ტემპერატურა იქნება 25-27 გრადუსი
ამ კატეგორიის სხვა სიახლეები
11:40 / 23-10-2017  Image ავარია ხაშურთან: საჩხერის "ჩიხურას" ავტობუსი ამობრუნდა, დაშავებულია გუნდის კაპიტანი
ფეხბურთელები ბათუმის "დინამოსთან" მატჩის შემდეგ დედაქალაქში მოემგზავრებოდნენ
13:09 / 23-10-2017  Image ვინ იქნება და რა ქონებას ფლობს დედაქალაქის საკრებულოს მომავალი თავმჯდომარე?
თბილისის საკრებულოს ახალი თავმჯდომარე გიორგი ტყემალაძე იქნება
10:45 / 23-10-2017  Image Monolith City - მონოლით ჯგუფის პასუხი მომავლის გამოწვევებს
Monolith City შენდება ძველ თბილისში, ორთაჭალაში, გორგასლის მოედნიდან 400 მეტრის მოშორებით
12:15 / 23-10-2017  Image 5 პარტია, რომელმაც არჩევნებზე ყველაზე ნაკლები ხმა მიიღო - ერთ-ერთს მხოლოდ 75-მა ადამიანმა მისცა ხმა
საბოლოო შედეგებს ცენტრალური საარჩევნო კომისია რამდენიმე დღეში გამოაქვეყნებს
09:00 / 23-10-2017  Image ზეციური იერარქია - ყველაფერი, რაც ანგელოზთა დასების შესახებ უნდა იცოდეთ
"ანგელოზებად" იწოდებიან მხოლოდ ზეციურ ძალთა ყველაზე ქვედა საფეხურზე მყოფი არსნი
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49