მაია ასათიანი მისი ორსულობის შესახებ გავრცელებულ ხმებს პასუხობს - "ახლობლები მხვდებიან და მილოცავენ..."

ტელეწამყვანმა მაია ასათიანმა მისი ორსულობის შესახებ გავრცელებულ ხმებს "პროფილის" ახალი სეზონის პირველ გადაცემაში უპასუხა: "ახალი ჭორი დადის ჩემს ირგვლივ, რომ ველოდები ბავშვს და ეს არის ტყუილი. ახლობლები მხვდებიან და მილოცავენ, თუმცა ეს არის ტყუილი", - განაცხადა ტელეწამყვანმა.

მაია ასათიანის ორსულობის შესახებ სოციალურ ქსელში, ასევე რამდენიმე პორტალზე მას შემდეგ წერდნენ, რაც "პროფილის" ახალი სეზონის პირველი გადაცემის პრომო გამოჩნდა.

ცნობისთვის, მაია ასათიანის და ირაკლი მახვილაძის 18 წლის ქალიშვილი ნუცა მახვილაძე პარიზის საავადმყოფოში 23 თებერვალს გარდაიცვალა. გოგონა მენინგოკოკური ინფექციის შედეგად, საავადმყოფოში კომატოზურ მდგომარეობაში მოათავსეს. სამწუხაროდ, მისი გადარჩენა ვერ მოხერხდა. ნუცა მახვილაძე საფრანგეთში, ამერიკულ უნივერსიტეტში პიარისა და მარკეტინგის ფაკულტეტზე სწავლობდა.

ნახეთ ვიდეო