გარემოს ეროვნული სააგენტოს ინფორმაციით, დღეს, დღის ბოლომდე, დასავლეთ საქართველოს უმეტეს და აღმოსავლეთ საქართველოს ზოგიერთ რაიონში ნალექიანი ამინდი შენარჩუნდება, ზოგან იქროლებს დასავლეთის მიმართულების ძლიერი ქარი.
როგორც ”ინტერპრესნიუსს” სააგენტოდან აცნობეს, 18 ოქტომბერს მცირე ნალექი მოსალოდნელია მხოლოდ დასავლეთ საქართველოს ცალკეულ რაიონში. ამასთან, დღის საათებში ჰაერის ტემპერატურა დაბლობსა და ბარში +16, +21 იქნება, ხოლო 19 ოქტომბრიდან +20, +25 გრადუსამდე მოიმატებს.