ინციდენტი ლიკა ქავჟარაძის ნახატების გამოფენაზე - თაყვანისმცემელმა მსახიობის პორტრეტი გაიტაცა

ინციდენტი ლიკა ქავჟარაძის ნახატების გამოფენაზე - თაყვანისმცემელმა მსახიობის პორტრეტი გაიტაცა

"არტ გალერეა ვაკეში" ლიკა ქავჟარაძის გამოფენა გაიმართა. გამოფენაზე ცნობილი მსახიობის მიერ, ბოლო წლებში შექმნილი ნახატები იქნა წარმოდგენილი. ლიკა ქავჟარაძე ამ გამოფენისთვის განსაკუთრებულად ემზადებოდა, თუმცა ის მოულოდნელად გარდაიცვალა. ღონისძიების ორგანიზატორი თბილისის მერიაა.

ნახეთ კადრები გამოფენიდან

ია მაქაცარია (მერიის კულტურის სამსახურის უფროსი): როდესაც ლიკა მოვიდა და საკუთარი გამოფენის გაკეთების იდეა შემოგვთავაზა დაუფიქრებლად დავთანხმდით. როდესაც თანხმობა ვუთხარით, ძალიან გაუხარდა, მისი გახარებული თვალები არასოდეს დამავიწყდება.

გამოფენას ლიკა ქავჟარაძის მეგობრები და მხატვრებიც ესწრებოდნენ.

ზაზა კოლელიშვილი (მსახიობი): ლიკა ჩემთვის არ მომკვდარა, ის აქ არის. უხაროდა ამ გამოფენისთვის მზადება, მაგრამ სამწუხაროდ არ დასცალდა.

გამოფენაზე ასევე წარმოდგენილი იყო ქართველი მხატვრების მიერ შექმნილი ლიკა ქავჟარაძის პორტრეტები, რომლის ყიდვა ნებისმიერ მსურველს შეუძლია.

გალერიაში მცირე ინციდენტიც მოხდა. ერთ-ერთმა სტუმარმა წითელ ფურცელზე შესრულებული ლიკა ქავჟარაძის პორტრეტი გაიტაცა, რომელიც დაცვამ მალევე დააბრუნებინა. აღმოჩნდა, რომ გამტაცებელი მსახიობის თაყვანისმცემელი იყო. ლიკა ქავჟარაძის გამოფენა "რე პრეფიქსი" 26 ოქტომბერს, მსახიობის დაბადების დღეზე დაიხურება.

თამარ ბოჭორიშვილი

Ambebi.ge

წაიკითხეთ ასევე: რას ყვებოდა ლიკა ქავჟარაძის პირველი ქმარი მსახიობზე 18 წლის წინანდელ ინტევრიუში - "არ მჯეროდა, რომ ჩემი ცოლი გახდებოდა"

თსუ-ს რექტორად კვლავ გიორგი შარვაშიძე აირჩიეს

"ეს მისი გადარჩენის ერთადერთი გზაა" - მეგობრები 26 წლის ბიჭის სიცოცხლისთვის იბრძვიან

ინფლუენსერები და ინფლუენსერ მარკეტინგი - infleuncer.ge