"გამყინვარება იწყება ევროპის კონტინენტზე... თბილისში -20 გრადუსს უნდა ველოდოთ" - ნინო ჩხობაძე ზამთრის პროგნოზზე

"გამყინვარება იწყება ევროპის კონტინენტზე... თბილისში -20 გრადუსს უნდა ველოდოთ" - ნინო ჩხობაძე ზამთრის პროგნოზზე

"საქართველოს მწვანეთა მოძრაობა - დედამიწის მეგობრების" წარმომადგენლის ნინო ჩხობაძის თქმით, წლევანდელი ზამთარი განსაკუთრებით ცივი იქნება, რასაც მოწმობს ევროპელი ექსპერტების პროგნოზები. ამის შესახებ ექსპერტმა "რადიო პალიტრის" გადაცემა "მწვანე ზონას" ეთერში სტუმრობისას განაცხადა:

"ერთ-ერთი შვეიცარიელი ექსპერტის მიერ, საიდუმლოდაა გამხელილი მსოფლიოსთვის, რომ 2017 წელი იქნება ბოლო, როცა გვექნება მეტნაკლებად სტაბილური კლიმატი, შემდეგი წლიდან კი ცვლადების პროგნოზია. წლევანდელი ზამთარი უკვე ცივია. დაიდო ევროპული პროგნოზი და ტემპერატურა ძალიან დაეცემა, გოლფსტრიმმა უკვე შეიცვალა მიმართულებები - ეს ნიშნავს, რომ გამყინვარება იწყება ევროპის კონტინენტზე.

მე მაქვს ინფორმაცია, რომ სომხეთის ჰიდრომეტცენტრმა გააკეთა განცხადება და არის ძალიან არასახარბიელო პროგნოზები, რომ ერევანში -30 გრადუსამდე დაეცემა ტემპერატურა. როგორც წესი ჩვენთან, მინუს 10 გრადუსია სომხეთთან შედარებით, ასე რომ თბილისში -20 გრადუსს უნდა ველოდოთ, რაც არის სერიოზული პრობლემაა თბილისისთვის და ზოგადად საქართველოსთვის.

გახსოვთ ალბათ, 3 წლის წინ, როცა -15 გრადუსი იყო, დედაქალაქში კომუნიკაციების მიმართულებით სერიოზული პრობლემები შეიქმნა. აღსანიშნავია ისიც, რომ როგორც მშენებლები გვეუბნებიან, რაზეც ითვლება მშენებლობა ქალაქში, არის -8 გრადუსი ტემპერატურა, შესაბამისად მთელი ინფრასტრუქტურა, რაც გათვლილია -8 გრადუსზე, ხანგრძლივად ვერ გაუძლებს -15 გრადუს ტემპერატურას და სერიოზული ზიანი მიადგება ინფრასტრუქტურას" - ამბობს ნინო ჩხობაძე.

იხილეთ ვიდეო

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი