გეგმური სარეაბილიტაციო სამუშაოების გამო, "ენერგო-პრო ჯორჯიას" აბონენტების ნაწილს ხვალ ელექტროენერგიის მიწოდება შეეზღუდება.
როგორც "ინტერპრესნიუსს" კომპანიიდან აცნობეს, ქსელის გეგმური სარეაბილიტაციო სამუშაოების გამო, 25 ნოემბერს, ელექტროენერგიის მიწოდება 11:00-დან 15:00 საათამდე შეეზღუდება 1134 აბონენტს მცხეთის გარეუბანში და სოფლებში მუხრანი, ქანდა, დიღომი. 27 ნოემბერს 11:20-დან 18:30-მდე - 909 აბონენტს დუშეთის მუნიციპალიტეტის სოფლებში ფასანაური, წითლიანი, ხევშა, ჭიკაანი და მიმდებარე სოფლებში. ამასთან, 11:20-დან 18:30-მდე - 279 აბონენტს დუშეთის მუნიციპალიტეტის სოფლებში ლუთხუბი, ჩოხი, თოთიაურნი, ჩობალაურები და მიმდებარე სოფლებში.
"სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება", - აცხადებენ კომპანიაში.
ელექტროქსელის საიმედოობის გაზრდის მიზნით, 25 ნოემბერს ელექტრომომარაგება დროებით შეეზღუდებათ ასევე "თელასის" აბონენტებს.
ელექტროქსელის საიმედოობის გაზრდის მიზნით, 10 საათიდან 18 საათამდე შეზღუდვა შეეხება: ვაგზლის მოედნის, რკინიგზის სადგურის მიმდებარე ტერიტორიის და თევდორე მღვდლის ქუჩის მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. კომპანია "თელასის" ინფორმაციით, სამუშაოების დასრულების შემდეგ აბონენტებს ელექტრომომარაგება აღუდგება.