კვირის ყველაზე კითხვადი სტატიები
თვის ყველაზე კითხვადი სტატიები
20:01 / 24-12-2017
არსებობს თუ არა მყინვარწვერზე ვულკანის ამოფრქვევის საფრთხე - "ერთ დღეში 91 მიწისძრვა დაფიქსირდა"
"სექტემბერში ჩვენმა ინსტიტუტმა საკუთარი სახსრებით აღადგინა მეტეოს სადგური... 91 მიწისძვრა დღეში… ეს არის მიზეზი დევდორაკის მთავარი აქტივობის", - წერს სეისმოლოგი - თეა გოდოლაძე სოციალურ ქსელში... თეა გოდოლაძე მოსალოდნელ რისკებზე გვესაუბრა...

- მყინვარწვერის მასივი გამოირჩევა მაღალი სეისმური აქტივობით. მაგალითად, 2014 წელს იყო დღეები, როდესაც საათში 400 მიწისძვრა ხდებოდა. ეს დამახასიათებელი მოვლენაა ვულკანური პროცესებისთვის, მაგმური აქტივობის დროს ხდება პატარა მიწისძვრები, ზოგჯერ დიდიც. სეისმური აქტივობა მსგავს პროცესებს ყოველთვის თან ახლავს... ყველასთვის ცნობილია, რომ მყინვარწვერი არის ვულკანური მასივი. იმისათვის,
რომ განვსაზღვროთ აქტივობის თუ რა ფაზაში იმყოფბა იგი, საჭიროა ვაწარმოოთ მისი მუდმივი მონიტორინგი და დამატებითი მრავალმხრივი სამეცნიერო კვლევები. ვულკანური მიწისძვრები ძირითადად ვულკანური მასივის სიღრმეში ხდება, ვულკანის მაგმურ კამერასთან ახლოს...



მიწისძვრები ძირითადად შედარებით დაბალი მაგნიტუდით ხასიათდება და ხშირად ხდება. მაგმური აქტივობის დროს მიწისძვრების რიცხვი იზრდება. ვულკანური აქტივობის ზრდის ერთ-ერთი ინდიკატორი მაღალი სეისმური აქტივობაა.

მყინვარწვერი ისეთივე აქტიური ვულკანი არ არის, როგორც მაგალითად - ფუჯიამაა იაპონიაში, ან პენეტუბო ფილიპინებში. საბჭოთა მონაცემებზე დაყრდნობით, მყინვარწვერის ბოლო ამოფრქვევა 2400 წლის წინ მოხდა. ვთვლით, რომ ეს საკითხი კიდევ დამატებით, ხანგრძლივ კვლევას საჭიროებს. ვულკანი ცოცხალი ორგანიზმია და თავისი ცხოვრების წესი აქვს.

2014 წლის მოვლენებმა ნათლად დაგვანახა, რომ დიდი სიფრთხილით უნდა მოვეკიდოთ მყინვარწვერის მიმდებარე ტერიტორიაზე ინფრასტრუქტურული პროექტების განხორციელებას.



- რას გვეტყვით ყაზბეგში დაგეგმილ გვირაბის მშენებლობასთან დაკავშირებით?

ნებისმიერი პროექტი თავდაპირველად კვალიფიციურ კვლევას საჭიროებს... ამჟამად რეგიონში გვირაბის მშენებლობა იგეგმება და პროექტის განხორციელებისთვის ესპანელებთან ერთად ვაწარმოებთ წინასწარ სამეცნიერო კვლევას. აუცილებელია ზუსტად ვიცოდეთ, რასთან გვაქვს საქმე! არ შეიძლება იგივე დავუშვათ, რაც მოხდა დარიალჰესის მშენებლობის დროს. არ შეიძლება ჩვენივე აშენებულმა ობიექტებმა ადამიანების სიცოცხლე შეიწიროს. ნებისმიერი პროექტის განხორციელებისას უნდა გავითვალისწინოთ გარემოს გეოლოგიური პროცესები. ბუნებასთან ერთად თანახცოვრება უნდა ვისწავლოთ. ჩვენს სავალალო შეცდომას ადამიანის სიცოცხლე შეიძლება შეეწიროს მომავალში. ჩვენი ჯიბის გასქელებას ადამიანების სიცოცხლე არ უნდა ეწირებოდეს.

გადახედეთ თბილისს რა ხდება, როგორი დარღვევით მიმდინარეობს მშენებლობები სამწუხაროდ, აღმოჩნდა, რომ მოსახლეობა ძალიან მალე ივიწყებს ტრაგედიებს... ვერეს ხეობაში კვლავ ცდილობენ მშენებლობის გაჩაღებას. აუცილებელია ამას შევეწინააღმდეგოთ. დეველოპერმა კორპუსი ააშენოს და შენს შვილიშვილს გარანტირებული სიკვდილი გამოუწეროს?! ეს არ უნდა დავუშვათ!

ყაზბეგში გვირაბი კი არ არის პრობლემა, არამედ თუ როგორ გაიყვანენ იმ გვირაბს. ზოგადად, მშენებლობა კი არ არის პრობლემა, პრობლემაა თუ როგორ ვაშენებთ შენობას. მგლის შიშით ცხვარი ვის გაუწყვეტია და ჩვენც რომ არაფერი ავაშენოთ, ასეც არ გამოვა... უბრალოდ ისე არ უნდა გავაკეთოთ, რომ მომავალში ადამიანების სიცოცხლეს საფრთხე შევუქმნათ. ხშირად არის კომპანიები ისე აშენებენ, აზრზე არ არიან რას აკეთებენ. მთავრობები მიდის და მოდის და ვისი პასუხიმგებლობა იქნება, მომავალში კატასტროფა თუ მოხდა? ვინ არის დღეს პასუხისმგებელი იმათ სიცოცხლეზე, ვინც ყაზბეგში შეიწირა ღვარცოფმა? თუ უსაფრთხოებას დღეს არ დავიცავთ, შესაძლოა 30 წელი გავიდეს და შემდეგ დადგეს სავალალო შედეგი... ამდენი წლების შემდეგ ვიღა აგებს პასუხს, რომ ვიღაცამ არასწორად ააშენა, არასწორი გადაწყვეტილება მიიღო? პრევენციული ზომებია საჭირო, რათა იმ ქვეყნებს არ დავემსგავსოთ, სადაც პატარა მიწისძვრის დროს ათასობით ადამიანი იღუპება.

მანანა გაბრიჭიძე
AMBEBI.GE
18:43 / 25-12-2017
gio
0
ვის რად უნდა ვინმეს პასუხისმგებლობა,მითუმეტეს წლების შემდეგ..რას ვუშველით თუ ვინმე დაიღუპა..
გამოეხმაურე / 0 /
17:26 / 25-12-2017
გეოლოგია
1
მშენებლობებთან დაკავშირებით ვეთანხმები ავტორის აზრს. აი ვულკანის ამოფრქვევასთან... არასერიოზული და არამეცნიერული მსჯელობაა. სჯობს ამის თაობაზე იმ გეოლოგებმა ისაუბრონ ვისაც ვულკანიზმზე უმუშავიათ.
გამოეხმაურე / 0 /
მსგავსი სიახლეები
ეპიცენტრი თბილისიდან – 56კმ-ში, დმანისთან ახლოს მდებარეობდა
ეპიცენტრი ქალაქებში: ბარდასა და გეიჩაიში იყო
+VIDEO 7,2 მაგნიტუდის სიმძლავრის მიწისძვრა ირანი-ერაყის საზღვარზე მოხდა
მიწისძვრა დაახლოებით, 14:24 საათზე მოხდა
+VIDEO|სხვა შენობებთან ერთად დაინგრა სკოლა და დაიღუპა 20 ბავშვი და მასწავლებლები
მიწისძვრა ადგილობრივი დროით 21:19 საათზე მოხდა
ამ კატეგორიის სხვა სიახლეები
18:12 / 17-01-2018  Image რატომ შევიდა ბაგა-ბაღებში რძის პროდუქტი ღვინის ეტიკეტიანი შეფუთვით? - "მილკოფუდის" განმარტება
"არასწორად ეტიკეტირებული რძის პროდუქტი აბსოლუტურად უსაფრთხოა"
11:23 / 17-01-2018  Image "ზვიად მესხი თუ ოდესმე თაზოს გაიცნობს, დარწმუნებული ვარ, შეუყვარდება..." - "ბასიანთან" დაჭრაში ბრალდებულის მამიდა
"ჩვენ პრივილეგირებული ოჯახი არ ვართ... სიკეთის მეტი არ გვიკეთებია...."
15:08 / 17-01-2018  Image დეპუტატი: "გლეხს სწავლა რომ უყვარდეს, გლეხი არ იქნებოდა, სხვა ადგილს მიაგნებდა ცხოვრებაში"
"ის მოსაზრება რომ მოსახლეობა მივატოვოთ და მხოლოდ ვასწავლოთ - არ გამოდგება"
17:29 / 17-01-2018  Image ეროვნულმა ბანკმა ლარის ახალი კურსი დაადგინა
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ
14:37 / 17-01-2018  Image ქეთა თოფურიას "ცხელი" ფოტოები ტაილანდიდან
ქეთა თოფურია მეგობრებთან ერთად ტაილანდში ისვენებს

პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49