ქსელზე ახალი აბონენტების მიერთების მიზნით, თბილისის ნაწილს 22 იანვარს ელექტრომომარაგება დროებით შეეზღუდება. როგორც "ინტერპრესნიუსს" კომპანია "თელასიდან" აცნობეს, შეზღუდვა შეეხება: დიდგორის რაიონს 11:00 საათიდან 17:00 საათამდე, კერძოდ: სოფელ წავკისის მცხოვრებლებს.
ნაძალადევის რაიონში,10:00 საათიდან 17:00 საათამდე, შეზღუდვა შეეხება: დიდუბის დასახლების და თორნიკე ერისთავის ქუჩის მცხოვრებლებს.
სამგორის რაიონში, 10:00 საათიდან 18:00 საათამდე, ლილოს დასახლების და იუმაშევის ქუჩის მცხოვრებლებს. ხოლო 11:00 საათიდან 15:00 საათამდე, შეზღუდვა შეეხება: მოსკოვის გამზირის მცხოვრებლებს.
ქსელზე ახალი აბონენტების მიერთების მიზნით შეზღუდვა გავრცელდება ჩუღურეთის რაიონშიც. კერძოდ, 10:00 საათიდან 18:00 საათამდე, შეზღუდვა შეეხება: აღმაშენებლის გამზირის, პასტერის, უზნაძის და წინამძღვრიშვილის ქუჩების მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.
გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება ასევე
"ენერგო-პრო ჯორჯიას" აბონენტების ნაწილსაც.
"ენერგო-პრო ჯორჯიას" ინფორმაციით, ქსელის გეგმური სარეაბილიტაციო სამუშაოების გამო, 22 იანვარს 09:00-დან 17:00 საათამდე ელექტროენერგიის მიწოდება შეეზღუდება 712 აბონენტს ყაზბეგის რაიონის სოფლებში სნო, ახალციხე, სტეფანწმინდა და მიმდებარე სოფლებში, 13:00-დან 14:00 საათამდე 981 აბონენტს წეროვანში, 13:40-დან 18:00 საათამდე 337 აბონენტს დუშეთის რაიონის სოფლებში ჭართალი, დოლასქედი, ჩიტაურები და მიმდებარე სოფლებში.
სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.