გმირთა მოედნის მიმდებარე ტერიტორიაზე, რესტორანში დაჭრილის ჯანმრთელობის მდგომარეობა კვლავ მძიმე რჩება
გმირთა მოედნის მიმდებარე ტერიტორიაზე მდებარე რესტორანში დაჭრილის ჯანმრთელობის მდგომარეობა კვლავ მძიმე რჩება, - ამის შესახებ "ინტერპრესნიუსს" "რესპუბლიკურ საავადმყოფოში" განუცხადეს.
მათივე ინფორმაციით, პაციენტი მკურნალობას რეანიმაციულ განყოფილებაში განაგრძობს.
თბილისში, გმირთა მოედნის მიმდებარე ტერიტორიაზე ორი დღის წინ, 3 ადამიანი დაჭრეს. დაჭრილთაგან ერთი საავადმყოფოში გადაიყვანეს. როგორც "ინტერპრესნიუსს" შსს-ში განუცხადეს, დანარჩენ ორ პირს ჰოსპიტალიზაცია არ დასჭირვებია. მათივე განმარტებით, დანაშაულში ეჭვმიტანილი ერთი პირი ადგილზევე დააკავეს.
არსებული ინფორმაციით, ერთ-ერთ რესტორანში სამი მამაკაცი დაბადების დღეზე სპეციალურად მიწვეულმა მომღერალმა დაჭრა.
მომხდარზე გამოძიება "სისხლის სამართლის კოდექსის" 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.
საავტომობილო გადაადგილების აკრძალვა 22 აპრილს მოიხსნება
ხვალიდან ამინდი მკვეთრად გაუარესდება - უახლოესი დღეების პროგნოზი
