კვირის ყველაზე კითხვადი სტატიები
თვის ყველაზე კითხვადი სტატიები
09:58 / 09-07-2010
გიგი უგულავას ყოფილი ცოლი თხოვდება?
რა გასაკვირია, რომ ცნობილი ადამიანების ცხოვრება, მით უფრო მათი პირადი თავგადასავლები საზოგადოებაში დიდ ინტერესს იწვევს. ვინ ვის დაშორდა, ვინ იქორწინა, ვინ ვისთან გააბა რომანი - ასეთი ინფორმაცია ყოველთვის აინტერესებს მკითხველს. თან, როგორც იტყვიან, თბილისი პატარა ქალაქია, ყველა ყველას იცნობს, ჭორებიც სწრაფად ვრცელდება და ჟურნალისტებსაც ვერსად დაემალები.

ახალი ჭორ-მართალი ქალაქში გიგი უგულავას ცოლყოფილის - თაკო ცაგურიას გარშემო გავრცელდა. ჯერ კიდევ ზამთარში ამბობდნენ, რომ მერის პირველი მეუღლე გათხოვებას აპირებდა, ბატონი გიგი კი ამ ნაბიჯის გადადგმას უკრძალავდა(?). მაშინ ამასთან დაკავშირებით ქალბატონ თაკოს გაზეთი
"ყველა სიახლე" დაუკავშირდა, მაგრამ მერის ცოლყოფილმა ეს ინფორმაცია უარყო: მე უკვე ვიყავი გათხოვილი და ასე მალე ახალი ოჯახის შექმნის საკითხს ვერ გადავწყვეტო, - ბრძანა. ისიც დააყოლა: გიგისთან გაყრილი ვარ, მას თავისი ოჯახი აქვს, მასთან ჯვარიც კი ავიყარე და არავის აქვს უფლება, თუნდაც ყოფილ მეუღლეს, ჩემს პირად ცხოვრებაში ჩაერიოსო.

ამბობენ, კვამლი უცეცხლოდ არ ჩნდებაო და გიგი უგულავას ცოლყოფილის გათხოვების შესახებ ცოტა ხნის წინ ისევ ალაპარაკდა "სრულიად თბილისი". ან რა გასაკვირია - საქმე ხომ ქალაქისთავს ეხება!.. მოკლედ, თქვენი მოთმინება რომ აღარ გამოვცადო, გაცნობებთ - შევიტყვეთ, რომ თაკო ცაგურიას რჩეული - ლევან გოთუა, ცნობილი პიანისტისა და თბილისის სახელმწიფო კონსერვატორიის რექტორის, მანანა დოიჯაშვილის ვაჟია.

ამბობენ, ლევანი თაკოზე რამდენიმე წლით უმცროსია და იმასაც აღნიშნავენ, რომ გიგი უგულავა და ლევან გოთუა წინათ კარგი მეგობრები იყვნენ... ლევანი ერთხელ უკვე იყო ქორწინებაში, მაგრამ შვილი არ ჰყავთ. ამჯამად ის ერთ-ერთ ბანკში მუშაობს.
შეყვარებულმა წყვილმა თურმე რომანტიკული მოგზაურობა მოიწყო ეგვიპტეში და ამ მოგზაურობის ამსახველი ფოტოები თაკოს Facebook-ზე აქვს გამოფენილი.

შეგახსენებთ, რომ თაკო ცაგურია პროფესიით ექიმია და გიგი უგულავასთან მას ორი ქალიშვილი ჰყავს. ბომონდური ამბებით დაინტერესებულ საზოგადოებას კარგად ემახსოვრება, რომ ოჯახის დანგრევის შემდეგ ქალაქის მერმა ლელა კილაძეზე იქორწინა. ადრე ლელაც გახლდათ დაქორწინებული და მას ერთი შვილი ჰყავს.

თბილისის "პირველი ლედი" სხვადასხვა დროს მუშაობდა: ვიზაჟისტად საქართველოს ტელევიზიის I არხზე მთავარ სპეციალისტად, საქართველოს პრეზიდენტის ადმინისტრაციაში, საზოგადოებასთან ურთიერთობის სამსახურის უფროსად ეკონომიკის სამინისტროში, კულტურულ ღონისძიებათა დეპარტამენტის ხელმძღვანელად კულტურის სამინისტროში. ამჟამად ლელა კილაძე პრეზიდენტის ადმინისტრაციაში კულტურულ ღონისძიებათა უზრუნველყოფის სამსახურის უფროსი და პრეზიდენტის ადმინისტრაციის უფროსის, თეიმურაზ ჯანაშიას მრჩეველია.

შვილის დაქორწინების შესახებ დამატებითი ინფორმაციის მისაღებად, ქალბატონ მანანა დოიჯაშვილს დავუკავშირდით. მან ლევანისა და თაკოს რომანის ირგვლივ გავრცელებული ცნობების სინამდვილე უარყო და დასძინა, - ისინი უბრალოდ, მეგობრები არიანო. "ამაზე არანაირ კომენტარს არ გავაკეთებ. გეუბნებით ფაქტს, რომ ეს სიცრუეა", - აღნიშნა ჩვენთან საუბრისას ქალბატონმა მანანამ. არადა, ოჯახის ერთ-ერთმა ახლობელმა დაგვიდასტურა, რომ ლევანი და თაკო დიდი ხანია, ერთად არიან...

ჩვენი მხრიდან დავძენთ: არაფერს ვამტკიცებთ, მხოლოდ იმ ინფორმაციას გადმოგცემთ, რომელიც გავრცელდა და ამდენად, უკვე საზოგადოების განსჯის საგნად იქცა. დანარჩენს დრო გვიჩვენებს...

ეკა ქავთარაძე
ჟურნალი ”გზა”
(გამოდის ხუთშაბათობით)
22:47 / 02-01-2013
ani
0
მაგარიაააააააააა
10:32 / 08-09-2012
nino
0
დზალიან კარგი ტუ ტხოვდება,მარტო რატო უნდა იყოს ადამიანი,მიტუმეტეს ტუ მის ყოფილ მეორენახევარს სხვა ჰყავს.გმერტმა ბედნიერი ამყოფოს,მტავარია არ სჰეცდეს რატა ხელახლა ტკივილი არ მიაყენოს საკუტარ ტავს და სჰვიებს.
ამ კატეგორიის სხვა სიახლეები
17:11 / 19-11-2017  Image კახა კალაძე - მომავალში მშენებლობებზე ნებართვების გაცემა განსხვავებული იქნება
"სამწუხაროდ, რაც აშენდა, იმას ვერაფერს ვუზამთ"
23:51 / 19-11-2017  Image თამაზ შავშიშვილმა ფოთის პორტი დატოვა, მას უკრაინიდან სამწლიანი დეპორტაცია აქვს
მან ჟურნალისტებთან პირველი კომენტარი გააკეთა და გაიხსენა, რა ვითარებაში მოხდა მისი დაკავება
12:19 / 19-11-2017  Image რუსეთში შექმნილ iPhone X-ზე შავი ხიზილალა, ქვეყნის გერბი და ჰიმნია გამოსახული
კომპანიამ კიდევ ერთი ექსკლუზიური მოდელი შექმნა, რომელიც მოსკოვში ბინის ფასი ღირს
16:33 / 13-01-2017  Image 10 წესი, როგორ მოიზიდოთ ფული - ძველი ჩინური სიბრძნე
ფენ შუი უძველესი ჩინური სიბრძნეა, რომლის მიხედვითაც სამყარო ერთი დიდი ორგანიზმია და
16:15 / 18-11-2017  Image სექსრობოტ სამანტაზე მოთხოვნა იმდენად დიდია, მწარმოებლებს საჭირო რაოდენობის დამზადება უჭირთ
სილიკონის სამანტას მუქი ყავისფერი თმა აქვს, მწვანე თვალები და რეალურის მსგავსი სასქესო ორგანოები
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49