გაკვეთილის თემა - "მიშა მაგარია!"
180-ე საჯარო სკოლაში მე-4 კლასის დამრიგებელმა ვერიკო პავლიაშვილმა ამავე კლასის მოსწავლეებს ღია გაკვეთილი ჩაუტარა - ბავშვებს უნდა დაეწერათ, რატომ მოსწონთ საქართველოს პრეზიდენტი. ქალბატონი ვერიკო მოსწავლეებს შეჰპირდა, რომ თვითონაც მოიძიებდა პრეზიდენტის საქებარ ინფორმაციას, რის შემდეგაც ერთ-ერთ მოსწავლესთან შელაპარაკება მოუვიდა - მეოთხეკლასელმა დამრიგებელს უთხრა, არსებობს ხალხი, ვისაც სულაც არ მოსწონს პრეზიდენტიო, რაზეც მასწავლებელი გაბრაზდა, - არ შეიძლება, არ მოგწონდეთ ჩვენი ბელადიო.
ქალბატონ ვერიკო პავლიაშვილს, დიდი მცდელობის მიუხედავად, ვერ დავუკავშირდით. თუმცა მოვახერხეთ გასაუბრება 180-ე სკოლის დირექტორის მოადგილესთან:
- ვერიკო მსგავს გაკვეთილს ვერ ჩაატარებდა, იმიტომ, რომ მაგ დროს ბაზარში იყო.
- თუკი სადამრიგებლო კლასი ჰყავს, სასწავლო პროცესის მიმდინარეობისას ბაზარში რატომ იყო?
- გაკვეთილის მიმდინარეობისას ასეთ თემაზე ლაპარაკი სულაც არ არის დანაშაული. ეს, ალბათ, საუბარმა მოიტანა.
- როგორც ვიცი, ამის გამო მასწავლებელი და მოსწავლე შელაპარაკდნენ, რადგან მოსწავლეს განსხვავებული აზრი ჰქონდა პრეზიდენტზე...
- პრეზიდენტის ლანძღვას ნამდვილად ვკრძალავთ სკოლაში, ამას არ დავუშვებთ.
სოფო ყარალაშვილი
ყოველკვირეული გაზეთი ”ყველა სიახლე”
(გამოდის ხუთშაბათობით)
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
