მატარებლით მგზავრობა გაძვირდა

1 თებერვლიდან მატარებელი -მგზავრობის შედარებით ხელმისაწვდომი საშუალება -გაძვირდა. მატარებლის ბილეთების ღირებულება ყველა მიმართულებით 2 ლარით გაიზარდა.

მადონა გოლოძე, რკინიგზის სადგურის ცნობათა ბიუროს წარმომადგენელი: -ბილეთების ღირებულება ნებისმიერი მიმართულებით 2 ლარით გაძვირდა.

მაგალითად, ზუგდიდის მიმართულებით 15-ლარიანი ბილეთი 17 ლარი გახდა, 11-ლარიანი კუპე 13 ლარი ეღირება, ხოლო ე.წ ჩქაროსნული ანუ დღის მატარებელი, რომლის ბილეთის ფასი 6 ლარი იყო, 7 ლარი გახდა. უცვლელი დარჩა პლაცკარტის, ანუ საერთო ვაგონის ბილეთის ღირებულება -5, 50 თეთრი.

ანა ჟვანია

ყოველკვირეული გაზეთი ”ყველა სიახლე”

(გამოდის ხუთშაბათობით)