საქართველოს განათლებისა და მეცნიერების სამინისტრო საჯარო სკოლებში მე-12 კლასის გაუქმების შესახებ ბოლო დროს გავრცელებულ ინფორმაციას კატეგორიულად უარყოფს.
როგორც "ინტერპრესნიუსს" სამინისტროდან აცნობეს, კიდევ ერთხელ განმარტავენ, რომ საქართველო არის ბოლონიის პროცესის ნაწილი, რომელიც თორმეტწლიან ზოგად განათლებას ითვალისწინებს. შესაბამისად, მე-12 კლასი არ გაუქმდება.
განათლების სამინისტროს განცხადებით, ყოველგვარი მითქმა-მოთქმა მე-12 კლასის გაუქმებასთან დაკავშირებით სიმართლეს არ შეესაბამება.