კვირის ყველაზე კითხვადი სტატიები
თვის ყველაზე კითხვადი სტატიები
22:11 / 04-12-2017
როგორ ავარჩიოთ სწორად გაზის გამათბობელი და რა უნდა ვიცოდეთ, რომ უბედური შემთხვევისგან დაზღვეული ვიყოთ
ზამთრის სეზონზე გამათბობელი საშუალებები მოსახლეობისგან დიდ ყურადღებას და სიფრთხილეს მოითხოვს. ყოველწლიურად ფიქსირდება გაზის გამათბობლებით გამოწვეული უბედური შემთხვევები.

რა უნდა ვიცოდეთ და როგორ უნდა მოვიქცეთ იმისთვის, რომ ზამთრის სეზონი მაქსიმალურად უსაფრთხოდ გავატაროთ - შეკითხვებს "ყაზტრანსგაზი" პასუხობს:

მთავარი კრიტერიუმი, რასაც გამათბობელი უნდა აკმაყოფილებდეს:
  • კატეგორიულად აკრძალულია გაზით მომუშავე ყველა სახეობის გამათბობელისა და წყალგამაცხელებელ ხელსაწყოთა მონტაჟი და ექსპლუატაცია, რომლებიც წვისათვის საჭირო ჰაერს სათავსოდან იღებენ, წვის პროდუქტი კი კვამლსადენების მეშვეობით არ გაიწოვება. წვის პროდუქტები სათავსოში არ უნდა რჩებოდეს. გამონაკლისად შეიძლება
    ჩაითვალოს გაზქურები.
  • იკრძალება გაზის ხელსაწყოების გამოყენება, თუ მასზე არ არის დამონტაჟებული ჩამკეტი მოწყობილობა და სათავსოში არ არის საკვამლე-სავენტილაციო არხები.
  • არ დაამონტაჟოთ გამათბობელი იმ ოთახებში, რომლებიც განკუთვნილია ძილისა და დასვენებისთვის.
- როცა მთელი ზაფხულის განმავლობაში გამათბობელი გამორთულია, მის გამოყენებამდე რაიმე სახის შემოწმების ჩატარება აუცილებელია?
- გაზის მოწყობილობა, რომელიც ზაფხულის სეზონზე დიდი ხნით უმოქმედოდ იყო, აუცილებლად საჭიროებს პროფილაქტიკურ მომსახურებას. მოწყობილობების უმოქმედობის დროს შესაძლოა ონკანის საცხის გაშრობა, რამაც შეიძლება გამოიწვიოს გაზის გაჟონვა და უბედური შემთხვევა.

დიდი ხნით ხმარებიდან გამოსული გაზის მოწყობილობებით სარგებლობა მისი საჭირო პროფილაქტიკური შეკეთების გარეშე სახიფათოა. 15 და მეტი დღით ქალაქიდან გამგზავრებისას, მოქალაქეებმა უნდა აცნობონ შესაბამისი რაიონების გაზის ბიზნესცენტრებს თავიანთი საცხოვრებელი ადგილის შესახებ, რათა მოხდეს გაზზე მიერთებული ხელსაწყოების გამორთვა-დახშობა და შესაბამისი აქტის გაფორმება.

- ზოგჯერ გასათბობად ჩვეულებრივ გაზქურას ვიყენებთ. ეს სახიფათოა?
- ეს კატეგორიულად აკრძალულია! შეიძლება მოჰყვეს უბედური შემთხვევა: ადამიანის მოწამვლა, გაგუდვა და ხანძარი ბინაში.
წვის შედეგად გამოიყოფა ნახშირორჟანგი, მისი დაგროვება კი ოთახიდან ჟანგბადს განდევნის და ადამიანი ჟანგბადის უკმარისობით იგუდება.

- შეიძლება ბინაში ვიგრძენით საეჭვო სუნი, ან ვეჭვობ, რომ გამათბობლიდან ან გამაცხელებლიდან გაზი ჟონავს. სანამ სპეციალური სამსახური მოვა დასახმარებლად, ჩვენ როგორ უნდა მოვიქცეთ?
- თუ სათავსოში იგრძნობა გაზის სუნი, სასწრაფოდ შეწყვიტეთ გაზის მიწოდება, დაკეტეთ ყველა ონკანი, გააღეთ ფანჯრები და შემდეგ გამოიძახეთ საავარიო სამსახური. დატოვეთ შენობა. ასეთ შემთხვევაში არ შეიძლება ასანთის ანთება, მოწევა, ელექტროხელსაწყოების ჩართვა-გამორთვა, ელექტროზარის გამოყენება; გაჟონვის შემოწმება ღია ცეცხლით.

თუ იგრძნობა გაზის სუნი სარდაფში, სადარბაზოში, ეზოში ან ქუჩაში, შეატყობინეთ გაზის მეურნეობის საავარიო სამსახურს. დაზიანების ადგილი ხალხმა უნდა დატოვოს.

- რა შემთხვევაში შეიძლება აფეთქდეს ბუნებრივი აირი?
- თუ დახურულ სივრცეში ბუნებრივი აირის გაჟონვა მიმდინარეობს. გარკვეული კონცენტრაციის შემდეგ შეიძლება თვითაალება მოხდეს და თუ ეს არ მოხდა, საკმარისია ასანთის ანთება ან სიგარეტის მოკიდება, რასაც აფეთქება მოჰყვება. მსგავს აფეთქებას საშინელი ძალა აქვს, შეიძლება სახლიც კი დაანგრიოს. ზოგჯერ წვის პროცესის დროს ხდება ალის შეწყვეტა, ბუნებრივი აირი აღარ იწვის და ოთახში გროვდება, რაც ასევე საშიშია.

-  უხარისხო გამათბობლისგან გამოწვეული უბედური შემთხვევები გასაგებია, მაგრამ როცა ხარისხიანი გამათბობელი გიდგას, წვისთვის საჭირო ჰაერიც გარედან შემოდის და ნამწვიც გარეთ გაედინება, ნამდვილად დაზღვეულები ვართ? რა უნდა გავაკეთოთ, რომ დაზღვეულები ვიყოთ?
- თუ ხარისხიანი გამათბობელი გაქვთ და მისი დამონტაჟებაც სპეციალისტის მიერ ყველა წესის დაცვით მოხდა, რეკომენდირებულია წელიწადში ერთხელ მისი შემოწმება და გაწმენდა. ესეც სპეციალისტმა უნდა განახორციელოს.

ნანა ჩხაიძე
AMBEBI.GE
14:47 / 05-12-2017
გიორგი
0
ძალიან საინტერესოა 1. პუნქტში ჩამოყალიბებული კრიტერიუმი - ანუ თუ ასეთი სახის აპარატურის გამოყენება კატეგორიულად აკრძალულია მაშინ ისმის ლოგიკური კითხვა, ან რატომ იყიდება ასე მასიურად ქსელში ასეთი ფართო ასორტიმენტით ან საერთოდ რისთვის აწარმოებენ ?? სადაა ამ დროს სახელმწიფო და რაში გამოიხატება მისი როლი მისივე მოქალაქეების უსაფრთხოების დაცვის კუთხით ??
მსგავსი სიახლეები
გაზის მოწყობილობების უსაფრთხო მოხმარების წესები
ავტოფარეხს საცხოვრებელი დანიშნულებით იყენებდნენ
"ა­რა მხო­ლოდ გა­ზის გა­ჟონ­ვა­ზე რე­ა­გი­რებს, ჰა­ე­რის გაწ­მენ­და და წყა­როს გა­და­კეტ­ვაც შე­უძ­ლი­ა"
თბილისის ქუჩებში რამდენიმე დღის წინ გაზის მკვეთრი სუნი ტრიალებდა
აფეთქება გაზის გაჟონვამ გამოიწვია
"თელასის", "ყაზტრანსგაზის", "აუთდორ.ჯის", "ალმა+"-ის, "კავკასუს ონლაინისა" და "სილქნეტის" წარმომადგენლებთან
+VIDEO| სხვადასხვა სავაჭრო ობიექტებში დაბალხარისხიან გაზის წყლის გამათბობლების რეალიზაციას ახდენდა
ამ კატეგორიის სხვა სიახლეები
22:29 / 11-12-2017  Image მიხეილ სააკაშვილი - მოსამართლემ, მიუხედავად პირადად პრეზიდენტის ზეწოლისა, სრულიად საპირისპირო გადაწყვეტილება მიიღო
"ერღვევათ სისტემა. ამათთვის ახლა სასიცოცხლოდ მნიშვნელოვანი იყო სახლში ჩავეკეტე და გარეთ არ გამოვეშვი"
10:24 / 11-12-2017  Image რა იწვევს ფსორიაზს და როგორ მკურნალობენ მას - "ეს დაავადება ადამიანს შეიძლება ნებისმიერ დროს გაუჩნდეს"
"ფსორიაზი ამოუცნობი გენეზის დაავადებაა, მაგრამ ის განაჩენი არ არის!"
12:27 / 11-12-2017  Image ტრადიციული გართობა და ახალი პროგრამა- რა გელოდებათ „იუმორინა 2018“- ზე
ყველასათვის საყვარელი "იუმორინა" წელსაც ზრუნავს ჩვენს განწყობაზე და გვთავაზობს დაუვიწყარ კონცერტს
15:05 / 11-12-2017  Image ვინ იყო ქართველი, რომელიც ღაზას სექტორში ეკლესია-მონასტრებს აშენებდა - წმინდა მიწაზე მორიგი უნიკალური აღმოჩენის დეტალები
ისინი IV საუკუნის მეორე ნახევრიდან პალესტინაში პირველი ქართველებიც გახდნენ
17:02 / 11-12-2017  Image "არ ვარ ისეთი, ზედმეტად რომ გადაყვებიან შვილებს და აბოდებთ..." - როგორი მამაა მიხეილ ცაგარელი და რა ელით მშობლებს ძაღლის წელში
როგორ მოახერხა,  ცნობილმა ასტროლოგმა რომ შვილებთან კონფლიქტი არასოდეს ჰქონოდა

პოპულარული კომენტარები
და რა გიკვირთ და რატომ მოსთქვამთ? კრიმინალური მენტალიტეტის ერი ცხოვრობს კრიმინალურ გარემოში... თქვენ გააგდეთ ამ ქვეყნიდან კრიმინალთან მებრძოლი მთავრობა და მოიყვანეთ კრიმინალებთან მოსიამტკბილე ხელისუფლება... ასე არაა? ფანჯრებიდან რომ ხედავდნენ მკვლელობას ვინმემ დარეკა პოლიციაში? მოსწავლეები რომ არ აძლევენ ჩვენებას გამოძიებას? ხომ არ ჩაუშვებთ? თქვენ არ გაკიოდით მიშამ სკოლაში მანდატურები შეიყვანა არიქა შვილებს სტუკაჩებად გვიქცევენო? რაც ხალხია, ის ვითარებაა ზუსტად.. საბჭოთა კავშირში მოწინავე ქურდების რაოდენობით, ევროპაში მოწინავე და თავმოჭრილი ქურდული და ორგანიზებული დანაშაულის ნომერ პირველი ექსპორტიორი... გურიაში ყაჩაღი მამალაძის ძეგლი, ლიტერატურაში ყაჩაღები დადებითი გმირები...სკოლებში სამოქალაქო თვითშეგნების ამმაღლებელი საგნები ვერ დანერგეს, ებრძვით ხმალამოღებული... მღდელი ღმერთის სახელით ქურდობს, ერი და ბერი აბსოლუტური უმრავლესობა გაუნათლებელი და ბნელი, პროგრესისმოძულე და წარსულის აპოლოგეტი.... რატომ გიკვირთ, ან რა გიკვირთ? რა?
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49