ნდობის რეიტინგში ეკლესია ლიდერობს

ამერიკის საერთაშორისო რესპუბლიკური ინსტიტუტის (IRI) მიერ საქართველოში ჩატარებული კვლევის თანახმად, გამოკითხულთა უმრავლესობა ყველაზე მეტად ეკლესიას ენდობა.

"ინტერპრესნიუსის" ინფორმაციით, კითხვაზე, "რომელ ინსტიტუციებს ენდობით?" - შედეგები შემდეგნაირად გადანაწილდა: ეკლესია -92%; ჯარი - 90%; პოლიცია -90%; პრეზიდენტის ადმინისტრაცია -71%; პარლამენტი -69%; მთავრობა -68%; განათლების სისტემა -67%; მედია -66%; ცენტრალური ბანკი -62%; პროკურატურა -54%; ადგილობრივი მმართველობები -54%; სასამართლო -51%; გუბერნატორები -46%; ომბუდსმენი -41%; ცენტრალური საარჩევნო კომისია -41%; პოლიტიკური პარტიები -40%; კონტროლის პალატა -36%; პროფკავშირები -21%;

ამერიკის საერთაშორისო რესპუბლიკურმა ინსტიტუტმა კვლევა GALLUP-ის მეშვეობით მარტსა და აპრილში ჩაატარა. კვლევები USAID-მა დააფინანსა.

"ინტერპრესნიუსი"