ესპანეთის ეროვნული ნაკრები უკვე თბილისშია. ნაკრებმა თბილისის საერთაშორისო აეროპორტი სპეციალური ავტობუსით დატოვა.
ესპანეთის ნაკრებს აეროპორტში გულშემატკივრები დახვდნენ, თუმცა, მათ ფეხბურთელების პირადად ნახვის საშუალება არ მიეცათ, რადგან ესპანელებმა აეროპორტი სპეციალური ავტობუსით დატოვეს.
ესპანეთის ნაკრები საქართველოს ნაკრებს მსოფლიოს 2014 წლის შესარჩევ ეტპაზე, 11 სექტემბერს დაუპირისპირდება. მატჩი "დინამო არენაზე" 21:30 გაიმართება. მსოფლიოს შესარჩევი ტურის ფარგლებში საქართველო უკვე მეორე მატჩს მართავს. პირველი თამაში 7 სექტემბერს "დინამო არენაზე" გაიმართა, საქართვლო ბელორუსის ნაკრებს დაუპირისპირდა და 1:0 დაამარცხა.