ინტერნეტკონფერენცია
ვერ მოიძებნა
კვირის ყველაზე კითხვადი სტატიები
თვის ყველაზე კითხვადი სტატიები
07:05 / 16-09-2012
"ნათია მოგელაძეს უთქვამს, ორი შვილი მყავს და ეკლესიურად ვცხოვრობო"
სოციალურ ქსელში გავრცელდა ინფორმაცია, რომ სასულიერო პირები ქადაგებაში მრევლს "ნაციონალური მოძრაობის" მხარდაჭერისკენ მოუწოდებენ. მეუფე აბრაამი "ნაციონალური მოძრაობის" ერთ-ერთ აქტიურ სახესა და საკრებულოს წევრ მამუკა ახვლედიანთან ერთად ევროპის სხვადასხვა ქვეყანაში ჩადის და ქადაგებისას მრევლს "ნაციონალური მოძრაობის" მხარდაჭერისკენ მოუწოდებს; ფოთის ეპარქიის მიტროპოლიტი, მეუფე გრიგოლი მრევლს სექტემბერში მოსალოდნელი დესტაბილიზაციის შესახებ ესაუბრება...
ამ საკითხზე კომენტარი ფერისცვალების ეკლესიის წინამძღვარს, არქიმანდრიტ ბართლომე ფირცხალაშვილს ვთხოვეთ.

- მამა ბართლომე, სოციალურ ქსელში გავრცელდა ინფორმაცია, თითქოს შემოქმედის მიტროპოლიტმა საშინელი სიტყვებით დაწყევლა ყველა, ვინც არჩევნებში ნაციონალებს არ მისცემს ხმას. აქვს კი სასულიერო პირს მრევლის დაწყევლის უფლება არჩევნებში რომელიმე პოლიტიკური პარტიის მხარდაჭერის გამო?
- წმინდა სინოდმა სასულიერო პირებს აუკრძალა პოლიტიკაში ჩარევა. სინოდის წევრების მხრიდან პოლიტიკური განცხადებები და მრევლისთვის არჩევნებში "ნაციონალური მოძრაობის" მხარდაჭრისკენ მოწოდება ჩემთვის მიუღებელია. მსაყვედურობენ, რომ არ უნდა მიმეღო მონაწილეობა "ქართული ოცნების" მხარდამჭერ აქციაში და არ უნდა გამომეხატა ჩემი დამოკიდებულება რომელიმე პიროვნების მიმართ, ისინი კი ამბიონიდან აკეთებენ პოლიტიკურ განცხადებებს. ასეთი საქციელი ზნეობრივი არ არის. რაც შეეხება წყევლას, ასეთი შემთხვევა მეც მქონდა, ამის უფლება აქვს სასულიერო პირს, მაგრამ არავის აქვს უფლება, ადამიანის არჩევანში ჩაერიოს. თუმცა დანამდვილებით არ ვიცი, მეუფე იოსებმა მართლა დაწყევლა თუ არა ის ადამიანები, ვინც არჩევნებში ნაციონალებს არ დაუჭერს მხარს. თუკი მან მრევლი ამის გამო დაწყევლა, რა თქმა უნდა, ეს უზნეობაა.

- თქვით, მეც დამიწყევლია ვიღაცო. ნათია მოგელაძეს გულისხმობდით?
- ჩემი წყევლა კონკრეტულად ბოროტების ჩამდენს ეხებოდა. ხალხის დაწყევლა იმისთვის, რომ თავიანთი ნება და არჩევანი არ გამოხატონ და ხმა მისცენ სასულიერო პირისთვის სასურველ კანდიდატს, არა მარტო ეთიკურად და ზნეობრივად არის გაუმართლებელი, ამის ჩამდენი კანონითაც უნდა დაისაჯოს.

- მამა აბრაამი უცხოეთში მოგზაურობს ნაციონალ მამუკა ახვლედიანთან ერთად და ემიგრანტებს მოუწოდებს, არჩევნებში ხმა "ნაციონალურ მოძრაობას" მისცენ...
- თუ რომელიმე სტრუქტურაზე ხარ დამოკიდებული, მაშინ არ გაქვს დამოუკიდებელი აზრი. ადამიანი, რომელიც დადის რომელიმე პოლიტიკური პარტიის წარმომადგენელთან ერთად და თავის ქადაგებებში ამ პოლიტიკური პარტიის სასარგებლო განცხადებებს აკეთებს, ჩემი აზრით, ეს მისი ანგარიშვალდებულებაა ამ პოლიტიკური პარტიის მიმართ, რაც დიდი უზნეობაა.

- ფოთისა და ხობის ეპარქიის მიტროპოლიტმა, მეუფე გრიგოლმა, ქადაგებისას მრევლს შემდეგი სიტყვებით მიმართა: "თქვენ არ იცით, რა იქნება სექტემბრის ბოლოს ჩვენს ქვეყანაში. ჩვენ შესაძლოა, მოგვიწიოს ამ ორ მხარეს შორის შუაში ჩადგომამ"...
- მოვისმინე ამ ქადაგების ჩანაწერი, მეუფე გრიგოლი ამბობს: - თქვენ არ იცით, სექტემბერში რა იქნება და ჩვენ შეიძლება შუაში ჩადგომამაც მოგვიწიოსო.... ეს ნიჰილიზმის და უნდობლობის დათესვაა მრევლში, საზოგადოებაში. ოპოზიცია და ბიძინა ივანიშვილი არ არის ის მხარე, რომელიც ძალას გამოიყენებს. ძალადობა მხოლოდ ხელისუფლებას ხელეწიფება.

- მამა ბართლომე, რას გვეტყვით სინოდის იმ წევრებზე, რომლებიც არ ემორჩილებიან სინოდის გადაწყვეტილებას?

- ორმაგი სტანდარტით ცხოვრება უზნეობად მიმაჩნია. პიროვნულ ცოდვებს არ განვიხილავ, მაგრამ როცა საქმე საზოგადოებრივ ცხოვრებას და ქვეყნის ბედს ეხება, მეტი სერიოზულობით უნდა მივუდგეთ საკითხს.

- ცოტა ხნის წინ
"ყველა სიახლესთან" ინტერვიუში განაცხადეთ, თუ ნათია მოგელაძე არ შეწყვეტს ბოროტი საქმეების კეთებას, ანთემას გადავცემო. გამოიღო შედეგი თქვენმა მცდელობამ?

- როგორც შევიტყვე, მოგელაძე ერთ-ერთ ჩვენს ახლობელ მონაზონს დაუკავშირდა და შეხვდა ქაშუეთის ეკლესიაში. უთქვამს: ორი შვილი მყავს, ეკლესიურად ვცხოვრობ, მორწმუნე და პატიოსანი ვარო. ჩანს, შიში გაუჩნდა. ერთხელ ვთქვი და კიდევ გავიმეორებ: ის, რომ ხალხს ჩამოართვეს სახლ-კარი, გაუყიდეს ყველაფერი და პილატესავით ხელები დაიბანეს, ძალიან დიდი ცოდვაა. თუკი მან იცის ეკლესიური ცხოვრება და ეს არ არის ფარსი, მეტადაც მოეთხოვება უფლისგან თავისი საქციელის გამო.

დარეჯან ლიპარტელიანი


ყოველკვირეული გაზეთი "ყველა სიახლე"
(გამოდის ოთხშაბათობით)
05:27 / 17-09-2012
nugnug
0
ეს ტარტაროზი სხვებს მოუწოდებს პოლიტიკაში ნუ ჩაერევითო და თვითონ კი ბიძინას აღმერთებს და ადიდებს. მგონი კომენტარი ზედმეტია.
04:55 / 17-09-2012
676
0
წყევლას რო ძალა ქონდეს მტელი ნაციონალები კაი ხნის გასვენებულები უნდა იყვნენ შევარდნაძე სააკაშვილის თამადობით.
რაც ამ გასიებულებს შემოსავალი აქვთ იმის 1 % მქონდეს და მწყევლონ მერე რამდენიც უნდათ.
ამ კატეგორიის სხვა სიახლეები
19:29 / 29-06-2017  Image თბილისის რამდენიმე უბანში ძლიერი წვიმაა
საქართველოში არამდგრადი ამინდი ხვალაც შენარჩუნდება
18:24 / 29-06-2017  Image ვარკეთილში 19 წლის ბიჭმა 41 წლის მამაკაცი მოკლა - შსს განცხადებას ავრცელებს
+VIDEO მან მამაკაცს გულმკერდის არეში ცივი იარაღით სასიკვდილო ჭრილობა მიაყენა
11:33 / 29-06-2017  Image რატომ უნდა გიხაროდეთ, თუ თქვენი შვილი ცაციაა - ცნობილი ცაციები და მათი ცხოვრების სტილი
ლიდერობა ახასიათებთ, უყვართ ცხოველები, საუკეთესოები არიან სპორტსა და ხატვაში...
19:25 / 29-06-2017  Image ლიზა ყენიას "ცხელი" ფოტოები ბათუმიდან
+PHOTO ლიზა ზღვისპირა ქალაქში შეყვარებულთან და მეგობრებთან ერთად გაემგზავრა
16:04 / 29-06-2017  Image რატომ დააგვიანეს ავსტრიელმა ტურისტებმა სტამბოლის რეისზე და რა კავშირშია ეს რძის პროდუქტების მწარმოებელ ქართულ ბრენდთან
სამეგრელოს ზოგიერთ სოფელში ოჯახები მართლაც ეჯიბრებიან, თუ ვის შეუძლია უკეთესი სულგუნის დამზადება
პოპულარული კომენტარები
ინტერნეტკონფერენცია
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49