დაცვის პოლიციის 700-მდე თანამშრომელი სამსახურიდან გაათავისუფლეს

დაცვის პოლიციის 700-მდე თანამშრომელი სამსახურიდან გაათავისუფლეს. მათი ცნობით, პოლიციელებთან დღეს დილით მერიის თანამშრომლები მივიდნენ, რომლებმაც განუცხადეს, რომ ახლად შექმნილ უსაფრთხოების საქალაქო სამსახურში უნდა გადასულიყვნენ.

როგორც თავად სამსახურიდან გათავისუფლებული დაცვის პოლიციის თანამშრომლები ყვებიან, მათ ეს წინადადება არ მიიღეს, რადგან სახელმწიფო სამსახურიდან კერძო სამსახურში გადასვლა არ სურთ.

დაცვის პოლიციის სამსახურიდან გათავისუფლებული თანამშრომლების ნაწილი ამ წუთებში "ქართული ოცნების" ოფისთან იმყოფება და დახმარებას არჩევნებში გამარჯვებულ კოალიციას თხოვს.

თბილისის მერმა გიგი უგულავამ ხელი მოაწერა დებულებას, რომელიც დედაქალაქის უსაფრთხოების საქალაქო სამსახურის შექმნას ითვალისწინებს.

"ინტერპრესნიუსი"